ஏரியல் சரோன்

சரோன் அப்போது பிரித்தானிய ஆளுமையில் இருந்த பாலசுதீனத்தில் கஃபார் மலாலில் பெப்ரவரி 27, 1928இல் பிறந்தார். இசுரேலியப் படைத்துறையில் பல ஆண்டுகள் பணி புரிந்தார். பல சண்டைகளில் பங்கேற்றுள்ள சரோன் 1974இல் படைத்துறைத் தலைவராக (ஜெனரல்) பணி ஓய்வு பெற்றார். பின்னர் அரசியலில் ஈடுபட்டார்.

1977இல் சரோன் வேளாண்மை அமைச்சராகப் பொறுப்பேற்றார். 1981இல் பாதுகாப்பு அமைச்சரானார். லெபனானில் நூற்றுக்கணக்கான குடிமக்கள் இனப்படுகொலை செய்யப்பட்டதை தடுக்கவில்லை என்ற குற்றச்சாட்டால் 1983இல் அரசுப்பதவியிலிருந்து வெளியேற்றப்பட்டார்.

இசுரேலிற்கும் பாலசுதீனத்திற்கும் இடையே போர் தொடங்கியதை ஒட்டி 2001இல் இசுரேலியப் பிரதமராகத் தேர்ந்தெடுக்கப்பட்டார். 2004இல் கூடிய பாலசுதீனர்கள் வாழும் காசா கரையிலிருந்து இசுரேல் வெளியேறும் என அறிவித்து அனைவரையும் வியப்பில் ஆழ்த்தினார்.

திசம்பர் 2005 இல் சரோன் மருத்துவமனைக்கு கொண்டு செல்லப்பட்டார். சனவரி 4, 2006 அன்று மீண்டும் மருத்துவமனைக்குக் கொண்டு செல்லப்பட்டார். பெரும் பக்கவாதத்தால் (மூளையில் குருதிப் பெருக்கு) பாதிக்கப்பட்டார்.

அவர் உயிரிழந்ததாக பல வதந்திகள் பரவின;அவரது மருத்துவர் இவற்றை மறுத்தார். சரோன் புதியதாகத் துவங்கிய கடிமா கட்சியின் மற்றொரு அங்கத்தினரான எகுட் ஓல்மெர்ட் பொறுப்புப் பிரதமராக தேர்தல்கள் நடைபெறும்வரை பதவியேற்றார். பின்னர் நடந்த தேர்தல்களில் வென்று ஓல்மெர்ட் இசுரேலியப் பிரதமரானார்.

சரோன் தமது 85ஆவது அகவையில் இசுரேலின் ரமத் கான் மருத்துவமனையில் இதயச் செயலிழப்பு காரணமாக சனவரி 11, 2014இல் இயற்கை எய்தினார்.^[2][3]

விக்கிமீடியா பொதுவகத்தில்,
ஏரியல் சரோன்
என்பதில் ஊடகங்கள் உள்ளன.

விக்கிமேற்கோள் பகுதியில், இது தொடர்புடையவைகளைக் காண்க: ஏரியல் சரோன்

• Ariel Sharon's Biography – Detailed account of his military and political career பரணிடப்பட்டது 2018-08-15 at the வந்தவழி இயந்திரம்
• Ariel Sharon
• Ariel Sharon: Return to the Temple Mount பரணிடப்பட்டது 2009-12-06 at the வந்தவழி இயந்திரம்
• Ariel Sharon: an Israeli Caligula பரணிடப்பட்டது 2007-09-28 at the வந்தவழி இயந்திரம்
• The Sabra and Shatila Massacres (16–18 September 1982)
• Timeline of key events in Sharon's life
• Ariel Sharon Profile, ynet news lexicon
• Biography of Ariel Sharon at cnn.com பரணிடப்பட்டது 2008-03-08 at the வந்தவழி இயந்திரம்
• Prominent People – Sharon, Ariel "Arik" பரணிடப்பட்டது 2007-12-16 at the வந்தவழி இயந்திரம்
• Phonecall பரணிடப்பட்டது 2019-03-12 at the வந்தவழி இயந்திரம் – An authentic recording of Ariel Sharon talking to a soldier positioned at one of the Suez Channel bunkers at the beginning of the Yom Kippur War.