Крал на Саудиска Арабија

Кралот Абдулазиз (ибн Сауд) почнал да ја освојува денешна Саудиска Арабија во 1902 г. со враќањето на семејната надлежност како емири на Ријад. Потоа продолжил со освојвуање на Неџд (1922), а потоа Хиџаз (1925). Звањето гласело „Султан на Неџд“, подоцна сменето во „Крал на Хиџаз и Неџд“, за во 1932 г. да го добие денешното.

По смртта на Абдулазиз, сите досегашни владетели се негови синови како наследници. Овој систем се разликува од западните монархии, каде наследувањето оди по син наспроти брат.

Покрај владетел и старешина на династијата, кралот има улога и на премиер на државата, при што вицепремиер е престолонаследникот. Следниот на списокот по престолонаследникот ја има функцијата „втор вицепремиер“.

Име	Животен век	Стапил	Отстапил	Белешки	Династија	Слика
Абдулазиз ибн Сауд عبد العزيز	26 ноември 1876(1876-11-26) – 9 ноември 1953(1953-11-09) (возр. 76)	22 септември 1932	9 ноември 1953		Сауд
Сауд سعود	12 јануари 1902(1902-01-12) – 23 февруари 1969(1969-02-23) (возр. 67)	9 ноември 1953	2 ноември 1964 (тргнат)		Сауд
Фејсал فيصل	април 1906 – 25 март 1975 (воз. 68)	2 ноември 1964	25 март 1975 (убиен)		Сауд
Халид خالد	13 февруари 1913(1913-02-13) – 13 јуни 1982(1982-06-13) (возр. 69)	25 март 1975	13 јуни 1982		Сауд
Фахд فهد	16 март 1921(1921-03-16) – 1 август 2005(2005-08-01) (возр. 84)	13 јуни 1982	1 август 2005		Сауд
Абдула عبد الله	1 август 1924(1924-08-01) – 23 јануари 2015(2015-01-23) (возр. 90)	1 август 2005	23 јануари 2015		Сауд
Салман سلمان	31 декември 1935(1935-12-31) (88 г.)	23 јануари 2015	на власт		Сауд

Тековни престолонаследници

• Престолонаследникот Мукрин, р. 15 септември 1945(1945-09-15) (78 г.) син на Абдулазиз и Барака ел-Јеменија
• Заменикот-престолонаследник Мухамед бин Најф, р. 1959 (воз. 64–65 г.), син на Најф бин Абдулазиз и ел-Џаухара бинт Абдулазиз, внук на Абдулазиз бин Сауд и Хеса бинт Ахмед.

Кралскиот стандард се состои од зелено знаме со натпис, бела сабја и државниот амблем со златна во долниот десен кантон.

Натписот е шехадетот, односно сведочењето за верата, напишано со букви во стилот сулус:

لَا إِلٰهَ إِلَّا الله مُحَمَّدٌ رَسُولُ الله

лā ʾилāхa ʾиллā-ллāх, мухамедун расȳлу-ллāх

Нема друг бог освен Бог и Мухамед е Неговиот пратеник.^[2]

• Престолонаследник на Саудиска Арабија