مشرق وسطی

مشرق وسطیٰ افریقہ۔یوریشیا کا ایک تاریخی و ثقافتی خطہ ہے جس کی کوئی واضح تعریف نہیں ہے۔ اس خطے میں جنوب مغربی ایشیا اور شمالی افریقہ کے ممالک شامل ہیں۔مغربی دنیا میں مشرق وسطی کو عام طور پر عرب اکثریتی ممالک سمجھا جاتا ہے حالانکہ یہ علاقے کی تمام ریاستوں کی تعریف پر پورا نہیں اترتا۔ علاقے کی نسلی برادریوں میں افریقی، عرب، آرمینیائی، آذری، بربر، یونانی، یہودی، کرد، فارسی، تاجک، ترک اور ترکمان شامل ہیں۔ خطے کی سب سے زیادہ بولی جانے والی زبان بلاشبہ عربی ہے جبکہ دیگر زبانوں میں آرمینیائی، آذری، بربر زبانیں، عبرانی، کرد، فارسی، ترکی، یونانی اور اردو شامل ہیں۔

مشرق وسطی

رقبہ	7,207,575 کلومیٹر2 (2,782,860 مربع میل)
آبادی	371 ملین (2010)[1]
ممالک	18 ممالک بحرین قبرص مصر ایران عراق اسرائیل اردن کویت لبنان ترک جمہوریہ شمالی قبرص سلطنت عمان دولت فلسطین قطر سعودی عرب سوریہ ترکی متحدہ عرب امارات یمن ماتحت علاقے: ایکروتیری و دیکیلیا
زبانیں	60 زبانیں سرکاری زبانیں عربی زبان یونانی زبان عبرانی زبان کردی زبان فارسی زبان ترکی زبان ایسی زبانیں جنہیں سرکاری حیثیت نہیں دی گئی (لیکن اقلیتیں یا تارکینِ وطن بولتے ہوں) البانوی زبان آرمینیائی زبان اباظہ زبان ابخاز زبان امہری زبان آذربائیجانی زبان بلوچی زبان بوسنیائی زبان چیچن زبان چینی زبان چرکسیہ کریمیائی تاتاری زبان قبطی زبان دوماری انگریزی زبان فرانسیسی زبان بلقانی ترکی جارجیائی زبان گیلکی زبان مجارستانی زبان ہندی زبان اطالوی زبان قازق زبان کُمِیک کُربت کرغیز زبان یہودی ہسپانوی زبان لاز لورش زبان مراٹھی زبان ملیالم زبان طبری زبان نو آرامی نوبیین قاشقائی رومانیائی زبان سِوا صومالی زبان سریانی زبان ہسپانوی زبان پنجابی زبان تگالوگ زبان تالیش تاتاری زبان تھائی زبان ترکمانی زبان تورویو یوکرینی زبان اردو اویغور زبان یدیش زبان زازاکی زبان
منطقۂ وقت	متناسق عالمی وقت+02:00، متناسق عالمی وقت+03:00:00, متناسق عالمی وقت+03:30، متناسق عالمی وقت+04:00، متناسق عالمی وقت+04:30
بڑے شہر	بڑے شہر: قاہرہ تہران استنبول بغداد ریاض

مشرق وسطی کی مغرب میں کی گئی تعریف کے مطابق جنوب مغربی ایشیا اور ایران سے مصر تک کا علاقہ مشرق وسطیٰ ہے۔ مصر مشرق وسطی کا حصہ سمجھا جاتا ہے حالانکہ وہ جغرافیائی طور پر شمالی افریقہ میں ہے۔

مقدرہ بین الاقوامی فضائی سفر (IATA) کی تیار کردہ مشرق وسطی کی تعریف کے تحت بحرین، مصر، ایران، عراق، اسرائیل، اردن، کویت، لبنان، فلسطین، اومان، قطر، سعودی عرب، سوڈان، شام، متحدہ عرب امارات اور یمن مشرق وسطی کا حصہ ہیں۔

مشرق وسطی اور اس سے منسلک اسلامی ممالک کے لیے عظیم مشرق وسطی کی سیاسی اصطلاح استعمال کی گئی ہے جس میں روایتی مشرق وسطی کے علاوہ ترکی، اسرائیل، افغانستان اور پاکستان بھی شامل ہیں۔

یہ اصطلاح 2004ء میں جی 8 کے اجلاس میں امریکہ کے صدر جارج ڈبلیو بش نے استعمال کی تھی۔