எகான்

அலியாயுன் தமலா பதார ஏகான் தியம் ஏப்ரல் 16, 1973இல் செயின்ட் லூயிஸ், மிசோரியில் ஒரு முஸ்லீம் குடும்பத்தில் பிறந்தார். ^{[1] [2] [3]} இவரது தாயார் நடனக் கலைஞர் கைன் குயே தியாம் ( நீ குயே), மற்றும் இவரது தந்தை தாள வாத்தியக்காரர் மோர் தியாம் ஆவர்.^[4][5] மோர் தியாம் செனகலின் கயோலாக்கில் உள்ள குர்ஆனிய அறிஞர்களின் ஒரு டூகோலூர் குடும்பத்தில் பிறந்தார். ^{[6] [7]} ஏகான் தனது குழந்தைப் பருவத்தின் பெரும்பகுதியை செனகலில் கழித்தார், அதை அவர் தனது "சொந்த ஊர்" என்று விவரித்தார். மேளம், கிதார் மற்றும் டிஜெம்பே உட்பட ஐந்து கருவிகளை வாசிக்கக் கற்றுக்கொண்டார். ^[8] ஏழு வயதில், அவரும் அவரது குடும்பத்தினரும் யூனியன் நகரம், நியூ ஜெர்சிக்கு இடம்பெயர்ந்தனர்^{[9] [10]} நியூ ஜெர்சியில் வளர்ந்ததால், மற்ற குழந்தைகளுடன் பழகுவதில் ஏகான் சிரமப்பட்டார். ஏகானும் அவரது மூத்த சகோதரரும் உயர்நிலைப் பள்ளியில் கல்வி கற்கச் சென்ற போது, இவரது பெற்றோர் அவர்களை ஜெர்சி நகரத்தில் விட்டுவிட்டு மற்றவர்களுடன்ஜோர்ஜியாவின் அட்லாண்டாவுக்கு குடியேறினர்.^[11] ஜெர்சி நகரில் உள்ள வில்லியம் எல். டிக்கின்சன் உயர்நிலைப் பள்ளியில் ஏகான் பயின்றார்.^[12]

2003-2005

அப்ஃப்ரண்ட் மெகாடெயின்மென்ட்டின் தலைவரான டெவின் ஸ்டீபன்ஸ், சொல்லிசைப் பாடகர் லில் ஜேன் ஏகானை, ஸ்டீபன்ஸின் ஒத்திகை மண்டபத்திற்கு அழைத்துச் சென்றபோது ஏகானைப் பற்றி முதன்முதலில் கேள்விப்பட்டார், அந்த நேரத்தில் அஷர் மற்றும் டிஎல்சி போன்ற திறமையாளர்கள் வளர்ச்சி கண்டிருந்தனர். இறுதியில்,ஸ்டீபன்ஸ் ஏகானை தனது தயாரிப்பு நிறுவனத்தில் ஒப்பந்தம் செய்து தொழில் ரீதியாக அவரை சீர்படுத்தத் தொடங்கினார். ^[13]

2006-2008 கான்விக்டெடு

இன்டர்ஸ்கோப் ரெக்கார்ட்ஸின் கீழ் கான்லைவ் எனும் புதிய இலச்சினையின் கீழ் விநியோகத்தைத் தொடங்கினார். அவரது இரண்டாவது பாடல் தொகுதியான கான்விக்டெடு நவம்பர் 2006 இல் வெளியிடப்பட்டது மற்றும் பில்போர்டு 200 இல் இரண்டாவது இடம் இடித்தது, முதல் வாரத்தில் 286,000 பிரதிகள் விற்பனையானது. ஆறு வாரங்களுக்குப் பிறகு, கான்விக்டெடு அமெரிக்காவில் ஒரு மில்லியனுக்கும் அதிகமான பதிவுகள் விறபனையானது, இந்த பாடல் தொகுதி ஏழு வாரங்களுக்குப் பிறகு பிளாட்டினம் சான்றிதழ் பெற்றது, மேலும் பதினாறு வாரங்களுக்குப் பிறகு அது இரட்டை பிளாட்டினம் சான்றிதழ் பெற்றது. இது பில்போர்டு 200 இன் முதல் இருபது இடங்களில் தொடர்ந்து 28 வாரங்கள் இருந்தது மற்றும் நான்கு முறை இரண்டாவது இடத்தைப் பிடித்தது.

ஏகான் 2014 இல் ஏகான் லைட்டிங் ஆப்பிரிக்கா என்ற திட்டத்தைத் தொடங்கினார், இது ஆப்பிரிக்காவின் 15 நாடுகளில் மின்சாரம் வழங்குகிறது. ^{[14] [15] [16]}

கான்ஃபிடென்ஸ் அறக்கட்டளை என்ற பெயரில் ஆப்பிரிக்காவில் ஆதரவற்ற குழந்தைகளுக்காக தனது சொந்த தொண்டு நிறுவனத்தையும் தொடங்கினார்.

பிட்புல்லின் "ஐ பிலீவ் தட் வி வில் வின் " அதிகாரப்பூர்வ இசை நிகழ்படத்தில் விருந்தினராக ஏகான் சேர்க்கப்பட்டார், இந்தப் பாடலின் விற்பனை, ஒளிபரப்பு மற்றும் காட்சிகள் மூலம் கிடைக்கும் வருமானம் ஃபீடிங் அமெரிக்கா மற்றும் அந்தோனி ராபின்ஸ் அறக்கட்டளைக்கு கோவிட்-19 தொற்றுநோயால் பாதிக்கப்பட்டவர்களுக்காக நிவாரணமாக வழங்கப்படுகிறது. ^[17]