நெபுலா

சூரியக் குடும்பதிற்கு அப்பால், தூசு, ஐதரசன், ஈலியம் மற்றும் ஏற்றமடைந்த வாயுக்களால் ஆன திரளான முகிலே ஒண்முகில் அல்லது நெபுலா (Nebula) ஆகும். நெபுலா என்ற இலத்தீனச் சொல்லுக்கு பனிமூட்டம் அல்லது புகை என்று பொருள்.^[1] முதன்முதலாக சிறிய தொலைநோக்கிகளின் மூலம் அறிவியலாளர்கள் வானத்தைப் பார்க்க தொடங்கியபோது ஒளியுடன் கூடிய புகை போன்ற அமைப்புகளைக் கண்டார்கள். பழமையான ஒண்முகில்களில் புதிய பல விண்மீன்கள் உருவாகும். உதாரணமாகக் கழுகு ஒண்முகிலைக் குறிப்பிடலாம். இப்படியான அண்டவெளி முகில்களில் உள்ள வாயுக்கள் ஈர்ப்பால் ஒன்றிணைந்து விண்மீன்களை உருவாக்குகின்றன. விண்மீன்களாக உருவாகாத மீதி முகில் பிரதேசங்கள் விண்மீன்களின் ஈர்ப்பால் ஒன்றிணைந்து கோள்களாக உருவாகின்றன.