2,4-டைகுளோரோபீனாக்சியசிட்டிக் அமிலம்
2,4-டைகுளோரோபீனாக்சியசிட்டிக் அமிலம் (2,4-Dichlorophenoxyacetic acid) C8H6Cl2O3 என்ற மூலக்கூற்று வாய்ப்பாட்டால் விவரிக்கப்படும் ஒரு கரிமச் சேர்மமாகும். இதை சுருக்கமாக 2,4-D என்று அழைப்பார்கள்.[1] இச்சேர்மம் அகன்ற இலைக் களைகளைக் கட்டுப்படுத்துவதற்குப் பயன்படும் ஒரு களைக்கொல்லி ஆகும். அமெரிக்காவில் அதிக அளவில் பயன்படும் களைக்கொல்லிகளில் மூன்றாவது நிலையிலும், உலகில் மிக அதிகமாகப் பயன்படும் களைக்கொல்லியாகவும் இது உள்ளது.
 | |
 | |
| பெயர்கள் | |
|---|---|
| ஐயூபிஏசி பெயர் 2-(2,4-டைகுளோரோபீனாக்சி)அசிட்டிக் அமிலம் | |
| வேறு பெயர்கள் 2,4-D ஹெடோனல் ட்ரைநொக்சால் | |
| இனங்காட்டிகள் | |
| 94-75-7 | |
| யேமல் -3D படிமங்கள் | Image |
| |
| பண்புகள் | |
| C8H6Cl2O3 | |
| வாய்ப்பாட்டு எடை | 221.04 கி/மோல் |
| தோற்றம் | வெள்ளை - மஞ்சள் தூள் |
| உருகுநிலை | 140.5 °C (413.5 கெ) |
| கொதிநிலை | 160 °C (0.4 மிமீ Hg) |
| 900 மிகி/லீ (25 °ச) | |
| தொடர்புடைய சேர்மங்கள் | |
| தொடர்புடைய சேர்மங்கள் | 2,4,5-T |
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். | |
2,4-டைகுளோரோபீனாக்சியசிட்டிக் அமிலம் பீனாக்சி வகை களைக்கொல்லியாக வகைப்படுத்தப்படுகிறது.[2]
வரலாறு
2,4-D இரண்டாம் உலகப் போர்க் காலத்தில், போரில் ஈடுபட்டிருந்த பிரித்தானியாவில் பயிர் விளைச்சலைக் கூட்டும் நோக்குடன், ரொதாம்ஸ்ட்டெட் ஆய்வு நிலையத்தில், ஜூதா ஹிர்ச் குவாஸ்ட்டெல் (Judah Hirsch Quastel) என்பவரின் தலைமையிலான குழுவினரால் உருவாக்கப்பட்டது. இது 1946 ஆம் ஆண்டில் விற்பனைக்கு விடப்பட்டபோது, முதலாவது வெற்றிகரமான தெரிந்தழிக்கும் களைக்கொல்லியாக இருந்தது. இது ஒருவித்திலையிகளை விடுத்து இருவித்திலையிகளை மட்டுமே அழித்ததால், கோதுமை, சோளம், நெல் போன்ற தானியங்களின் பயிர்ச் செய்கைகளில் களைக் கட்டுப்பாட்டை இலகுவாக்கியது.
செயல் பொறிமுறை
2,4-D தாவர வளர்ச்சி நெறிப்படுத்திகள் வகுப்பைச் சார்ந்த ஒரு செயற்கை ஆக்சின் (auxin) ஆகும். இவை தாவரத்தின் இலைகளூடாக உறிஞ்சப்பட்டு அவற்றின் வளர்திசுக்களுக்குக் கொண்டுசெல்லப்படுகின்றன. இதனால் உண்டாகும் கட்டுப்பாடற்ற, தக்கவைக்க முடியாத வளர்ச்சியினால், தண்டுகள் சுருள்வதுடன், இலைகளும் உதிர்ந்து தாவரம் இறந்துவிடுகிறது. 2,4-D பெரும்பாலும் ஒரு அமைன் உப்புவடிவிலேயே பயன்படுகிறது ஆயினும், கூடிய திறன் கொண்ட எசுத்தர் வடிவிலும் உள்ளது.
மேற்கோள்கள்
புற இணைப்புகள்
- CDC - NIOSH Pocket Guide to Chemical Hazards
- Overview of the toxic effects of 2,4-D Sierra Club Canada January, 2005
- "Review of 2,4-dichlorophenoxyacetic acid (2,4-D) biomonitoring and epidemiology" Review of the literature by Dow scientists Crit Rev Toxicol. Oct 2012
- PPDB Pesticides Properties database entry for 2,4-D
- 2,4-D on Pubchem