2014ء سرمائی اولمپکس

اولمپکس 2014 موسمِ سرما سرکاری طور پر XXII موسمِ سرما اولمپکس کے نام سے جانے جاتے ہیں جبکہ عمومی طور پر انھیں سو چی 2014 ( Sochi 2014 کہا جاتا ہے۔ سرمائی اولمپکس چار سال بعد ایک دفعہ ہوتے ہیں۔ اس دفعہ یہ روس کے سوچی میں منعقد ہوئے۔ -7 فروری 2014 سے شروع ہونے والے یہ اولمپکس 23 فروری 2014 کو ختم ہوئے - ان اولمپکس کے انعقاد کے لیے روس کے شہر سو چی کو 2007 میں ہی چن لیا گیا تھا- 1991ء میں سو ویت یونین کے ٹوٹنے کے بعد یہ روس میں منعقد ہونے والے پہلے اولمپکس تھے - اس سے قبل 1980 کے موسمِ گرما اولمپکس کا میزبان سو ویت یونین تھا- ان اولمپکس کے لیے 12 بلین امریکی ڈالرز کی رقم مختص کی گئی تھی جو نا کافی ثابت ہوئی اور تجاوز کر کے 51 بلین تک پہنچ گئی - یہ رقم 2008 میں چین کے شہر بیجنگ میں منعقد ہونے والے موسمِ گرما اولمپکس کی رقم (44 بلین امریکی ڈالرز) سے بھی تجاوز کر گئی جو تاریخ کے مہنگے ترین اولمپکس تھے -
اس اولمپکس میں کل 98 مختلف مقابلے ہوئے -

بولی لگانے کا عمل

سوچی کو 4 جولائی 2007 کو ہی “انٹرنیشنل اولمپک کمیٹی “ ( آئی - او - سی ) کے ایک سو انیس ویں سیشن میں ان اولمپکس کے لیے چن لیا گیا تھا - 1980 کے مو سمِ گرما کے اولمپکس کے بعد( جن کی میزبانی سو ویت یونین نے کی تھی) یہ روس میں منعقد ہو نے والے پہلے اولمپکس تھے -

! انتخا بات برائے میزبان شہر برائے اولمپکس 2014 ----بیلٹ رزلٹ
نمبر شمار	شہر	ملک	پہلا راؤنڈ	دوسرا راؤنڈ
1	سوچی	روس	34	51
2	پیونگ چانگ ( انگریزی:Pyeongchang)	جنوبی کوریا	36	47
3	سالز برگ	آسٹریا	25	-