Esperanza de vida

A esperanza de vida ó nacer é unha estimación da media de anos que viviría un grupo de persoas nadas o mesmo ano se os movementos na taxa de mortalidade da rexión avaliada se mantiveron constantes. É un dos indicadores da calidade de vida máis comúns e en ocasións utilízase para medir o retorno sobre o investimento no capital humano dunha rexión por organismos ou institucións internacionais.

Advertencias

A esperanza de vida non é a esperanza matemática do número de anos que vivirá realmente unha persoa. Isto sucede por culpa dos cambios tecnolóxicos e outros incidentes que variarán as taxas de mortalidade. Realmente o que chamamos "esperanza" de vida no ano t, EV₀(t) é o promedio de idade das persoas falecidas un ano, isto é:

${\displaystyle EV_{0}(t)=\sum _{j=1}^{j=\infty }p_{j}(t)\cdot j}$

Onde p_j(t) é a proporción de persoas falecidas á idade j no ano t (expresada en tanto por 1). Mentres que a verdadeira esperanza matemática de vida <EV(t)> viría dada por:

${\displaystyle \langle EV(t)\rangle =\sum _{j=1}^{j=\infty }{\bar {p}}_{j}(t)\cdot j}$

Onde p_j(t) é a probabilidade de que unha persoa nada no ano t morra á idade de j anos. Se as condicións de saúde melloran obxectivamente e non ocorren desastres ou cataclismos abruptos durante a vida das persoas nadas nun ano, espérase que a esperanza de vida estimada por cálculos de defuncións sexa inferior á verdadeira esperanza de vida: ${\displaystyle EV_{0}(t)<\langle EV(t)\rangle }$ .

Por outra banda, está moi estendida a crenza errónea de que a esperanza de vida ó nacer corresponde coa idade de senectude: por exemplo, óese con frecuencia que, na prehistoria, os seres humanos eran anciáns á idade de 30 ou 40 anos. Isto é totalmente falso. Unha esperanza de vida de 40 anos pode significar, por exemplo, simplificando moito, que a metade da poboación morre ó nacer ou no seu primeiro ano de vida (cousa bastante razoable na prehistoria) e a outra metade ós 80 anos de idade.

Aínda que a media mundial é de 66,7 anos (en 2005), existen diferenzas abismais entre as distintas zonas do planeta. En Europa e América do Norte a media é de 73 anos, en Oceanía é de 70 anos, en Latinoamérica de 69 anos, en Asia de 61 e en África de 55.

Segundo o informe anual da ONU, os Estados con menor expectativa son Zambia con 37,5 anos, a República Centroafricana con 39,3, Malawi con 39,7 e Serra Leoa con 40,8. Os de maior expectativa son Xapón con 82, a rexión de Hong Kong, China con 81,6, Islandia con 80,7 e Suíza con 80,5.

Esperanza de vida no mundo

Datos recollidos no ano 2015^[1] e publicados en maio de 2016.^[2]

HALE: Health-adjusted life expectancy (esperanza de vida con boa saúde)^[3]

Ligazóns externas

• Índice de desenvolvemento Humano, ano 2005 (pdf) Arquivado 28 de setembro de 2005 en Wayback Machine.