Britischi Jumpfereinsle

	British Virgin Islands; Britischi Jumpfereinsle
{{{ARTIKEL-FLAGGE}}}	{{{ARTIKEL-WAPPEN}}}
	Wahlspruch: The Land, The People, The Light ; (engl. „S Land, s Volk, s Liecht“)
Amtsspraach	Änglisch
Hauptstadt	Road Town
Staatsoberhaupt	Charles III.; Gouverneur: David Pearey
Regierigschef	Ralph T. O’Neal
Flächi	153 km²
Iiwohnerzahl	23.098 (Quelle: CIA 2006)
Bevölkerigsdichti	148 Iiwohner pro km²
Währig	US-Dollar (USD)
Nationalhimne	God Save the King
Zitzone	UTC -4
Kfz-Kennzeiche	VG
Internet-TLD	.vg
Vorwahl	+1 (284) lueg NANP

Die Britische Jumpfereinsle (ängl. the British Virgin Islands) si en Inselgruppe in de Chliinen Antille in dr Karibik, öbbe 100 km östlig vo Puerto Rico. Si si e britischs Überseegebiet. 16 vo de über 60 Insle und Riff si bewohnt.

Geographii

S Gebiet vo de Britische Jumpfereinsle umfasst d Insle Anegada, Beef Island, Cooper Island, Ginger Island, Jost Van Dyke, Norman Island, Peter Island, Salt Island, Tortola, Virgin Gorda und drzue no anderi chliini Insle um e Sir-Francis-Drake-Kanal.

D Insle Anegada bestoht us Koralle und Chalchstei und isch relativ flach, die andere Insle si vulkanisch, bärgig und hügelig. Dr höchst Punkt uf de Insle isch dr Mount Sage mit 521 m uf Tortola.

S Klima isch dropisch und füecht, d Tämprature si dur Wind gmässigt. Hurrikan und dropischi Stürm git s vo Juli bis Oktober. Die natürlige Süesswasservorkomme si begränzt mit Usnahm von e baar Flüss, wo im Summer usdröchne, und vo Quelle uf Tortola. Dr bedütendsti Deil vo dr Wasserversorgig vo de Insle chunnt us Brünne und Rägewasser-Gebiet.

Bevölkerig

Die Britische Jumpfereinsle hai öbbe 21.700 Iiwohner. D Mehrheit vo dr Bevölkerig isch ganz oder zum Deil us Afrika.

33 % si Methodiste, 17 % si Anglikaner, 10 % Katholike, 9 % Mitgliider vo dr Gmeind Gottes, 6 % Adventiste vom sibente Dag, 4 % Baptiste, 2 % Züüge Jehovas und 19 % bekenne sich zun ere andere Religion oder hai keini.^[1]