செர்சோ லியோனி

செர்சியோ லியோனி (Sergio Leone, இத்தாலிய ஒலிப்பு: செர்ஜோ லெயோனெ; 3 சனவரி 1929 – 30 ஏப்ரல் 1989) இத்தாலிய இயக்குனர், தயாரிப்பாளர் மற்றும் திரைக்கதை ஆசிரியராவார். "இசுப்பகட்டி வெசுட்டர்ன்" என அறியப்படும் திரைப்படப் பாணியை உருவாக்கிய பெருமை இவரைச் சாரும்.^[1][2]

இவரது திரைப்படங்களில் மிகவும் அண்மைநிலைக் காட்சிகளும் தொலைதூரக் காட்சிகளும் அடுத்தடுத்து வைக்கப்படும். இவரது படைப்புக்களில் மலிவான வரலாற்றுப் படங்களான தி லாஸ்ட் டேஸ் ஆஃப் பாம்ப்பி (1959) , தி கொலாசஸ் ஆப் ரோட்ஸ் (1961), மேற்கத்திய பாணியில் கிளின்ட் ஈஸ்ட்வுட் நடித்த டாலர் முப்படங்களான எ ஃபிஸ்ட்ஃபுல் ஒஃவ் டாலர்ஸ் (1964), ஃபார் அ ஃபியூ டாலர்ஸ் மோர் (1965), தி குட், தி பேட் அண்ட் தி அக்ளி (1966) ஆகியவையும் ஒன்ஸ் அப்பான் அ டைம் இன் த வெஸ்ட் (1968), மெக்சிக்கோவின் புரட்சியாளன் சபாட்டா வாழ்வைத் தழுவிய டக், யூ சக்கர்! (1971) மற்றும் குற்ற நாடக காப்பியமான ஒன்ஸ் அப்பான் அ டைம் இன் அமெரிக்கா (1984) ஆகியனவும் அடங்கும்.