Katakana

Katakana (片仮名, カタカナ eller かたかな) er eit av dei tre japanske skriftsystema, saman med hiragana og kanji. Katakana blir brukt til å skiva framandord, eigenamn og andre ord med ikkje-japansk opphav, slik som ordet for datamaskin: コンピューター (konpyuutaa).

Katakana er ei kanaskrift der kvart teikn utgjer ei staving, til dømes /a/ (ア) eller ein annan kombinasjon av ein konsonant og ein vokal, som ネ (ne). Det finst ingen enkelståande konsonantteikn i katakana, bortsett frå ン (n). Teika i katakana har rette former som gjer at det skil seg frå hiragana, som har meir avrunda teikn.

Det er til saman 104 teikn med 46 grunnteikn i systemet, nett slik som i hiragana.