حد فاضل کا شخصیتی اختلال
بارڈر لائن پرسنلٹی ڈس آرڈر ( BPD )، جسے جذباتی طور پر غیر مستحکم شخصیت کی خرابی ( EUPD ) کے نام سے بھی جانا جاتا ہے، [9] ایک ذہنی بیماری ہے، اس عارضہ کی خصوصیت غیر مستحکم تعلقات ، خود کی تحریف شدگی کااحساس اور مضبوط جذباتی رد عمل ہوتی ہے۔ [4] [5] [10] متاثرہ افراد اکثر خود کو نقصان پہنچانے اور دوسرے خطرناک رویوں کا اظہار کرتے ہیں۔ [4] ایسے افراد خالی پن کے احساس، ترک کردئےجانے کے خوف اور حقیقت سے لاتعلقی کے مسائل کا بھی شکار ہو سکتے ہیں۔ [4] عام سمجھے جانے والے کسی واقعہ سے بھی علامات متحرک ہو سکتی ہیں۔ عام طور پر اس رویہ کا آغاز ابتدائے بلوغت سے ہوتا ہے اور مختلف انواع کی صورت حال اختیار کر سکتا ہے۔ [5] منشیات کا غلط استعمال ، ڈپریشن اور کھانے کی خرابی عام طور پر بی پی ڈی سے وابستہ ہیں۔ [4] تقریباً 10 فیصد متاثرہ افراد خودکشی کرتے ہیں۔ [4] [5]
| بارڈر لائن پرسنالٹی ڈس آرڈ | |
|---|---|
| دیگر نام | |
 | |
| ایڈورڈ منچ]]کےدی بروچ میں آئیڈیلائزیشن نظر آتی ہے]]ایوا موڈوچی (1903)[3] | |
| تخصص | طب نفسیات |
| علامات | غیر مستحکم تعلقات کی علامات, خود حسساسیت,اورجذباتیت، اضطرابیت، بار بارخودکشی کا رویہ اور خود کو نقصان پہنچانا، جذباتی طور پر چھوڑ دئیے جانے کا خوف،خالی پن کا دائمی احساس، نامناسب غصہ، حقیقت سے لاتعلقی کا احساس[4][5] |
| طبی پیچیدگیاں | خودکشی[4] |
| عمومی ہدف | ابتدائی بلوغت[5] |
| دورانیہ | طویل المدتی[4] |
| سبب | غیرواضح[6] |
| قابل تشویش | خاندانی تاریخ (طب)، صدمہ، بچپن میں بدسلوکی [4][7] |
| تشخیصی طریقہ | علامات کی بنیاد پر [4] |
| تفریقی تشخیص | شناخت کی خرابی کی شکایت، مزاج کی خرابی کا عارضہ ، صدمے کے بعد تنائو کا عارضہ، سی پی ٹی ایس ڈی، منشیات کے استعمال کی خرابی، ہسٹریونک، نرگسیت، یا غیر سماجی شخصیت کی خرابی[5][8] |
| معالجی تدابیر | رویہ جاتی تھراپی[4] |
| قابل علاج | وقت کے ساتھ بہتری[5] |
| تعدد | 1.6فیصد سالانہ[4] |
بی پی ڈی کی وجوہات ابھی تک واضح نہیں ہیں، لیکن خیال کیا جاتا ہے کہ ان میں جینیاتی، اعصابی، ماحولیاتی اور سماجی عوامل شامل ہیں۔ [4] [6] اس کا اثر کسی ایسے شخص پر تقریباً پانچ گنا زیادہ ہوتا ہے جس کا کوئی قریبی رشتہ دار متاثر ہو۔ [4] زندگی کے منفی واقعات بھی اس میں اہم کردار ادا کرتے ہیں۔ [7] ایسا لگتا ہے کہ بنیادی میکانزم نیوران کے فرنٹولمبک نیٹ ورک کو متاثر کرتا ہے۔ [7] بی پی ڈی کو دماغی عوارض کے تشخیصی اور شماریاتی مینول (DSM) نے ایک شخصیت کی خرابی کے طور پر تسلیم کیا ہے، اس کے ساتھ اس طرح کے دیگر نو عوارض بھی ہیں۔ [5] تشخیص علامات کی بنیاد پر کی جاتی ہے ، جبکہ دیگر مسائل کو مسترد کرنے کے لیے طبی معائنہ کیا جا سکتا ہے۔ [4] مرض کی حالت کو شناخت کے مسئلے یا منشیات کے استعمال کے عوارض اور دیگر امکانات سے مختلف ہونا چاہیے- [5]
بی پی ڈی کا علاج عام طور پر تھراپی سے کیا جاتا ہے، جو کوگنیٹو رویے کی تھراپی (سی بی ٹی) یا جدلیاتی رویے کی تھراپی (ڈی بی ٹی) کھلاتی ہیں۔ [4] ڈی بی ٹی ، خودکشی کے خطرے کو کم کر سکتی ہے۔ [4] تھراپی علحیدہ یا گروپ میں کی جا سکتی ہے۔ [4] اگرچہ دوائیں بی پی ڈی کا علاج نہیں کرتی ہیں، ان کا استعمال متعلقہ علامات میں مدد کے لیے کیا جا سکتا ہے۔ [4] کچھ لوگوں کو ہسپتال میں دیکھ بھال کی ضرورت پیش آ سکتی ہے۔ [4]
ایک مخصوص سال میں تقریباً 1.6فیصد لوگوں کو بی ڈی پی ہوتا ہے، کچھ اندازوں کے مطابق یہ 6فیصدتک ہے۔ [4] [5] خواتین میں مردوں کے مقابلے میں تقریباً تین گنا زیادہ تشخیص ہوتی ہے۔ [5] عام طور پر یہ عارضہ ،یہ عمر رسیدہ افراد میں کم ہوتا ہے۔ [5] تقریبا نصف متاثرہ افرا د ، دس سال کی مدت میں بہتر ہوتے ہیں۔ [5] متاثرہ افراد کو عام طور پر صحت کی دیکھ بھال کے بہت زیادہ وسائل کی ضرورت پیش آتی ہے ۔ [5] خرابی کے نام کے بارے میں ایک بحث جاری ہے، خاص طور پر لفظ بارڈر لائن کی موزونیت۔ [4] اس عارضے کو اکثر میڈیا اور نفسیاتی شعبے دونوں میں بدنام کیا جاتا ہے۔ [11]