Belgradeko Izar Gorria

Jugoslaviako aroa

1945eko otsailean Bigarren Mundu Gerra amaitzear zela Serbiar gazte antifaxisten Ligako kide batzuek sortu zuten. Gerra aurretik zeuden futbol taldeak desegin egin ziren eta SK Jugoslavia taldearen hondarretan oinarritu zen Izar Gorria. Bere zelaia eta jantziak hartu zituen. Berehala iritsi ziren lehenengo garaipenak eta Jugoslaviak bere horretan iraun zuen artean txapelketa gehien irabazi zuen taldea izan zen, 19 Liga eta 12 Kopa.

1991 urte ikusgarria

1986an taldeak aldaketa nabaria izan zuen eta Europako talde onenekin lehiatuko zen talde indartsua osatzeko erabakia hartu zen. 1991ean heldu zitzaion aukera Ljupko Petrovic entrenatzaile zuela Europako Kopako finala jokatu baitzuen Barin maiatzaren 29an. Olympique de Marseille zuen aurkaria eta partida 0-0 bukatu ondoren penaltietan erabaki zen auzia eta jugoslaviarren 5-3 irabazi zuten. Onodren Tokion Kontinente artekoa jokatu zuten eta hau errazago irabazi zuten, 3-0 emaitzaz Colo-Colo talde txiletarraren aurrean.

Serbiako aroa

2006 arte Serbia eta Montenegrok elkarrekin jarraitu zuten eta txapelketak Jugoslaviako Liga izenaz jarraitu arren jadanik Serbiarrek monopolizatuta zeukaten liga zen. Egoera honetan Belgrade bertakoa zen FK Partizan nagusitu zitzaion Ligan, baina azken urteetan titulu ugari irabazi ditu eta palmaresean gainditu egin du.

Jugoslavian: 34

• Jugoslaviako Liga (19): 1951, 1953, 1956, 1957, 1959, 1960, 1964, 1968, 1969, 1970, 1973, 1977, 1980, 1981, 1984, 1988, 1990, 1991, 1992.
• Jugoslaviako Kopa (12): 1948, 1949, 1950, 1958, 1959, 1964, 1968, 1970, 1971, 1982, 1985, 1990.
• Jugoslaviako Superkopa (2): 1969, 1971.
• Jugoslaviako Ligako Kopa (1): 1973

Serbian: 27

• Serbiako Liga (14): 1995, 2000, 2001, 2004, 2006, 2007, 2014, 2016, 2018, 2019, 2021, 2022, 2023.
• Serbiako Kopa (15): 1993, 1995, 1996, 1997, 1999, 2001, 2002, 2004, 2006, 2007, 2010, 2012, 2021, 2022, 2023.

Nazio artean: 4

Kontinente arteko Futbol Kopa

• Txapelduna (1): 1991

Europako Kopa

• Txapelduna (1): 1991

Europako Superkopa

• Txapelduna (0)
• Finalista (1): 1991

UEFA Kopa

• Txapelduna (0)
• Finalista (1): 1979

Europako Errekopa

• final aurrekoak 1975ean.

Mitropa Kopa

• Txapelduna (2): 1958, 1968.

Urrezko baloiaren saririk ez du inork irabazi baina zilarrezkoa eskuratu zuten Dejan Savićevićek eta Darko Pančevek 1991ean. Beste jokalari ezagun batzuk Dragan Stojković, Robert Prosinečki eta Dragan Džajić.

Izar Gorriak kanporaketa bakarra jokatu du euskal taldeen aurka:

• (Serbieraz) Webgune ofiziala