స్టార్టప్ కంపెనీ
స్టార్టప్ కంపెనీ అనేది స్థిరమైన ఆర్థిక నమూనా అభివృద్ధి చేయడానికి, కొత్త వ్యవస్థను నిర్మించడానికి సమారంభకుడు చేపట్టే సంస్థ.[1] [2] ఆర్థిక రంగంలో, సమారంభకుడు అనే పదాన్ని ఆవిష్కరణలు లేదా సాంకేతికతలను, ఉత్పత్తులు సేవల్లోకి అనువదించగల సామర్థ్యం ఉన్న ఒక సంస్థ కోసం ఉపయోగిస్తారు. సాధారణంగా ప్రారంభ దశలో ఉన్న వాణిజ్య సంస్థలను అంకుర సంస్థలుగా పరిగణిస్తారు. ప్రారంభంలో, అంకుర సంస్థలు అధిక అనిశ్చితిని ఎదుర్కొంటాయి [3] , అధిక వైఫల్యాలను కలిగి ఉంటాయి, కాని వాటిలో విజయవంతంమైన సంస్థలుగా మారినవి ప్రభావశీలకంగా ఉంటాయి . [4]
ఆరంభ చర్యలు
అంకుర సంస్థలు సాధారణంగా ఒక సమారంభకుడు (ఆంత్రప్రెనార్) లేదా సమస్యను పరిష్కరించడానికి ఒక మార్గాన్ని కలిగి ఉన్న సహ సమారంభకులచే ప్రారంభించబడతాయి.అంకుర సంస్థలను ప్రారంభించే ప్రక్రియ చాలా కాలం పడుతుంది (కొన్ని అంచనాల ప్రకారం, మూడు సంవత్సరాలు లేదా అంతకంటే ఎక్కువ), అందువల్ల నిరంతర కృషి అవసరం. దీర్ఘకాలికంగా అధిక వైఫల్యం రేట్లు , అనిశ్చిత ఫలితాల కారణంగా ప్రయత్నం కొనసాగించడం చాలా సవాలుగా ఉంది.[5]
డిజైన్ సూత్రాలు
డిజైన్ సైన్స్ సంస్థ వెన్నెముకను రూపొందించడానికి, నిర్మించడానికి ప్రామాణికమైన ఆలోచనలు అలాగే ప్రతిపాదనల యొక్క సమిష్టిగా భావించే డిజైన్ సూత్రాలను ఉపయోగిస్తుంది.[6]
మార్గదర్శకం
చాలా మంది సమారంభకులు తమ అంకుర సంస్థలను రూపొందించడంలో సలహాదారుల నుండి అభిప్రాయాన్ని కోరుకుంటారు. మార్గదర్శకులు సమారంభకులకు మార్గనిర్దేశం చేస్తారు, వ్యవస్థాపక నైపుణ్యాలను అందిస్తారు అలాగే నూతన సమారంభకుల స్వీయ-సామర్థ్యాన్ని పెంచుతారు. [7]
ప్రారంభ సూత్రాలు
అంకుర సంస్థలను రూపొందించడంలో చాలా సూత్రాలు ఉన్నాయి. వాటిలో కొన్ని సూత్రాలు క్రింద ఇవ్వబడ్డాయి.
లీన్ స్టార్టప్
లీన్ స్టార్టప్ అనేది పరిమిత వనరులు , వారి వెంచర్లను మరింత సరళంగా తక్కువ ఖర్చుతో నిర్మించడానికి విపరీతమైన అనిశ్చితి కింద అంకుర సంస్థలను రూపొందించడానికి స్పష్టమైన సూత్రాల సమితి. సమారంభకులు తమ సంస్థ ఏవిధంగా పనిచేస్తుందో స్పష్టంగా అనుభవపూర్వకంగా పరీక్షించి రూపొందించుకోవడానికి లీన్ స్టార్టప్ పద్దతిని ఉపయోగిస్తారు. లీన్ స్టార్టప్ అనేది వ్యవస్థాపకత అభ్యసన కోసం అలాగే బిజినెస్ మోడల్ డిజైన్ కోసం రూపొందించబడిన ఒక పద్ధతి. ఇది ఒక నిశ్చితమైన అనుభవాత్మక పద్ధతిలో అనిశ్చితి లో అనుభవాత్మక అభ్యసన కోసం ఉద్దేశించిన రూపకల్పన సూత్రాల సమితి. [8]
డిజైన్ థింకింగ్
వినియోగదారుల అవసరాన్ని నిశ్చిత పద్ధతిలో అర్థం చేసుకోవడానికి డిజైన్ థింకింగ్ ఉపయోగించబడుతుంది.