HIESaren Aurkako Nazioarteko Eguna
HIESaren Aurkako Nazioarteko Eguna abenduaren 1ean ospatzen da, eta GIB/HIESaren pandemiaren aurkako aurrerapenak ezagutaraztea du helburu.[1] 2020ko HIESaren Aurkako Nazioarteko Egunaren leloa "Elkartasun globala, erantzukizun partekatua" da.[2]
HIESaren Aurkako Nazioarteko Eguna | |
---|---|
Mota | nazioarteko egun LGBTQIA+ awareness period (en) |
Honen izena darama | Hartutako Immuno Eskasiaren Sindromea |
Indarraldi | 1987ko abenduaren 1a - |
Egun | Abenduaren 1 |
Fundatzailea | Osasunaren Mundu Erakundea |
Argumentu nagusia | Hartutako Immuno Eskasiaren Sindromea |
Antolatzailea | GIB/HIESaren gaineko Nazio Batuen Programa Bateratua |
Historia
1988ko abenduaren 1ean ospatu zen lehenengoz.[3] Osasun Ministroen Nazioarteko Biltzarrean, 1988a "HIESari buruzko Komunikazio eta Lankidetzaren Urtea" izendatu zuten.[4]
Munduko Osasun Erakundeak (OME) abenduaren 1a HIESaren Aurkako Borrokaren Nazioarteko Eguna deklaratzeko promosamena egin zuen eta Osasunaren Nazioarteko Batzarraren eta NBEren Batzar Nagusiaren babesa izan zuen.[5]
1988ko urriaren 27an, Nazio Batuen Batzar Nagusiak 43/15 Ebazpenean abenduaren 1a HIESaren Aurkako Borrokaren Nazioarteko Eguna izendatu zuen OMEren proposamena aurrera eramanez.
1988tik 2004ra, ONUSIDAk HIESaren Aurkako Nazioarteko Eguna antolatzearen ardura zuen, baina 2005etik aurrera WAC-World Aids Campaign erakunde independentearen esku utzi zuen.
Etimologia
2011n ONUSIDAK egunaren izena aldatu zuen, "borroka" hitzak gerra kutsua zuelakoan "ekintza" hitza proposatuz.