திமோர் கடல்

இக்கடலின் கிழக்கே உள்ள நீர்ப்பகுதி அரபூரா கடல் ஆகும். ஆஸ்திரேலியாவின் வடக்குக் கரையோரக் குடாக்களான ஜோசப் பொனபார்ட் குடா, வான் டீமன் குடா திமோர் கடலுக்குக் கிட்டவாக உள்ள பகுதிகளாகும். ஆஸ்திரேலிய நகரான டார்வின் நகரமே இக்கடலை அண்டிய மிகப்பெரிய நகரமாகும்.

திமோர் கடல் கிட்டத்தட்ட 480 கிமீ அகலமானதும், 610,000 கிமீ² பரப்பளவையும் கொண்டது. இதன் ஆழமான பகுதி (3,300 மீ ஆழம்) கடலின் வடக்கே ஜாவா அகழியில் அமைந்துள்ளது. இதனை விட கடலின் ஏனைய பகுதிகள் 200 மீட்டருக்கும் குறைவான ஆழத்தையே கொண்டுள்ளது.

பல வெப்பவலயப் புயல்கள் மற்றும் சூறாவளிகள் திமோர் கடலில் ஆரம்பமாகின்றன அல்லது இதனூடே செல்லுகின்றன. பெப்ரவரி 2005 இல் ஏற்பட்ட விவியன் சூறாவளி இக்கடலின் எண்ணெய் மற்றும் பெற்றோலிய உற்பத்திகளைப் பாதித்தது. இதற்கு அடுத்த மாதம் ஏற்பட்ட வில்லி புயல் பெரிதும் பாதிப்புகளை உண்டு பண்ணியது.

பல குறிப்பிடத்தக்க தீவுகள் திமோர் கடலில் அமைந்துள்ளன. இதில் குறிப்பிடத்தக்கது டிவி தீவுகாளில் ஒன்றான மெல்வில் தீவு ஆகும். ஆஸ்திரேலியப் பழங்குடிகள் திமோர் கடலின் தீவுகளைத் தாண்டியே பெரு நிலப்பரப்புக்கு வந்ததாகக் கருதப்படுகிறது.

1940களில் திமோர் கடலில் நிலைகொண்டிருந்த ஜப்பானிய கடற்படையினர் ஆஸ்திரேலியா மீது 1942-43 ஆம் ஆண்டுகளில் கப்பல்களில் இருந்து வான்தாக்குதல்களை நிகழ்த்தினர். 1942, பெப்ரவரி 19 இல் டார்வின் நகர் மீது தாக்குதல் நடத்தி ஒன்பது கப்பல்களை மூழ்கடித்தனர். இரண்டாம் உலகப் போரின் போது இடம்பெற்ற பசிபிக் போர்களில் திமோர் தாக்குதல் ஆரம்பமானது இந்நாளிலேயே ஆகும்.

விக்கிமீடியா பொதுவகத்தில்,
திமோர் கடல்
என்பதில் ஊடகங்கள் உள்ளன.

• Khamsi, Kathryn (2005). "A Settlement to the Timor Sea Dispute?". Harvard Asia Quarterly 9 (1) 6–23.
• East Timor is protective of oil, gas industry
• Robert J. King, Submission to the Senate Economics Legislation Committee on the provisions of the Timor Sea Maritime Boundaries Treaty, January 2019