வோல்வரின் (திரைப்படம்)

எக்ஸ்-மென் ஒரிஜின்ஸ்: வோல்வரின் (X-Men Origins: Wolverine) என்பது 2009 ஆம் ஆண்டு வெளியான அமெரிக்க நாட்டு மீநாயகன் திரைப்படம் ஆகும். இந்த திரைப்படம் மார்வெல் காமிக்ஸ் என்ற வரைகதை புத்தகத்தில் வெளியான வால்வரின் என்ற ஒரு கற்பனை கதாபாத்திரத்தை மையமாக வைத்து மார்வெல் மகிழ்கலை, ஸீட் புரொடக்சன்ஸ் மற்றும் டோனர்ஸ் கொம்பனி போன்ற நிறுவனங்கள் மூலம் தயாரித்து 20ஆம் சென்சுரி பாக்ஸ் என்ற நிறுவனம் மூலம் விநியோகிக்கப்பட்டது.

எக்ஸ்-மென் ஒரிஜின்ஸ்: வோல்வரின்
இயக்கம்	கேவின் ஹூட்
தயாரிப்பு	லாரன் ஷுலர் டோனர் ரால்ப் விண்டேர் ஹியூ ஜேக்மன் ஜான் பலேர்மோ
மூலக்கதை	வால்வரின் படைத்தவர் ராய் தாமஸ் லென் வெய்ன் ஜான் ரோமிதா சீனியர்.
திரைக்கதை	டேவிட் பெனியோஃப் ஸ்கிப் வூட்ஸ்
இசை	ஹாரி கிரெக்சன்-வில்லியம்ஸ்
நடிப்பு	ஹியூ ஜேக்மன் லீவ் ஷ்ரைபர் டேனி ஹஸ்டன் டோமினிக் மோனகன் ரையன் ரெனால்ட்சு
ஒளிப்பதிவு	டொனால்ட் மெக்கல்பைன்
படத்தொகுப்பு	நிக்கோலாஸ் டி டோத் மேகன் கில்
கலையகம்	மார்வெல் மகிழ்கலை டோனர்ஸ் கொம்பனி ஸீட் புரொடக்சன்ஸ்
விநியோகம்	20ஆம் சென்சுரி பாக்ஸ்
வெளியீடு	ஏப்ரல் 9, 2009 (2009-04-09) (சிட்னி) மே 1, 2009 (ஐக்கிய அமெரிக்கா)
ஓட்டம்	107 நிமிடங்கள்
நாடு	ஐக்கிய அமெரிக்கா[1]
மொழி	ஆங்கிலம்
மொத்த வருவாய்	$373.1 மில்லியன்

இது எக்ஸ்-மென் தொடரின் நான்காவது பகுதியான இத்திரைப்படம் மே 1, 2009 அன்று உலகம் முழுவதும் வெளியானது. கேவின் ஹூட் இயக்கிய திரைப்படத்தில் ஹக் ஜேக்மேன் தலைமைப் பாத்திரத்தில் நடித்திருந்தார். இவருடன் லீவ் ஷ்ரைபர், டேனி ஹஸ்டன், டோமினிக் மோனகன் மற்றும் ரையன் ரெனால்ட்சு போன்ற பலர் நடித்துள்ளார்கள்.

இந்த திரைப்படம் எக்ஸ்-மென் திரைப்படத் தொடருக்கு முன்பு நடப்பது போன்று மரபுபிறழ்ந்த வோல்வரின் மற்றும் அவரது சகோதரர் விக்டர் கிரீட் இருவருக்கும் உள்ள உறவு மற்றும் அவர்களது கடந்த கால வன்முறையை மையப்படுத்தி சித்தரிக்கப்பட்டுள்ளது. இப்படத்தின் பெரும்பகுதி ஆஸ்திரேலியா மற்றும் நியூசிலாந்தில் படம்பிடிக்கப்பட்டது. மேலும் கனடாவிலும் படப்பிடிப்பு நடத்தப்பட்டது. இத்திரைப்படத்தின் இயக்குனர் கேவின் ஹூட் மற்றும் பாக்ஸின் செயற்குழுவிற்கும் ஏற்பட்ட முரண்பாடுகள் காரணமாக இதன் தயாரிப்பில் பிரச்சினை ஏற்பட்டது. மேலும் திரைப்படம் வெளியாவதற்கு ஒரு மாதத்திற்கு முன்பே நிறைவுசெய்யப்படாத படப்பிடிப்புப் பதிவு இணையத்தில் வெளியானது.

எக்ஸ்-மென் ஆரிஜின்ஸ்: வோல்வரின் படம் 1 மே 2009 அன்று உலகளவில் வெளியாகி விமர்சகர்களிடமிருந்து கலவையான விமர்சனங்களைப் பெற்றது. இந்த படம் வட அமெரிக்காவில் வசூலில் முதலிடத்தில் பிடித்ததது. ஐக்கிய அமெரிக்கா மற்றும் கனடாவில் 179 மில்லியனையும், உலகளவில் 373 மில்லியனையும் வசூலித்ததது. இந்த திரைப்படத்தின் தொடர்ச்சியாக வோல்வரின்-2 (2013) மற்றும் லோகன் (2017) போன்ற திரைப்படங்கள் வெளியானது.