తెలంగాణ యువ నాటకోత్సవం - 6

ఈ యువ నాటకోత్సవానికి సంబంధించిన పోస్టర్, ఫ్లెక్సీలను 2022 ఏప్రిల్ 4వ తేదీన రవీంద్రభారతిలోని మంత్రి కార్యాలయంలో తెలంగాణ రాష్ట్ర పర్యాటక సాంస్కృతిక శాఖ మంత్రి వి. శ్రీనివాస్ గౌడ్, తెలంగాణ ప్రభుత్వ భాషా సాంస్కృతిక శాఖ సంచాలకులు మామిడి హరికృష్ణ కలిసి ఆవిష్కరించారు. ఈ కార్యక్రమంలో తెలంగాణ రంగస్థల సమాఖ్య అధ్యక్షకార్యదర్శులు చిలకమర్రి నటరాజ్, డా. మల్లేష్ బలాస్ట్, కోశాధికారి ప్రణయ్‌రాజ్ వంగరి, సినీ రచయిత తోటపల్లి సాయినాథ్, వడ్డేపల్లి నర్సింగరావు, ఒగ్గు రవి, ఆకుల శ్రీధర్, పవన్, భాను, బిర్రు కిరణ్ తదితరులు పాల్గొన్నారు.^[1][2]

2021, ఏప్రిల్ 9వ తేదీ రవీంద్రభారతిలోని పైడి జైరాజ్ ప్రివ్యూ థియేటర్ లో సంచాలకులు మామిడి హరికృష్ణ ఈ నాటకోత్సవ బ్రోచర్ ను ఆవిష్కరించారు. ఈ కార్యక్రమంలో తెలంగాణ రంగస్థల సమాఖ్య అధ్యక్షకార్యదర్శులు చిలకమర్రి నటరాజ్, డా. మల్లేష్ బలాస్ట్, నటులు నామాల మూర్తి, సినీ దర్శకులు నాగసాయి మాకం, యువ నాటక దర్శకులు నటులు సురభి రాఘవ, ప్రభాకర్ సింగపంగ, బిర్రు కిరణ్ కుమార్, పవన్ కుమార్, మనోహర్ ఇతర కళాకారులు పాల్గొన్నారు.

మొదటిరోజు

ఏప్రిల్ 21న మామిడి హరికృష్ణ అధ్యక్షతన జరిగిన ప్రారంభవేడుకలకు ముఖ్యమంత్రి కార్యాలయ ప్రత్యేకాధికారి దేశపతి శ్రీనివాస్, సినీ దర్శకులు దశరథ్, కేవీఆర్ మహేంద్ర విచ్చేసి జ్యోతి ప్రజ్వలనతో నాటకోత్సవం ప్రారంభించారు. విచ్చేసిన అతిథుల చేతులమీదుగా నాటకరంగ నటుడు, దర్శకుడు మోహన్ సేనాపతికి స్ఫూర్తి పురస్కారం అందజేయబడింది. ఈ కార్యక్రమంలో డా. ఖాజా పాషా, నాటకరంగ ప్రముఖులు బి.ఎం. రెడ్డి, డా. వెంకట్ గోవాడ, శ్రీధర్ బీచరాజు, తెర అధ్యక్షకార్యదర్శి సభ్యులు పాల్గొన్నారు.^[3][4]

రెండవ రోజు

ఏప్రిల్ 22న రెండవరోజు జరిగిన సభా కార్యక్రమంలో మామిడి హరికృష్ణ, ప్రొఫెసర్ తులసి, రంగస్థల నటి, అధ్యాపకురాలు బి.హెచ్. కల్యాణి, అధ్యక్షకార్యదర్శులు సిహెచ్. నటరాజ్, డా. మల్లేష్ బలాస్ట్ పాల్గొన్నారు. 5 దశాబ్ధాలకుపైగా తెలుగు నాటకరంగంలో కృషిచేస్తూ అనేక పద్య, సాంఘిక నాటకాల్లో నటిస్తున్న కొరిడే నరహరి శర్మకి అతిథుల సమక్షంలో స్ఫూర్తి పురస్కారం అందజేయబడింది.

మూడవరోజు

ఏప్రిల్ 23న మూడవరోజు జరిగిన సభా కార్యక్రమంలో మామిడి హరికృష్ణ, సినీనటులు సివిఎల్ నరసింహారావు, నాటకరంగ ప్రముఖులు బాదంగీర్ సాయి, సురాపానం సినిమా టీం, తెర అధ్యక్షకార్యదర్శులు సిహెచ్. నటరాజ్, డా. మల్లేష్ బలాస్ట్ పాల్గొన్నారు. కొన్ని దశాబ్ధాలుగా తెలుగు నాటకరంగంలో కృషిచేస్తున్న జమ్మలమడక శశిమోహన్ కు అతిథుల సమక్షంలో స్ఫూర్తి పురస్కారం అందజేయబడింది.

నాలుగవరోజు

ఏప్రిల్ 24న జరిగిన నాటకోత్సవం ముగింపు కార్యక్రమంలో తెలంగాణ రాష్ట్ర పర్యాటక, సాంస్కృతిక శాఖ మంత్రి వి. శ్రీనివాస్ గౌడ్ పాల్గొన్నాడు. తెలుగు నాటకరంగంలో కృషిచేస్తున్న చక్రాల జానకీబాయి గారికి అతిథుల సమక్షంలో స్ఫూర్తి పురస్కారం అందజేయబడింది.^[5][6]

తెలంగాణ యువనాటకోత్సం 6వ సిరీస్ లో 4 రోజులలో 10 నాటికలు ప్రదర్శించబడుతున్నాయి

• తెలంగాణ యువ నాటకోత్సవం
• తెలంగాణ యువ నాటకోత్సవం - 2
• తెలంగాణ యువ నాటకోత్సవం - 3
• తెలంగాణ యువ నాటకోత్సవం - 4
• తెలంగాణ యువ నాటకోత్సవం - 5