Диспепсија
Диспепсија е состојба на нарушена дигестија.[1] Симптомите може да вклучуваат жиговина, наузеа, ждригање, или абдоминална болка.[2] Пациентите исто така може да се чувствуваат сити порано од очекуваното кога јадат.[3] Диспепсијата често е предизвикана од гастроезофагеална рефлуксна болест (ГЕРБ) или гастрит.[4] Во помал број на случаи може да биде првиот симптом на пептичен чир (чир на желудникот или дуоденумот) и повремено на канцер. Оттука, необјаснетa новооткриена диспепсија кај луѓе над 55 години или присуството на други алармантни симптоми може да бараат дополнителни испитувања.[5]
Диспепсија | |
---|---|
Специјалност | Гастроентерологија |
Функционална диспепсија (претходно нарекувана нечирна диспепсија)[6] претставува диспепсија „без присуство на болест на органите, која би ги објаснила присутните симптоми“.[7] Се проценува дека околу 15% од населението во западните земји имаат функционална диспепсија.[6]