ஜார்ஜ் சொரெஸ்

சொரெஸ் ஹங்கேரியில் புடாபெஸ்ட் நகரில் எஸ்பிராண்டிஸ்ட் மொழி எழுத்தாளரான திவாடர் சொரெஸ் என்பவரின் மகனாகப் பிறந்தார். (தியோடோரா என்றும் அறியப்பட்ட) திவாடர் ஒரு ஹங்கேரிய யூதர். இவர் முதலாவது உலகப் போர் நிகழ்ந்த காலத்திலும் அதற்குப் பிறகும் போர்க்கைதியாக இருந்தவர். பின்னர், இவர் புடாபெஸ்டில் இருந்த தமது குடும்பத்துடன் மீண்டும் இணைவதற்காக இரஷ்யாவிலிருந்து தப்பித்தார்.^[8][9]

1936வது ஆண்டு, ஃபாசிஸம் எழத் தொடங்கியவுடன், உருவாகத் துவங்கிய யூத எதிர்ப்பு என்பதற்குப் பதிலிறுப்பாக, இந்தக் குடும்பம் தனது பெயரை ஸ்க்வார்ட்ஸ் என்பதிலிருந்து சொரெஸ் என்பதாக மாற்றிக் கொண்டது. இந்தப் புதிய பெயர் பொருள் கொண்டிருந்தமையாலும், இதில் முன்பின்னும் ஒத்த எழுத்துக்கள் இருந்தமையாலும் திவாடர் இதனை விரும்பினார். இதன் அறுதியான பொருள் காஃப்மேனின் வாழ்க்கை வரலாற்றில் உரைக்கப்படவில்லை எனினும், ஹங்கேரிய மொழியில் சொரெஸ் என்பது, "அடுத்து வருபவர் அல்லது நியமிக்கப்பட்ட வாரிசு" எனப் பொருள்படுவதாகும்; எஸ்பெராண்டோ மொழியில், இது "உயரே சிறகடிக்கும்" எனப் பொருள்படுகிறது.^[10] அவரது மகன் ஜார்ஜ் பிறந்தது முதலே எஸ்பிரான்டோ மொழி பேச கற்றுக் கொடுக்கப்பட்டார்; இவ்வாறாக, பிறப்பினில் எஸ்பிராண்டோ மொழி பேசும் மிக அரிதான நபர்களில் ஒருவராக அவர் உள்ளார். பின்னாளில், தாம் யூத இல்லத்தில் வளர்ந்ததாகவும் மற்றும் தமது பெற்றோர் தங்களது மத வேர்களைப் பற்றி மிகவும் எச்சரிக்கையுடன் இருந்ததாகவும் ஜார்ஜ் சொரெஸ் கூறினார்.^[11]

ஜார்ஜ் சொரெஸ் அன்னலியஸ் விட்ஸ்சக் மற்றும் சூசன் வெபர் சொரெஸ் இருவரையும் திருமணம் செய்து கொண்டு விவாகரத்தும் பெற்றவர். இவருக்கு (முதல் மனைவி அன்னலியஸ் மூலமாக) ராபர்ட், ஆண்ட்ரியா மற்றும் ஜோனாதன் மற்றும் (இரண்டாவது மனைவியான சூசன் மூலமாக) அலெக்சாந்தர் மற்றும் கிரெகோரி என மொத்தமாக ஐந்து குழந்தைகள் உள்ளனர். இவரது தமையனாரான பால் சொரெஸ் ஒரு தனிப்பட்ட முதலீட்டாளரும் மனித நேயரும் ஆவார். இவர் ஒரு ஓய்வு பெற்ற பொறியியலாளரும் கூட. இவர், நியூயார்க்கில் மூல தளம் கொண்ட சொரெஸ் அசோசியேட்ஸ் என்னும் ஒரு சர்வதேச பொறியாளர் நிறுவனத்தின் தலைவராகவிருந்து, இளைய அமெரிக்கர்களுக்கான பால் மற்றும் டெய்ஸி சொரெஸ் ஆதரவூதியத் திட்டம் என்பதனை நிறுவியவர் ஆவார்.^[12][13] பால் சொரெஸின் மகனும் ஜார்ஜ் சொரெஸின் தமையன் மகனுமான பீட்டர் சொரெஸ், லேடி அண்டோனியா ஃபிரேசர் மற்றும் காலமாகி விட்ட சர் ஹக் ஃபிரேசரின் மகளும், 2005ஆம் ஆண்டு நோபெல் விருது பெற்றவரான ஹரோல்ட் பிண்டர் என்பவரின் மாற்றாந்தந்தை மகளுமான முன்னாள் ஃப்ளோரா ஃபிரேசரை மணந்துள்ளார்.^[14]

