Bookerprisen

Bookerprisen (engelsk namn «Booker Prize for Fiction» og «Man Booker Prize») er ein litteraturpris som vert delt ut årleg til ein roman som opphavleg er skriven på engelsk og gjeven ut i Storbritannia eller Irland.^[1]

Fram til og med 2013 gjekk prisen berre til forfattarar frå Det britiske samveldet og Irland, slik at forfattarar frå USA var utelukka. Frå 2014 har prisen vore open for alle nasjonalitetar.^[2]

Vinnaren av Man Booker Prize kan rekna med internasjonal anerkjenning og suksess, og prisen er derfor også viktig for bokhandlarbransjen.^[3] Prisen vart oppretta av bokhandlarkjeda Booker plc i 1968, og delt ut første gongen året etter. For at prisen skal ha eit framståande kjennemerke, vert jurymedlemmene utvalde blant kritikarar, forfattarar og akademikarar. Sidan 2002 er prisen også omtala som «Man Booker Prize» på bakgrunn av at prisen er sponsa av eit investeringsselskap, Man Group plc.