Kazuo Ishiguro

Kazuo Ishiguro nació en Xapón pero con apenes seis años treslladóse a Londres, onde terminó afitando la so residencia. Dende los 5 a los 12 años estudió pianu.^[15] Más llueu estudió una maestría na Universidá d'East Anglia y la Universidá de Kent.

Entamó a facer guiones pa series de televisión y pequeños rellatos. Dempués vinieron les sos noveles, que se carautericen por una psicoloxía de congoxa y alcordanza del pasáu, con escasos personaxes y un filu argumental débil, mui a la manera oriental. El Xapón de la posguerra, el nazismu y los periodos anteriores a la II Guerra Mundial son los temes más trataos nes sos obres.

Recibió los más importantes premios lliterarios, como'l Premiu Nobel de Lliteratura en 2017, el Premiu Booker, el Premiu Whitbread (meyor autor novel británicu del añu) y la so obra foi traducida a 28 idiomes.

Noveles

• A Pale View of Hills (1982)
• An Artist of the Floating World (1986)
• The Remains of the Day (1989)
• The Unconsoled (1995)
• When We Were Orphans (2000)
• Never Let Me Go (2005)
• The Buried Giant (2015)

Rellatos

• A Strange and Sometimes Sadness, Waiting for J y Getting Poisoned (1981). Tres rellatos incluyíos na antoloxía Introduction 7: Stories by New Writers.
• The Summer After the War. Rellatu publicáu en Granta 7 (1983)
• A Family Supper. Rellatu publicáu en Firebird (1983)
• A Village After Dark. Rellatu publicáu en The New Yorker (2001)
• Nocturnes: Five Stories of Music and Nightfall (2009), Llibru de 5 rellatos.

Guiones

• A Profile of Arthur J. Mason (1984). Guión pa Channel 4.
• The Gourmet (1987). Guión pa la BBC.
• The Saddest Music in the World (2003) dirixida por Guy Maddin. Historia orixinal.
• The White Countess (2005) dirixida por James Ivory. Guión de cine.

Adautaciones cinematográfiques

• The Remains of the Day (1993), dirixida por James Ivory, con guión de Ruth Prawer Jhabvala, ya interpretada por Anthony Hopkins, Emma Thompson, Christopher Reeve, James Fox, Hugh Grant y Ben Chaplin.
• Never Let Me Go (2010), dirixida por Mark Romanek, con guión d'Alex Garland, ya interpretada por Carey Mulligan, Keira Knightley y Andrew Garfield.

• Villar Flor, Carlos (1997). «Crisis y cambio de valores en la Posguerra de Gran Bretaña y Japón según la ficción de Kazuo Ishiguro». En Caramés Lage, José Luis; Escobedo de Tapia, Carmen; Bono Alonso, Jorge Luis. El discurso artístico en Oriente y Occidente. Semejanzas y contrastes 2. Uviéu: Universidá d'Uviéu. páxs. 577-591. ISBN 84-8317-030-2.
• Villar Flor, Carlos (2000). «Literary Englishness in Kazuo Ishiguro's "The remains of the day"». En Gallardo, Pere; Llurda Giménez, Enric. Proceedings of the 22nd International Conference of AEDEAN (Asociación Española de Estudios Anglonorteamericanos). Lleida, 17-19 december 1998 (n'inglés). Lleida: Universidá de Lleida. páxs. 471-477. ISBN 84-8409-045-0.