D Saba Insle
Saba isch die chliinsti bewohnti Insle in de ehemolige Niiderländischen Antille, sit em 10. Oktober 2010 isch s eini vo de drei BES-Insle e „Bsunderi Gmeind“ („bijzondere gemeente“) vo de Niiderland in dr östlige Karibik.
| Saba | ||
|---|---|---|
 | ||
| Gwässer | Karibischs Meer | |
| Inselgruppe | Insle über em Wind | |
| Geographische Lage | , 63° 13′ 54″ W17° 38′ 21″ N, 63° 13′ 54″ W | |
| ||
| Lengi | 5,1 km | |
| Breiti | 4,3 km | |
| Flechi | 13 km² | |
| Hechschti Hebi | Mount Scenery 877 m | |
| Iiwohner | 1737 (2010) 134 Einw./km² | |
| Hauptort | The Bottom | |
 | ||
Geographii
Saba lit südwestlig vo Sint Maarten und nordwestlig vo Sint Eustatius und ghört zu de Insle über em Wind.
Dr Ursprung vo dr Insle isch vulkanisch. Si bestoht zum grösste Deil us em Vulkan Mount Scenery. Dr höchsti Gipfel vo sine vier Vulkancheigel isch 877 m hoch und isch eso die höchsti Erhebig im ganze Königriich vo de Niiderlande.
D Insle isch 13 km² gross und fast rund, misst 4,5 km im Durchmässer und rund um se het s Steilküstene, natürligi Stränd git s nit. Öbbe 250 m nördlig vo Saba lit die unbewohnti, felsigi Insle Green Island, wo mit dropische Pflanze bewachsen isch.
Zsämme mit dr Hauptstadt The Bottom (öbbe 600 Iiwohner) git s vier Siidlige:
| Siidlig | Bevölkerig Volkszelig 2001 | Lag | Koordinate |
|---|---|---|---|
| The Bottom | 462 | Südweste | , 063° 14′ 58,0″ W |
| Windwardside | 418 | Oste | , 063° 13′ 53,0″ W |
| Zions Hill ("Hell's Gate") | 283 | Nordostküste | , 063° 13′ 40,0″ W |
| St. Johns | 186 | Süde | , 063° 14′ 34,0″ W |
| Saba | 1349 | , 063° 14′ 12,0″ W |
Saba ghört zum Königriich vo de Niiderlande, isch aber nit Deil vo dr Europäischen Union.
Bevölkerig
Saba het 1424 Iiwohner (2004), drvo si öbbe 58 % römisch-katholisch und 14 % evangelisch, 22 % vo de Iiwohner ghöre zu andere Religionsgmeinschafte.
Eigentlig isch die offizielli Landessprooch Niiderländisch, aber die meiste Lüt schwätze Änglisch im Alldag wie au in dr Schuel und als Amtssprooch. E chliine Deil vo dr Bevölkerig (öbbe 1 %) schwätzt d Kreolsprache Papiamentu.
Quelle
- Saba Conservation Foundation: Visitor Information "History of Saba". (Broschüre über Sabas Geschichte)
Fuessnote
Weblinks
Commons: Saba – Sammlig vo Multimediadateie- Charte vo Saba (www.lonelyplanet.com) D Höchi vom Mt. Scenery isch falsch, 887 m statt 877 m!
- Offizielle Saba-Tourismussite (ängl.)
