Цент

Цент^[1][2], сентаво, сентесимо, сентимо, сантим^[3][4] (Cent, centavo, centésimo, cêntimo, céntimo, centime) се различни имиња за стотинки од бројни светски валути. Поимот цент се однесува и на монета во вредност од еден цент. Симболот за цент, во зависност од валутата, е малата буква „c“ вкрстена со коса црта или вертикална линија: ¢; или едноставно само буквата с.

Зборот цент доаѓа од латинскиот збор „centum“ што значи сто. Англискиот поим cent се користи првенствено меѓу земјите кои биле дел од Британската Империја. Поимот centavo се користи првенствено меѓу земјите кои биле шпански или португалски колонии. Поимите centésimo и céntimo потекнуваат од шпанскиот јазик, а cêntimo од португалскиот јазик. Терминот сантим се користи првенствено меѓу земјите кои биле француски колонии.