୨୦୧୯ ଓଡ଼ିଶା ବିଧାନସଭା ନିର୍ବାଚନ

ଓଡ଼ିଶାରେ ମୋଟ ୧୪୭ଟି ବିଧାନ ସଭା ଆସନ ରହିଛି । ତନ୍ମଧ୍ୟରୁ ୯୦ଟି ସାଧାରଣ, ୨୪ଟି ଅନୁସୂଚିତ ଜାତି ଏବଂ ବାକି ୩୩ଟି ଅନୁସୂଚିତ ଜନଜାତି ବର୍ଗଙ୍କ ପାଇଁ ସଂରକ୍ଷିତ ଅଟେ ।^[୭] ୧୪୭ଟି ଆସନରୁ ଅତି କମରେ ଗୋଟିଏ ଦଳ କି ଗଠବନ୍ଧନ ଯଦି ୭୪ଟିରୁ ଅଧିକ ଆସନର ସମର୍ଥନ ପ୍ରମାଣିତ କରିପାରିବେ ତେବେ ସେମାନେ ସରକାର ଗଠନ କରିପାରିବେ । ୨୦୧୪ରେ ହୋଇଥିବା ବିଧାନ ସଭା ନିର୍ବାଚନରେ ବିଜୁ ଜନତା ଦଳ ୧୧୭ଟି ଆସନରୁ ଜିତି ଏକାକୀ ସଂଖ୍ୟା ଗରିଷ୍ଠତା ଲାଭ କରି ଦଳର ନେତା ନବୀନ ପଟ୍ଟନାୟକଙ୍କଦ୍ୱାରା ସରକାର ଗଢ଼ିଥିଲେ ।^[୮]

ଓଡ଼ିଶାର ୧୪୭ଟି ବିଧାନ ସଭା ଆସନରେ ଚାରୋଟି ପର୍ଯ୍ୟାୟରେ ନିର୍ବାଚନ ହୋଇଥିଲା ।^{[୯][୧୦]}

ପ୍ରଥମ ପର୍ଯ୍ୟାୟ ନିର୍ବାଚନରେ ୪ଟି ଲୋକ ସଭା ଏବଂ ୨୮ଟି ବିଧାନ ସଭା ଆସନ ପାଇଁ ଯଥାକ୍ରମେ ୨୮ ଜଣ ଲୋକ ସଭା ପ୍ରାର୍ଥୀ ଏବଂ ୨୦୩ ଜଣ ବିଧାନ ସଭା ପ୍ରାର୍ଥୀ ପ୍ରତିଦ୍ୱନ୍ଦିତା କରିଥିଲେ ।^[୧୧]

କଂଗ୍ରେସ ନିର୍ବାଚନ ପାଇଁ ୪୪ଟି ଆସନରୁ ପ୍ରାର୍ଥୀ ଛିଡ଼ା କରେଇବ ବୋଲି ଅକ୍ଟୋବରରେ ଘୋଷଣା କରିଥିଲେ ।^{[୧୨][୧୩]} ସେହି ମାସ, ଅକ୍ଟୋବର, ୨୦୧୮ରେ ପ୍ରଦେଶ କଂଗ୍ରେସର କାର୍ଯ୍ୟକାରୀ ସଭାପତି ଚିରଞ୍ଜିବୀ ବିଶ୍ୱାଳ, କଂଗ୍ରେସ ଓଡ଼ିଶାରେ ସରକାର ଗଢ଼ିଲେ ନିରଞ୍ଜନ ପଟ୍ଟନାୟକ ମୁଖ୍ୟମନ୍ତ୍ରୀ ହେବେ ବୋଲି ଘୋଷଣା କରିଥିଲେ ।^{[୧୪][୧୫]} ଏହାର ମାସକ ପରେ ନଭେମ୍ବରରେ ଭାରତୀୟ ଜନତା ପାର୍ଟି ପକ୍ଷ୍ୟରୁ ଧର୍ମେନ୍ଦ୍ର ପ୍ରଧାନଙ୍କୁ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ଘୋଷଣା କରାଯାଇଥିଲା ।^{[୧୬][୧୭]} ନରେନ୍ଦ୍ର ମୋଦୀଙ୍କର ଜନପ୍ରିୟତାରେ ବିଜେପି ଓଡ଼ିଶାରେ ନିର୍ବାଚନ ଜିତିବା ଆଶାରେ ଥିଲେ ।^[୧୮]

