சொன் எயுங்-மின்

சொன் ஹியொங்-மின் (Son Heung-min, அங்குல் எழுத்துமுறை: 손흥민; அஞ்சா: 孫興慜; பிறப்பு 8 சூலை 1992) தென் கொரிய தொழில்முறை காற்பந்தாட்ட வீரர். இவர் இங்கிலீஷ் பிரீமியர் லீக் கழகமான தோட்டன்காம் ஆட்சுபர் அணியிலும் தென் கொரிய தேசிய காற்பந்து அணியிலும் p ஒருபக்க விளையாட்டாளராக அல்லது முன்கள வீரராக விளையாடி வருகின்றார்.

சொன் ஹியொங்-மின்

2018இல் சொன்
சுய தகவல்கள்
முழுப் பெயர்	சொன் ஹியொங்-மின்[1]
பிறந்த நாள்	8 சூலை 1992 (1992-07-08) (அகவை 31)[2]
பிறந்த இடம்	சுஞ்சியோன், தென் கொரியா
உயரம்	1.83 மீ[3]
ஆடும் நிலை(கள்)	பக்கவாட்டாளர் / முன்கள வீரர்
கழகத் தகவல்கள்
தற்போதைய கழகம்	தோட்டன்காம் ஆட்சுபர்
எண்	7
இளநிலை வாழ்வழி
2008	சியோல்
2008–2010	ஆம்பர்கர்
முதுநிலை வாழ்வழி*
ஆண்டுகள்	கழகம்	தோற்.	(கோல்)
2010	ஆம்பர்கர்	6	(1)
2010–2013	ஆம்பர்கர்	73	(20)
2013–2015	பேயர் லீவர்குசன்	62	(21)
2015–	தோட்டன்காம் ஆட்சுபர்	99	(30)
பன்னாட்டு வாழ்வழி‡
2008–2009	தென்கொரியா 17கீழ்	18	(7)
2016	தென்கொரியா 23கீழ்	4	(2)
2010–	தென்கொரியா	70	(23)
*கழக உள்ளூர் சுற்றுப் போட்டிகள் தோற்றங்களும் கோல்களும், 21:28, 13 மே 2018 (UTC) அன்று சேகரிக்கப்பட்டது. ‡ தேசிய அணிக்கான விளையாட்டுகளும் கோல்களும் 27 சூன் 2018 (UTC) அன்று சேகரிக்கப்பட்டது.

சொன் தமது பயிற்சியை ஆம்பர்கு கழகத்தில் மேற்கொண்டார். இவ்வணியில் 2010ஆம் ஆண்டு செருமானிய புன்டசுலீகாவில் அறிமுகமானார். 2013இல் €10 மில்லியன் ஒப்பந்தத்தொகைக்கு பேயர் லீவர்குசன் அணிக்கு மாறினார். இந்தக் கழகத்தில் யூஈஎஃப்ஏ யூரோப்பா கூட்டிணைவு மற்றும் யூஈஎஃப்ஏ வாகையர் கூட்டிணைவு போட்டிகளில் பங்கேற்றார். இரண்டாண்டுகள் கழித்து £22 மில்லியன் தொகைக்கு தோட்டன்காம் ஆட்சுபர் கழகத்திற்கு மாறினார். ஓர் ஆசிய விளையாட்டாளர் இவ்வளவு கூடுதல் தொகைக்கு எடுக்கப்படுவது முதலாவதாகும்.^[4] தோட்டன்காமில் ஆடுகையில் இங்கிலீஷ் பிரீமியர் லீக் வரலாற்றில் மிகக் க்கூடுதலான கோல்கள் எடுத்த ஆசியராக சாதனை புரிந்தார்.^[5]

2010இலிருந்து பன்னாட்டுப் போட்டிகளில் தென்கொரியாவிற்காக ஆடி வருகிறார். 2014, 2018 உலகக்கோப்பை காற்பந்து போட்டிகளில் தென்கொரிய அணியில் பங்கேற்றுள்ளார். உலகக்கோப்பை போட்டிகளில் தென்கொரியாவின் மிக உயர்ந்த கோல்கள் எடுத்த மூவரில் இவரும் ஒருவர். மற்ற இருவர் பார்க் ஜி-சுங், ஆன் யுங் ஃவான் ஆவர். இம்மூவரும் தலா மூன்று கோல்கள் எடுத்துள்ளனர். 2011இலும் 2015 இலும் ஆசியக் கோப்பை போட்டிகளில் ஆடியுள்ளார்; 2015இல் தென்கொரியா இரண்டாமிடத்தை எட்ட உதவி புரிந்தார்.