எசுகெய்

எசுகெய் சின் அரசமரபால் ககானாக அறிவிக்கப்பட்ட காபூல் கானின் இரண்டாவது மகனான பார்டன் பாகதூரின் மகன் ஆவார். காபூல் கான், முதன் முதலில் மங்கோலியர்கள் அனைவரையும் ஒன்றிணைக்க முயற்சி செய்த கய்டுவின் பேரன் ஆவார். எசுகெய் தனது முதல் மனைவி சோச்சிகல் மூலம் இரு குழந்தைகளைப் பெற்றார்: பெக்தர் மற்றும் பெலகுதை. மங்கோலியர்களின் இரகசிய வரலாற்றின் படி இளம் தெமுஜின் அவரது அண்ணன் பெக்தரை வேட்டையாடும்போது கொன்றார். ஆனால் அவரது மற்றொரு ஒன்றுவிட்ட சகோதரன், பெலகுதை, ஒரு நல்ல நண்பனாக இருந்தார், பின்னர் செங்கிஸ் கானுக்குக் கீழ் ஒரு தளபதியாகப் பணியாற்றினார். எசுகெய்யின் இரண்டாவது மற்றும் தலைமை மனைவி ஓவலுன், ஒலகோனுடு வன மக்களின் ஒரு மகள் ஆவார். ஓவலுனை அவரது புதிய கணவர் சிலேடுவிடமிருந்து, எசுகெய் அவரது அண்ணன் நெகுன் தைசி மற்றும் தம்பி தரிதை ஒச்சிகன் உதவியுடன் கடத்தினார்.

• மங்கோலியர்களின் இரகசிய வரலாறு