Les Geneveys-sur-Coffrane
Les Geneveys-sur-Coffrane (frankoprovenzalisch [ɛ dʒɘnɛˈvɛ sy kɔˈfraːn]) isch es Dorf vom Kanton Nöueburg.
| Les Geneveys-sur-Coffrane | |
|---|---|
 | |
| Basisdatä | |
| Staat: | Schwiiz |
| Kanton: | Nöieburg (NE) |
| Bezirk: | |
| Gmeind | Val-de-Ruz |
| PLZ | 2206 |
| Koordinate: | / 20745947° 1′ 0″ N, 6° 51′ 10″ O; CH1903: 555457 / 207459 |
| Höchi: | 862 m ü. M. |
| Flächi: | 7,86 km² |
| Iiwohner: | 1611 (31. Dezämber 2012)[1] |
| Website | www.lesgeneveys-sur-coffrane.ch |
| Charte | |
| BEMERKUNG_KARTE= | |
Geografi
Les Geneveys-sur-Coffrane lyt im Val de Ruz am Fueß vu der Jurachetti vom Mont Racine uf 1439 Meter über Meer. Dr alt Gmeindbann het 53 Prozänt landwirtschaftligi Flechi, 40 % Wald un 7 % Sidligsflechi gha. D Nochbergmaine vu Les Geneveys-sur-Coffrane sin gsi: Coffrane, Montmollin, La Sagne un Boudevilliers.
Wie men em Name agseht, lyt s Dorf chly oberhalb vo der Ortschaft Coffrane. Es het zu der alte Pfarrei vo Coffrane ghört.
Vier Kilometer uf der Nordsyte vo Geneveys-sur-Coffrane lyt s Dorf Les Hauts-Geneveys.
Gschicht
Les Geneveys-sur-Coffrane isch zum erschte Mol gnännt wore um 1342 as Geneveis sus Corfranoz.
Der Ortsname Geneveys chunt vermuetlech vom Wort genévriers, wo uf Düütsch der Reckholder isch, wie me bim Wälschschwiizer Mundartwörterbuech, em GPSR, vo der Uni Nöieburg cha nochelääse.[2] Es het vor alter Zyt im Val de Ruz au no es Dorf Geneveys sur St. Martin ggää, wo aber scho lang verschwunden isch.[3]
Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.
Vo 1486 bis 1827 sind Les Geneveys-sur-Coffrane, Coffrane und Montmollin zäme ei Gmeind gsi.
Les Geneveys-sur-Coffrane het ufe 1. Jänner 2013 mit dr Gmaine Boudevilliers, Cernier, Chézard-Saint-Martin, Coffrane, Dombresson, Engollon, Fenin-Vilars-Saules, Fontainemelon, Fontaines, Les Hauts-Geneveys, Montmollin, Le Pâquier, Savagnier un Villiers zue dr neie Gmai Val-de-Ruz fusioniert.
Bevelkerig
Quälle: Bundesamt für Statistik 2005[4]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Yywohner | 230 | 384 | 396 | 449 | 445 | 473 | 577 | 570 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Yywohner | 543 | 485 | 605 | 1106 | 1483 | 1456 | 1480 | 1409 |
Dr Uusländeraadail isch 2010 bi 14,7 Les Geneveys-sur-Coffrane gläge.
Religion
44,7 Les Geneveys-sur-Coffrane vo dr Yywooner sin evangelisch-reformiert, 28,8 Les Geneveys-sur-Coffrane sin römisch-katholisch (Stand 2000).
Bolitik
Bi dr Nationalrootswahle 2011 het s des Ergebnis gee: BDP 0,8 %, CVP 3,0 %, FDP 27,5 %, Grüeni 11,6 %, PdA 0,8 %, SP 28,6 %, SVP 21,1 %.
Wirtschaft
Les Geneveys-sur-Coffrane isch früener es Puuredorf gsi. Im 20. Joorhundert sind verschideni Gwärbbetriib derzuecho.
Dur s Dorf goot d Ysebaanlinie vo Nöieburg uf Schodfoo.
Sproch un Dialäkt
Bi dr Volkszellig 2000 hän vu dr 1409 Yywohner 89,9 Prozänt Franzesisch as Hauptsproch aagee, 3,3 Prozänt Dytsch, 2,6 Prozänt Italienisch un 4,1 Prozänt anderi Sproche.
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn.[5][6]
Literatur
- Maurice Evard: Les Geneveys-sur-Coffrane. In: Historisches Lexikon vo dr Schwiiz.
- Louis Dufour-Vernes: Origine et développement des Hauts-Geneveys et Geneveys-sur-Coffrane. In: Almanach de la Suisse romande, 1885.
Weblink
Commons: Les Geneveys-sur-Coffrane – Sammlig vo Multimediadateie