ପ୍ରସଙ୍ଗଗୁଡ଼ିକ

ବେକାରୀ ସମସ୍ୟା, ଚାଷ ଜମିକୁ ପାଣି, ଘରକୁ ପାଣି, ମନରେଗା (MNREGA)ରେ ଆସୁଥିବା ଟଙ୍କାର ଲୁଟ ଇତ୍ୟାଦି ମୁଖ୍ୟ ପ୍ରସଙ୍ଗ ରହିଥିଲା ।^[୧୯] କଂଗ୍ରେସ ଏହାର ପ୍ରସ୍ତାବିତ ଇସ୍ତାହାରରେ ଚାଷ ଓ ଚାଷୀ ପ୍ରସଙ୍ଗରେ କୃଷି ଋଣଛାଡ଼, ଧାନର ସର୍ବନିମ୍ନ ସହାୟକ ମୂଲ୍ୟ କ୍ବିଣ୍ଟାଲ୍‌ ପିଛା ୨୬୦୦ ଟଙ୍କା, ଚାଷୀଙ୍କୁ ୫ ବର୍ଷ ଯାଏଁ ସହାୟତା, ସୋଲାର ପମ୍ପ ଯୋଗାଣ, ପ୍ରତ୍ୟେକ ଜିଲ୍ଲାରେ ଖାଦ୍ୟ ପ୍ରକ୍ରିୟାକରଣ ପ୍ଲାଣ୍ଟ; ବେକାର ଯୁବକ ଯୁବତୀମାନଙ୍କ ପାଇଁ ନିଯୁକ୍ତି ସୁଯୋଗ, ମହିଳାଙ୍କୁ ଆର୍ଥିକ ସହାୟତା ବ୍ୟତୀତ ସେମାନଙ୍କୁ ସଶକ୍ତୀକରଣ କରି ସେମାନଙ୍କ ମାଧ୍ୟମରେ ରାଜ୍ୟରେ ମହିଳା ହିଂସା ହାର ହ୍ରାସ ଭଳି ବିଭିନ୍ନ ପ୍ରସଙ୍ଗକୁ ଗୁରୁତ୍ବ ଦିଆଯିବ ବୋଲି ବୈଠକରେ ଆଲୋଚନା ହୋଇଥିଲା ।^[୨୦]

ସିପିଆଇ କେନ୍ଦ୍ରୀୟ ସମ୍ପାଦକ ଡି. ରାଜା ଭୁବନେଶ୍ୱରରେ ଏକ ଦଳୀୟ କାର୍ଯ୍ୟକ୍ରମରେ ୧୭ ଫେବୃୟାରୀ ୨୦୧୯ରେ ସିପିଆଇ, ସିପିଏମ୍‍, ଜେଏମଏମ ଓ କଂଗ୍ରେସକୁ ନେଇ ଏକ ମହାମେଣ୍ଟ ଗଠନ କରାଯିବ ବୋଲି ଘୋଷଣା କରିଥିଲେ ।^[୨୧]

ବିଧାନ ସଭା ନିର୍ବାଚନରେ ଛିଡ଼ା ହୋଇଥିବା ପ୍ରାର୍ଥୀମାନଙ୍କର ତାଲିକା:^{[୨୨][୨୩][୨୪][୨୫][୨୬][୨୭][୨୮][୨୯][୩୦][୩୧][୩୨][୩୩][୩୪]}

(ସଂ): ଅନୁସୂଚିତ ଜାତି ବା ଜନଜାତି ସଂରକ୍ଷିତ ଆସନ

• ୨୦୧୯ ଭାରତୀୟ ସାଧାରଣ ନିର୍ବାଚନ
• ଓଡ଼ିଶାର ବିଧାନ ସଭା ନିର୍ବାଚନ ମଣ୍ଡଳୀ ତାଲିକା
• ଓଡ଼ିଶାର ଲୋକ ସଭା ନିର୍ବାଚନ ମଣ୍ଡଳୀ ତାଲିକା

• ମୁଖ୍ୟ ୱେବସାଇଟ
• ମତଦାନଙ୍କର ମୁଖ୍ୟ ୱେବସାଇଟ Archived 2019-01-07 at the Wayback Machine.
• ମୁଖ୍ୟ ନିର୍ବାଚନ ଅଫିସରଙ୍କର ୱେବସାଇଟ
• ଭୋଟର ତାଲିକାରେ ନିଜର ନାମ ଦେଖନ୍ତୁ
• ଭୋଟର ତାଲିକାରେ ନିଜର ନାମ ଦେଖିବାର ଅନ୍ୟ ଏକ ୱେବସାଇଟ Archived 2019-03-19 at the Wayback Machine.
• ୨୦୧୪ରେ ପ୍ରଥମ ଏବଂ ଦ୍ୱିତୀୟ ସ୍ଥାନରେ ଥିବା ପ୍ରାର୍ଥୀମାନଙ୍କର ତାଲିକା

1. Odisha Legislative Assembly election 2019 Website^{[permanent dead link]} [୧]^{[permanent dead link]}