Rochefort NE
| S NE im Lemma isch s offiziell Chürzel vom Kanton Nöueburg und wird bruucht, zum Verwächslige mit Yträäg vom Name Rochefort vermyde, wo öppis anders meined. |
Rochefort (frankoprovenzalisch [rɔtsˈfɔː]) isch e Dorf und e bolitischi Gmai vom Kanton Nöueburg.
| Rochefort | |
|---|---|
 | |
| Basisdate | |
| Staat: | Schwiiz |
| Kanton: | Nöieburg (NE) |
| Region: | See |
| Bezirk: | (Dr Kanton Nöieburg kännt sit 2018 kä Bezirk me.) |
| BFS-Nr.: | 6413 |
| Poschtleitzahl: | 2019 |
| Koordinate: | / 20331646° 58′ 45″ N, 6° 48′ 35″ O; CH1903: 552150 / 203316 |
| Höchi: | 759 m ü. M. |
| Flächi: | 20.89 km² |
| Iiwohner: | 1313 (31. Dezämber 2022)[1] |
| Website: | rochefort.ch |
 Rochefort (Mitti), im Hintergrund dr Nöueburgersee | |
| Charte | |
 | |
Geografi
S Piet vo Rochefort lyt im Nöieburger Jura. Es goot vom Fluss Areuse im stotzige Tobel unde bis uf d Jurahöchi uf der Kreete vom Tablettes und ufs Platoo vo der Alp Métairie du Grand Coeurie ufe.
Zue Rochefort ghere näb em glychnamige Dorf d Sidlige Chambrelien (630 m ü. M.), Montézillon (758 m ü. M.), Les Grattes de Vent (835 m ü. M.), Les Grattes de Bise (840 m ü. M.) un La Tourne (1'129 m ü. M.). Dr Bann umfasst 33 Prozänt landwirtschaftligi Flechi, 62 Prozänt Wald, 4 Prozänt Sidligsflechi un öppe 1 Prozänt sunschtigi Flechi. D Nochbergmaine vu Rochefort sin Boudry, Brot-Plamboz, La Sagne, Val-de-Ruz, Val-de-Travers, Corcelles-Cormondrèche un Milvignes.
Gschicht
I de Jurafelse unden am Dorf im Areusetobel isch d Hööli vo Cotencher, wo en berüempte Fundort vo Räschte us der Urgschicht isch. Me het dört Gibei vo Höölibääre und au vo Neandertaler entdeckt.
Rochefort isch zum erschte Mol gnännt wore anne 1184 Rupeforti, 1236 Rochifort.
Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.
Bis Endi 2017 hät Rochefort zum Bezirk Boudry gheert.
Bevelkerig
Quälle: Bundesamt für Statistik 2005[2]
| Johr | 1850 | 1860 | 1870 | 1880 | 1888 | 1900 | 1910 | 1920 | 1930 |
| Yywohner | 653 | 696 | 696 | 696 | 680 | 659 | 582 | 602 | 551 |
| Johr | 1941 | 1950 | 1960 | 1970 | 1980 | 1990 | 2000 | 2010 | 2015 |
| Yywohner | 509 | 509 | 476 | 526 | 698 | 816 | 1036 | 1066 | 1121 |
Dr Uusländeraadail isch 2010 bi 16,1 Prozänt gläge.
Religion
40,8 Prozänt vo dr Yywooner sin evangelisch-reformiert, 25,8 Prozänt sin römisch-katholisch (Stand 2000).
Bolitik
Bi dr Nationalrootswahle 2011 het s des Ergebnis gee: BDP 2,0 Prozänt, CVP 5,4 Prozänt, FDP 28,2 Prozänt, Grüeni 13,8 Prozänt, PdA 1,7 Prozänt, SP 14,4 Prozänt, SVP 31,0 Prozänt.
Wirtschaft
D Juragmeind Rochefort isch tradizionell en Ort, wo s bim Dorf und uf de Juraweiden obe vor allem d Landwirtschaft git.
Durs Areuse-Taal goot d Kantonsstrooss vo Nöieburg is Val de Travers und au d Ysebaanlinie vo Bärn über Nöieburg uf Pontarlier z Frankrych ääne. Bim Dorf Chambrélien macht d Baanlinie vo Nöieburg uf La Chaux-de-Fonds en Spitzcheeri. Das isch im Schwiizer Ysebaannetz e zimlechi Sälteheit; me het sech do bim Bou vo dere Baan 1859 es Cheerdunäll ygspart.
Sproch un Dialäkt
Bi dr Volkszellig 2000 hän vu dr 1036 Yywohner 90,3 Prozänt Franzesisch as Hauptsproch aagee, 4 Prozänt Dytsch, 1,1 Prozänt Italienisch un 4,6 Prozänt anderi Sproche.
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn.[3][4]
Literatur
- Germain Hausmann: Rochefort. In: Historisches Lexikon vo dr Schwiiz.
Weblink
Commons: Rochefort – Sammlig vo Multimediadateie