Olatz Perez de Viñaspre
Olatz Perez de Viñaspre Garralda (Iruñea, 1987ko ekainaren 19a) Euskal Herriko Unibertsitateko irakasle eta ikerlaria da IXA taldean. Informatika Fakultatean lan egiten du 2012etik. Hizkuntzaren prozesamenduko ikerlaria da. UEUko Informatikako saileko kidea ere bada.[1][2]
| Olatz Perez de Viñaspre | |
|---|---|
 | |
| Bizitza | |
| Jaiotza | Iruñea, 1987ko ekainaren 19a (36 urte) |
| Herrialdea |  Nafarroa Garaia, Euskal Herria |
| Hezkuntza | |
| Tesi zuzendaria | Maite Oronoz Antxordoki |
| Hizkuntzak | euskara gaztelania |
| Jarduerak | |
| Jarduerak | informatikaria eta unibertsitateko irakaslea |
| Enplegatzailea(k) | Euskal Herriko Unibertsitatea |
| Jasotako sariak | ikusi
|
| Kidetza | Udako Euskal Unibertsitatea |
 | |
Ingurune digitaleko emakumeentzako Gladys Saria eman zioten 2022an Informatikan «ibilbide akademiko oparoa» duelako eta «gizarte erronka handiei» erantzuteko egiten duen lanarengatik.[3]
Ikasketak
Sistemen informatikan ingeniaritza teknikoa eta Informatika Ingeniariaritza ikasi zuen UPV/EHUko Informatika Fakultatean, Ondoren, Hizkuntzaren Azterketa eta Prozesamenduko (HAP) masterra egin zuen, 2011-2013 urteetan. Azkenik, 2017an, Hizkuntzaren Azterketa eta Prozesamendua doktoretza programa bukatu zuen, Euskal Herriko Unibertsitateko Informatika Fakultatean, Donostian.
Ikerlaria
Hizkuntzaren prozesamenduaren arloko ikertzailea da Ixa Taldean eta HiTZ zentroan. 2017an defenditu zuen doktorego-tesian bere ikerketa-gai nagusia Osasun Zientzietako Terminologiaren Itzulpen Automatikoa zen.[4][5][6] Zuzendariak Maite Oronoz Antxordoki eta Australiako ikertzailea den Jon D. Patrick.[7] Ingelesezko milioi bat termino kliniko dituen SNOMED CT datu-basetik abiatu da ikerketa, euskarara itzultzeko. Hizkuntza-teknologia erabili zuen horretan, ohiko terminoak jasotzeko (Euskalterm, ZT hiztegia…), Ingelesezko termino neoklasikoak atzizkika eta transliterazio-erregelak erabiliz itzultzeko (“Photodermatitis”--> Fotodermatitis), hitz anitzeko termino konplexuak sinpleagoen bitartez itzultzeko (adibidez: “Fracture of elbow” –> “Ukondoaren haustura”), eta Matxin-Med itzultzaile automatikoa egokitzeko (Matxin itzultzailea medikuntzaren domeinura egokituta).[8][9]
Orokorrean osasungintza arloa eta hizkuntzaren prozesamenduarena uztartzeko ikerketan aritzen da.[10] EHUko, Eusko Jaurlaritzako, Madrileko Ministerioko eta Europar Batasuneko deialdietako hainbat ikerketa-proiektutan parte hartu du. Nazioarteko 15 bat argitalpen ditu aldizkari zein kongresutan, gutxienez.[11][12][13]
Hasieran osasungintzako terminologia euskaraz lantzeko tresna informatikoak sortu zituen (Matxin-Med itzultzaile automatikoa esaterako, Matxin itzultzailea medikuntzaren domeinura egokituta), baita geroago anbulatorioetako osasun-txostenak euskaraz idatzi eta itzultzeko tresnak ere. Ikerlerro horretan aritzen da tesia zuzendu zion Maite Oronoz ikertzailearekin. Ekarpen hori oso baliagarria izan da osasungintza ere euskalduntzeko. Lan horiei esker, eurek esaten zuten moduan, medikuei gero eta normalago egiten zaie “tengo rotura del tendón del músculo esplenio del cuello” esan ordez “lepoko esplenio giharraren tendoia hautsita dut” esatea.[14][8]
2019an eta 2021an Ikergazte kongresuko batzorde akademikoko kide izan zen Ingeniaritza/Arkitektura arloan.[15]
Informatikari Euskaldunen azken Bilkuretan batzorde antolatzaileetako kidea izan da 2022, 2020, (2018, 2015...).[16][17]
UEUko kidea
Udako Euskal Uibertsitatean Informatikako saileko kidea da 2012tik. Hainbat artikulu, liburu, ikastaro eta hitzaldi zabaldu ditu informatikari buruz, esaterako:
- Python programazio-lengoaia: oinarriak eta aplikazioak. Liburua Iñaki Alegriarekin eta Kepa Sarasolarekin. (UEU, 2016).[18]
- Programazioa denontzat: Python ikasi praktikaren bidez (UEU, 2018).[19][20]
- Ezinbesteko softwarea herri eta herritar burujabeagoak izateko. Arrate Garcia Campos-ekin. (UEU, 2018)[21]
- Estandar klinikoen itzulpen automatikoa. BAT aldizkaria (2018).[22]
- Osasun-txosten elebidunak posible ote? (UEU, 2015).[23]
Sariak
- 2022: Gladys Saria ingurune digitaleko emakumeentzat. Epaimahaiak aho batez hartu zuen erabakia, eta irabazlearen «ibilbide akademiko oparoa» eta «gizarte erronka handiei» erantzuteko egiten duen lana azpimarratu zuen.[3][24] PUNTUEUSek eta UPV/EHUko Informatika Fakultateak antolatzen dute Gladys Saria, Gipuzkoako Foru Aldundiaren Berdintasunerako Organoaren eta Danobatgroup industria-taldearen babesarekin, eta UPV/EHUko Berdintasun Zuzendaritzaren laguntzarekin.
Erreferentziak
Ikus, gainera
Kanpo estekak
- Olatz Perez de Viñaspre, Inguma datu-basean
- Artizarra sare profesionalean
- Olatz Perez de Viñaspre, Ixa taldean
- Olatz Perez de Viñaspre Github-en
- Ixa taldea.
- HITZ Zentroa
- Olatz Perez de Viñaspre, 2022ko Gladys sariaren irabazlea. Puntueus - Youtube, 2022
- Olatz Perez de Viñaspre. Ahotsak.eus Gasteizko hizlariak
- Elkarrizketa: Emakume informatikari erreferenteak behar dira Berria, 2022.09.27
Datuak: Q63845182
