23. febrúar

Jan – Febrúar – Mar
Su	Má	Þr	Mi	Fi	Fö	La
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29
2024 Allir dagar

23. febrúar er 54. dagur ársins samkvæmt gregoríska tímatalinu. 311 dagar (312 á hlaupári) eru eftir af árinu.

Atburðir

532 - Justinianus 1. keisari fyrirskipaði byggingu kirkjunnar Ægisif.
1455 - Johann Gutenberg prentaði sína fyrstu Biblíu.
1574 - Fimmta trúarbragðastríðið gegn húgenottum hófst í Frakklandi.
1660 - Karl 11. varð konungur Svíþjóðar.
1732 - Óperan Orlando eftir Händel var frumflutt í London.
1836 - Orrustan um Alamo hófst í Texas.
1889 - Hið íslenska kennarafélag var stofnað.
1904 - Bandaríkjamenn keyptu landræmu undir Panamaskurðinn fyrir tíu milljónir dollara.
1912 - Þilskipið Geir frá Hafnarfirði fórst í ofsaveðri á Selvogsbanka og með því 27 manna áhöfn. Í sama veðri tók út fimm menn af skútunni Langanes og einn af Haffara.
1919 - Benito Mussolini myndaði fasistaflokkinn á Ítalíu.
1934 - Leópold 3. varð konungur Belgíu eftir lát föður síns, Alberts 1.
1941 - Plútóníum var í fyrsta sinn einangrað og framleitt af Dr. Glenn T. Seaborg.
1947 - Alþjóðlega staðlastofnunin var stofnuð.
1968 - Hjartasjúkdómafélagið var stofnað á Íslandi.
1970 - Gvæjana gerðist lýðveldi, en var áfram hluti af Breska samveldinu.
1976 - Árekstur varð milli varðskipsins Óðins og freigátunnar HMS Scylla.
1979 - Nýfasistarnir Franco Freda, Giovanni Ventura og Guido Giannettini voru dæmdir í lífstíðarfangelsi fyrir blóðbaðið á Piazza Fontana tíu árum áður. Á síðari dómstigum var þeim sleppt vegna skorts á sönnunargögnum.
1980 - Æðstiklerkurinn Ruhollah Khomeini sagði að þingheimur Írans myndi ákveða örlög bandarískra fanga.
1981 - Antonio Tejero ásamt meðlimum úr spænsku herlögreglunni reyndi að fremja valdarán á Spáni en mistókst.
1982 - Með þjóðaratkvæðagreiðslu á Grænlandi var ákveðið að landið stæði utan Evrópusambandsins.
1985 - Torfi Ólafsson setti heimsmet í réttstöðulyftu í flokki unglinga, lyfti 322,5 kg.
1987 - Konur voru fulltrúar á búnaðarþingi í fyrsta sinn. Þær voru Ágústa Þorkelsdóttir og Annabella Harðardóttir.
1987 - Sprengistjarna sást í Stóra Magellanskýinu.
1988 - Málverki Edvards Munch, Vampyr, var stolið frá Nasjonalgalleriet í Osló.
1990 - Ný lög um stjórnarráð Íslands voru samþykkt og umhverfisráðuneyti Íslands komið á fót. Fyrsti umhverfisráðherrann var Júlíus Sólnes.
1992 - Skuttogarinn Krossnes frá Grundarfirði sökk á Halamiðum. Þrír fórust en níu var bjargað. Þetta var fyrsti íslenski skuttogarinn sem sökk.
1995 - Dow Jones-vísitalan náði í fyrsta sinn yfir 4000 stig við lokun.
1997 - Eldur gaus upp í rússnesku geimstöðinni Mír.
1999 - John William King var dæmdur sekur fyrir morðið á James Byrd Jr.
1999 - 31 lést þegar snjóflóð rann yfir þorpið Galtür í Austurríki.

