1100

அமெரிக்காக்கள்

• இன்றைய ஐக்கிய அமெரிக்காவில் இடம்பெற்ற முதலாவது குடியேற்றம் இங்குள்ள ஒராய்பி (இன்றைய அரிசோனாவில்) என்ற ஊரில் இடம்பெற்றது.
• பெருவில் குசுக்கோ நகரம் அமைக்கப்பட்டது.

ஆசியா

• சொங் சீனாவின் மக்கள்தொகை அண்ணளவாக 100 மில்லியனைத் தாண்டியது.
• சொங் சீனாவின் பேரரசராக குயிசோங் முடிசூடினார்.
• சனவரி – பக்தாதில் ருந்து செல்யூக் பேரரசர் முதலாம் மகுமுது அவரது சகோதரனால் வெளியேற்றப்பட்டார், ஆனாலும் சில மாதங்களில் அவர் மீண்டும் நகரை மீளக் கைப்பற்றினார்.^[1]
• ஆகத்து 1 – சிலுவைப் போர்வீரர்கள் கரையோரப் பகுதிகளைக் கைப்பற்ற எடுக்கும் முயற்சிக்கு உதவும் முகமாக செனோவாக் கடற்படைக் கப்பல்கள் இத்தாலியில் இருந்து புறப்பட்டன. இவை லத்தாக்கியா நகரை செப்டம்பர் 25 இல் சென்றடைந்தன.^[2]
• ஆகத்து 20 – வெனிசியர்களின் உதவியுடன் சிலுவைப் போர்வீரர்கள் கைஃபா என்ற இத்தாலியக் கரையோர நகரைக் கைப்பற்றினர்.
• டிசம்பர் 25 – எருசலேமின் மன்னர் காட்ஃபிறீ சூலை 18 இல் இறந்ததை அடுத்து, அவரது சகோதரர் முதலாம் பால்டுவின் எருசலேமின் மன்னராக பெத்லகேம், பிறப்பிடத் தேவாலயத்தில் முடி சூடினார்.^[3]
• கரையோரப் பகுதிகளைக் கைப்பற்ற உதவியமைக்காக செனோவா, வெனிசு, பீசா ஆகிய நகரங்கள் சிலுவை நாடுகளின் வணிக சிறப்புரிமையைப் பெற்றன.

ஐரோப்பா

• ஆகத்து 2 – இங்கிலாந்து மன்னர் இரண்டாம் வில்லியம் வேட்டையாடும் போது ஏற்பட்ட விபத்தில் இறந்ததை அடுத்து, அவரது சகோதரர் முதலாம் என்றி மன்னராக அறிவிக்கப்பட்டார்.
• ஆகத்து 5 – முதலாம் என்றி இங்கிலாந்தின் மன்னராக வெஸ்ட்மின்ஸ்டர் மடத்தில் முடி சூடினார்.^[4]
• செப்டம்பர் 23 – இங்கிலாந்தின் முதலாம் என்றியின் அழைப்பின் பேரில், நாடு கடந்த நிலையில் வாழ்ந்து வந்த கேன்டர்பரி பேராயர் அன்சலேம் இங்கிலாந்து திரும்பினார்.
• நவம்பர் 11 - இங்கிலாந்து மன்னர் முதலாம் என்றி இசுக்காட்லாந்தின் இளவரசி மெட்டில்டாவைத் திருமணம் புரிந்தார்.
• ஐசுலாந்தில் சட்டங்கள் அனைத்தும் எழுத்து வடிவில் இருக்க வேண்டும் எனத் தீர்மானிக்கப்பட்டது.

சமயம்

• எதிர்-திருத்தந்தை மூன்றாம் கிளெமெண்டு இறந்ததை அடுத்து, புனித உரோமைப் பேரரசர் நான்காம் என்றியின் ஆதரவாளர்கள் தியோதோரிக் என்பவரை எதிர் திருத்தந்தையாக உரோமை நகரில் தேர்ந்தெடுத்தார்கள்.
• பரோயே பேராயம் நிறுவப்பட்டது.

வேறு

• காயசைக்கும் விளையாட்டு (draughts) கண்டுபிடிக்கப்பட்டது (அண்ணளவான காலம்).^[5]