Saint-Aubin-Sauges
Saint-Aubin-Sauges (frankoprovenzalisch [a st yˈbɛ̃ / sɛ̃t oˈbɛ̃]-[a ˈsodzə]) isch es Dorf im Kanton Nöieburg.
| Saint-Aubin-Sauges | ||
|---|---|---|
 | ||
| Basisdate | ||
| Staat: | Schwiiz | |
| Kanton: | Nöieburg (NE) | |
| Bezirk: | (Dr Kanton Nöieburg kännt sit 2018 kä Bezirk me.) | |
| BFS-Nr.: | 6414 | |
| Poschtleitzahl: | 2024 | |
| Koordinate: | / 19407446° 53′ 45″ N, 6° 46′ 25″ O; CH1903: 549323 / 194074 | |
| Höchi: | 469 m ü. M. | |
| Flächi: | 7.71 km² | |
| Iiwohner: | Expression-Fähler: Nit erwartete Operator: <Ungültiger Metadaten-Schlüssel 6414 (31. Dezämber 2022)[1] | |
| Website: | saint-aubin-sauges.ne.ch | |
 Port Conty | ||
| Charte | ||
| ||
Es ghört zu dr Gmeind La Grande Béroche. Früener isch s en eigeti Gmeind gsii.
Geografi
Der ehemoolig Gmeindbann vu Saint-Aubin-Sauges isch vum Stade vum Nöueburgersee bis uf 1436 m Hechi uf en Jura ufeggange. D Gmai het di baide Ortsdail Saint-Aubin un Sauges gha. Dr alt Gmeindbann het 46 Prozänt landwirtschaftligi Flechi, 50,9 Prozänt Wald un drüü Prozänt Sidligsflechi umfasst. d Nochbergmaine vu Saint-Aubin-Sauges sin dozmol gsii: Vaumarcus, Fresens, Montalchez un Gorgier.
Gschicht
Anne 1888 hän sich di ehmolige Gmaine Sauges un Saint-Aubin zämmegschlosse. Saint-Aubin isch zum erschte Mol gnännt wore anne 1176 as Sancti Albini, Sauges anne 1340 as villa de Sauges.
Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.
Bevelkerig
Quälle: Bundesamt für Statistik 2005[2]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Yywohner | 778 | 820 | 809 | 938 | 990 | 1105 | 1207 | 1239 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Yywohner | 1174 | 1238 | 1358 | 1560 | 2058 | 2085 | 2253 | 2426 |
Dr Uusländeraadail isch 2010 bi 5,7 % gläge.
Religion
69,3 Prozänt vo dr Yywooner sin evangelisch-reformiert, 6,9 Prozänt sin römisch-katholisch gsii (Stand 2000).
Bolitik
Bi dr Nationalrootswahle 2011 het s des Ergebnis gee: BDP 0,0 %, CVP 1,3 %, FDP 27,9 %, Grüeni 15,0 %, PdA 1,2 %, SP 18,5 %, SVP 32,7 %.
Dr Gmaindsbresidänt isch dr Hubert Brunner gsii (Stand 2012).
Wirtschaft
Saint-Aubin-Sauges isch es Piet mit vil Landwirtschaft und au echly Gwärb. Es het Räbbärgen am Hang über em Nöieburgersee, und a dämm sim Ufer en Hafe für privati Schiff.
Sproch un Dialäkt
Bi dr Volkszellig 2000 hän vu dr 2426 Yywohner 89,6 Prozänt Franzesisch as Hauptsproch aagee, 9,5 Prozänt Dytsch un 0,9 Prozänt anderi Sproche.
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn[3][4].
Literatur
- Olivier Girardbille: Saint-Aubin-Sauges. In: Historisches Lexikon vo dr Schwiiz.
Weblink
Commons: Saint-Aubin-Sauges – Sammlig vo Multimediadateie