Nadia Murad
Nadia Murad Basei Taha (kurdcha: نادیە موراد بەسێ تەھا، ; arabcha: نادية مراد باسي طه) 1993-yil 10-martda tugʻilgan – Germaniyada yashovchi yazidiy inson huquqlari himoyachisi[3][4]. 2014-yilda u tugʻilib oʻsgan shahri Kochodan oʻgʻirlab ketilgan va Iroq va Shom Islom Davlati tomonidan uch oy ushlab turilgan[5].
Nadia Murad | |
---|---|
Nadia Murad 2018-yilda | |
Tavalludi | Nadia Murad Basee Taha 10-mart 1993-yil[1] Kocho, Iroq |
Fuqaroligi | Iroq[2] |
Turmush oʻrtogʻi | Abid Shamdeen (turm. 2018) |
Mukofotlari |
|
Nadia Murad „Genotsidlar, ommaviy vahshiyliklar va odam savdosi qurboni boʻlgan ayollar va bolalarga oʻz hayotlari va atrof-muhitlarini sogʻlomlashtirish va tiklash uchun yordam berishga“ bagʻishlangan jamiyat asoschisi hisoblanadi[6].
2018- yilda Nadia Murad va Denis Mukvege birgalikda „ jinsiy zoʻravonlikni urush va qurolli toʻqnashuv quroli sifatida qoʻllashni tugatishga qaratilgan qarshi kurashlari uchun“ Nobel mukofotiga sazovor boʻlishdi[7]. U Nobel mukofotiga sazovor boʻlgan birinchi iroqlikdir[8].
2016-yilda Nadia Murad Birlashgan Millatlar Tashkilotining Narkotiklar va jinoyatchilik boʻyicha boshqarmasining (UNODC) inson savdosidan omon qolganlarning qadr-qimmati boʻyicha birinchi boshqarma elchisi etib tayinlandi[9].
Bolalik davri
Murad Iroqning Sinjar tumanidagi yazidiylar yashaydigan Kocho qishlogʻida dunyoga kelgan[10][11]. Uning oilasi kichik yazidi fermerlaridan boʻlgan[12].
Murad oilada 11 ta farzandning eng kichigi edi, toʻrtta katta opa-singillarini hisobga olmaganda. Murodning otasi birinchi xotini vafotidan soʻng, Murodning onasiga uylanadi, birinchi xotinidan toʻrt farzandi qolgandi. Uning ota-onasi ham dindor yazidiy edilar, ammo Murad oʻsib ulgʻayotgan davrlarida din haqida koʻp narsa bilmas edi. Muradning otasi 2003-yilda vafot etgan.
Murad bolalik chogʻlaridanoq shaxsiy sartaroshxonaga ega boʻlishni orzu qilgan. U oʻz uyiga shunchalar bogʻlanib qolganidan, Kochoni tashlab boshqa joyda yashashni hech qachon tasavvur qilmagan edi.
Oilasi
2018-yil 19-avgustda Germaniyada Nadia Murad inson huquqlari faoli boʻlgan Abid Shamdeen bilan turmush qurgan[13][14][15].