2006 - 56 létust þegar þak yfir grænmetismarkaði í Moskvu hrundi undan snjóþunga.
2009 - Borgarahreyfingin tilkynnti framboð sitt til Alþingis.
2010 - Óþekktir aðilar helltu milljónum lítra af olíu í ána Lambro á Ítalíu sem olli umhverfishörmungum í Langbarðalandi og Emilíu-Romagna.
2019 - Nicolás Maduro sleit stjórnmálasamband Venesúela við Kólumbíu vegna sendinga þeirra á mannúðaraðstoð yfir landamærin.
2020 – Versti Kalimavindur síðustu 40 ára gekk yfir Kanaríeyjar. Öllum flugvöllum eyjanna var lokað í þrjá daga.

Fædd

1417 - Páll 2. páfi (Pietro Barbo, d. 1471).
1443 - Matthías Corvinus, konungur Ungverjalands (d. 1490).
1633 - Samuel Pepys, enskur embættismaður og dagbókarskrifari (d. 1703).
1685 - Georg Friedrich Händel, þýskt tónskáld (d. 1759).
1883 - Karl Jaspers, þýskur geðlæknir og heimspekingur (d. 1969).
1884 - Casimir Funk, pólskur lífefnafræðingur (d. 1967).
1893 - Dóra Þórhallsdóttir, íslensk forsetafrú (d. 1964).
1901 - Ivar Lo-Johansson, sænskur rithöfundur (d. 1990).
1906 - Mikines, færeyskur myndlistarmaður (d. 1979).
1909 - Jón Gíslason, íslenskur þýðandi (d. 1980).
1940 - Peter Fonda, bandarískur leikari.
1947 - Pia Kjærsgaard, danskur stjórnmálamaður.
1952 - Brad Whitford, bandarískur tónlistarmaður (Aerosmith).
1954 - Viktor Júsjenkó, fyrrum forseti Úkraínu.
1960 - Naruhito Japanskeisari.
1961 - Gylfi Sigfússon, íslenskur forstjóri.
1962 - Ivica Barbarić, króatískur knattspyrnumaður.
1967 - Tetsuya Asano, japanskur knattspyrnumaður.
1968 - Leifur Sigfinnur Garðarsson, íslenskur körfuknattleiksmaður.
1974 - Gotti Sigurðarson, íslenskur leikari.
1981 - Gareth Barry, enskur knattspyrnumaður.
1983 - Mido, egypskur knattspyrnumaður.
1987 - Tsukasa Umesaki, japanskur knattspyrnumaður.
1994 - Dakota Fanning, bandarísk leikkona.
1997 - Leonardo Bittencourt, þýskur knattspyrnumaður.
1997 - Benjamin Henrichs, þýskur knattspyrnumaður.
2012 - Estella Svíaprinsessa.

Dáin

1388 - Eiríkur Guðmundsson, íslenskur hirðstjóri.
1603 - Andrea Cesalpino, ítalskur læknir, heimspekingur og grasafræðingur (f. 1519).
1632 - Giambattista Basile, ítalskur rithöfundur (f. 1575).
1766 - Stanislaus Leszczyński, konungur Póllands (f. 1677).
1821 - John Keats, enskt skáld (f. 1795).
1848 - John Quincy Adams, Bandaríkjaforseti (f. 1767).
1855 - Carl Friedrich Gauss, þýskur stærðfræðingur (f. 1777).
1903 - Gustav Storm, norskur sagnfræðingur (f. 1845).
1927 - Sveinbjörn Sveinbjörnsson, íslenskt tónskáld (f. 1847).
1942 - Thomas Madsen-Mygdal danskur stjórnmálamaður og forsætisráðherra (f. 1876).
1954 - Theódóra Thoroddsen, íslenskur rithöfundur (f. 1863).
1965 - Stan Laurel, breskur leikari (f. 1890).
1966 - Jochum M. Eggertsson, íslenskur rithöfundur (f. 1896).
1967 - Sigurður Einarsson í Holti, íslenskur stjórnmálamaður (f. 1898).
1969 - Sád bin Abdul Aziz al-Sád, konungur Sádi-Arabíu (f. 1902).
2008 - Janez Drnovšek, var forseti sameinaðrar Júgóslavíu, forsætisráðherra og forseti Slóveníu (f. 1950).
2013 - Maurice Rosy, belgískur myndasöguhöfundur.
2013 - Þorvaldur Þorsteinsson, íslenskur myndlistarmaður (f. 1960).