Mick Jagger
Michael Philip "Mick" Jagger (amezaliwa 26 Julai 1943) ni mwanamuziki wa Uingereza, mtayarishaji na mwigizaji. Anajulikana zaidi kwa kuwa mwimbaji wa bendi ya The Rolling Stones.
Maisha binafsi
Jagger anajulikana kwa mahusiano yake mengi. Alimwoa Bianca De Macias, mzaliwa wa Nikaragua, tarehe 12 Mei 1971. Ilikuwa ndoa ya Kikatoliki huko Saint-Tropez, Ufaransa. Mwishoni mwa 1977, alianza uhusiano na mwanamitindo Jerry Hall [1] wakati bado alikuwa katika ndoa na Bianca. Jagger na Hall waliishi pamoja kwa miaka mingi. Walifunga ndoa tarehe 21 Novemba 1990, katika sherehe ya Kihindu nchini Indonesia. Ndoa hiyo ilikwisha mnamo Agosti 1999.
Alikuwa kwenye uhusiano na L'Wren Scott (1964-2014) kutoka mwaka 2001 hadi alipojiua mnamo 2014.
Mnamo Machi 2019, Jagger alilazimika kuahirisha ziara yake kwa sababu za kiafya. Siku chache baadaye ilitangazwa kwamba angefanyiwa upasuaji wa kubadilisha valvu ya moyo. [2]
Jagger ana watoto saba kwa wanawake wanne: [3]
- Na Marsha Hunt, ana binti Karis Jagger Hunt (aliyezaliwa 4 Novemba 1970)
- Na Bianca Jagger, ana binti Jade Sheena Jezebel Jagger (aliyezaliwa 21 Oktoba 1971). [3] [4]
- Na Jerry Hall ana binti Elizabeth Scarlett Jagger (aliyezaliwa 2 Machi 1984), mtoto wa kiume James Leroy Augustin Jagger (amezaliwa 28 Agosti 1985), binti Georgia May Ayeesha Jagger (aliyezaliwa 12 Januari 1992) na mtoto wa kiume Gabriel Luke Beauregard Jagger (amezaliwa 9 Desemba 1997 ) [3]
- Na Luciana Gimenez, ana mtoto wa kiume Lucas Maurice Morad Jagger (aliyezaliwa 18 Mei 1999). [3]
Utajiri
Utajiri wake ulikadiriwa kuwa dolar za Marekani milioni 190 mnamo mwaka 2010.
Diskografia
Albamu
Mwaka | Maelezo ya albamu | Chati za Uingereza[5] | Chati za Marekani | Uthibitisho wa idadi iliyouzwa Uingereza / Marekani |
---|---|---|---|---|
1985 | She's the Boss
| 6 (wiki 11 ) | 13 (wiki 29 ) | UK: Silver US: Platinum |
1987 | Primitive Cool
| 26 (wiki 5 ) | 41 (wiki 20 ) | |
1993 | Wandering Spirit
| 12 (wiki 7 ) | 11 (wiki 16 ) | US: Gold |
2001 | Goddess in the Doorway
| 44 (wiki 10 ) | 39 (wiki 8 ) | UK: Silver |
2007 | The Very Best of Mick Jagger
| 57 (wiki 2 ) | 77 (wiki 2 ) | |
2011 | SuperHeavy
| 13 (wiki 5 ) | 26 (wiki 5 ) |