Villiers NE
| S NE im Lemma isch s offiziell Chürzel vom Kanton Nöueburg und wird bruucht, zum Verwächslige mit Yträäg vom Name Villiers vermyde, wo öppis anders meined. |
Villiers (frankoprovenzalisch [a vəˈjiː / a vəˈʎiː]) isch es Dorf vom Kanton Nöieburg.
| Villiers | |
|---|---|
 | |
| Basisdatä | |
| Staat: | Schwiiz |
| Kanton: | Nöieburg (NE) |
| Bezirk: | |
| Gmeind | Val-de-Ruz |
| PLZ | 2057 |
| Koordinate: | / 21403647° 4′ 35″ N, 6° 58′ 20″ O; CH1903: 564578 / 214036 |
| Höchi: | 760 m ü. M. |
| Flächi: | 10,59 km² |
| Iiwohner: | 497 (31. Dezämber 2012)[1] |
| Charte | |
| BEMERKUNG_KARTE= | |
Früener isch es en eigeti Gmeind gsii. Zum 1. Jänner 2013 het die mit dr Gmaine Boudevilliers, Cernier, Chézard-Saint-Martin, Coffrane, Dombresson, Engollon, Fenin-Vilars-Saules, Fontainemelon, Fontaines, Les Geneveys-sur-Coffrane, Les Hauts-Geneveys, Montmollin, Le Pâquier un Savagnier zue dr neie Gmai Val-de-Ruz fusioniert.
Geografi
S alte Gmeinpiet vo Villiers het näb em glychnamige Dorf no dr Wyler Clémesin (1'004 m ü. M.) gha. Dr ehemoolig Bann het 42 Prozänt landwirtschaftligi Flechi, 51 Prozänt Wald un 7 Prozänt Sidligsflechi gha. D Nochbergmaine vu Villiers sin dozmol gsii: Le Pâquier, Dombresson, Savagnier, Enges un Lignières im Kanton Nöueburg un Nods, Villeret un Saint-Imier im Kanton Bärn.
Gschicht
Villiers isch zum erschte Mol gnännt wore anne 1191 as in Vilar, 1308 de Villier.
Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.
Bevelkerig
Quälle: Bundesamt für Statistik 2005[2]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Yywohner | 288 | 380 | 373 | 371 | 387 | 399 | 294 | 298 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Yywohner | 270 | 240 | 245 | 199 | 165 | 228 | 309 | 394 |
Dr Uusländeraadail isch 2010 bi 18,2 Prozänt gläge.
Religion
47,5 Prozänt vo dr Yywooner sin evangelisch-reformiert, 29,6 Prozänt sin römisch-katholisch gsii (Stand 2000).
Bolitik
Bi dr Nationalrootswahle 2011 het s des Ergebnis gee: BDP 0,9 %, CVP 2,3 %, FDP 28,8 %, Grüeni 4,5 %, PdA 1,5 %, SP 24,3 %, SVP 31,9 %.
Wirtschaft
Villiers isch es tradizionells Puuredorf.
Sproch un Dialäkt
Bi dr Volkszellig 2000 hän vu dr 394 Yywohner 88,9 Prozänt Franzesisch as Hauptsproch aagee, 2,7 Prozänt Dytsch, 3 Prozänt Italienisch un 5,4 Prozänt anderi Sproche.
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn.[3][4].
Literatur
- Maurice Évard: Villiers. In: Historisches Lexikon vo dr Schwiiz.
Weblink
Commons: Villiers, Switzerland – Sammlig vo Multimediadateie