1944ஆம் ஆண்டு மார்ச் மாதம் நாஜி ஜெர்மனி ஹங்கேரி நாட்டின் அதிகாரத்தைக் கைப்பற்றியபொழுது சொரெஸின் வயது 13.^[15] யூதக் கழகம்^[8] ஒன்றிற்காக சொரெஸ் பணி புரிந்து வந்தார். இது ஹங்கேரியில் நாஜி குடியிருக்கையில், நாஜி மற்றும் ஹங்கேரிய அரசாங்கம் யூதர்களுக்கு எதிரான நடவடிக்கைகளைக் கட்டாயமாக மேற்கொண்ட காலத்தில் நிறுவப்பட்டது. பின்னாளில் இந்தக் காலகட்டத்தைப் பற்றி எழுத்தாளர் மைக்கேல் லூயிஸிடம் சொரெஸ் இவ்வாறு விவரித்தார்:

வெளியேற்ற அறிவிப்புகளைக் கொடுக்குமாறு சிறு குழந்தைகளை யூதக் கழகம் கேட்டுக் கொண்டது. யூதக் கழகத்திற்குச் செல்லுமாறு எனக்குப் பணிக்கப்பட்டது. அங்கே என்னிடம் சிறு காகிதத் துண்டுகளைக் கொடுத்தனர்....காலை ஒன்பது மணிக்கு ரப்பி செமினரி என்னும் ஒரு யூத இறைக் கழகத்திற்குச் செல்லுமாறு அது கூறியது....

என்னிடம் இந்தப் பெயர் பட்டியல் அளிக்கப்பட்டது. இந்தக் காகிதத்துண்டை நான் என் தந்தையிடம் கொண்டு சென்றேன். அவர் உடனே அதைப் புரிந்து கொண்டார். அது ஹங்கேரிய யூத வழக்கறிஞர்களின் பட்டியலாகும்.

அவர் கூறினார்: "இந்தக் காகிதத் துண்டுகளைக் கொடுத்து, அங்கே சென்றால் நாடு கடத்தப்படுவார்கள் என்று அவர்களிடம் சொல்."^[16]

தனது மகன் நாஜிக்களிடம் பிடிபடுவதைத் தவிர்ப்பதற்காக, சொரெஸின் தந்தை விவசாய அமைச்சகத்தின் ஊழியர் ஒருவருக்குப் பணம் அளித்து 1994ஆம் ஆண்டின் வேனிற் காலத்தை சொரெஸ் அவருடன் அவரது வளர்ப்பு மகனாகக் கழிப்பதற்கு ஏற்பாடு செய்தார். அதிகாரிகள் யூத மக்களின் சொத்துக்களைக் கைப்பற்றுவதைப் பார்வையிட்டுக் கொண்டிருந்த வேளையில், இளம் சொரெஸ் தனது யூத அடையாளத்தை மறைத்துக் கொள்ள நேர்ந்தது.^[17]

இதை அடுத்த வருடத்தில், நகரெங்கும் வீட்டுக்கு வீடு சோவியத் மற்றும் ஜெர்மானியப் படைகள் சண்டையிட்ட புடாபெஸ்ட் போரினின்றும் சொரெஸ் தப்பிப் பிழைத்தார். 1945-46 ஆகிய வருடங்களில் ஹங்கேரியின் மிகுபண வீக்கம் நிகழ்ந்த காலத்தில் சொரெஸ் முதன் முதலாக செலாவணிகளிலும் மற்றும் நகைகளிலும் வர்த்தகம் செய்தார்.

1947ஆம் வருடம் சொரெஸ் இங்கிலாந்திற்குக் குடியேறி அங்கு லண்டன் பொருளாதாரப் பள்ளியில் 1952ஆம் வருடம் பட்டம் பெற்றார். கார்ல் பாப்பர் (Karl Popper) என்னும் தத்துவவாதியின் மாணாக்கராக இருக்கும்போதே, புகைவண்டி நிலையத்தில் சுமை சுமப்பவராகவும், உணவு பரிமாறுபவராகவும் சொரெஸ் வேலை செய்தார். பல்கலைக் கழக ஆசிரியர் ஒருவர் சொரெஸிற்காக உதவி வேண்டி, குவேக்கர் கொடை ஒன்றிலிருந்து 40 பவுண்டுகள் பெற்றார்.^[18] இறுதியில், சிங்கர் அண்ட் ஃப்ரைட்லேண்டர் என்னும் லண்டன் வணிக வங்கியில் துவக்க நிலைப் பணியாளராக அவர் நியமனம் பெற்றார்.

1956ஆம் வருடம் சொரெஸ் நியூயார்க் நகரத்தில் குடியேறினார். இங்கு அவர் 1956ஆம் ஆண்டு முதல் 1959ஆம் ஆண்டு வரை எஃப்.எம்.மேயர் என்பவருடன் விலை வேற்றுமை சமரச வணிகராகவும், 1959ஆம் ஆண்டு முதல் 1963ஆம் வருடம் வரை வெர்ட்தெய்ம் அண்ட் கம்பெனி என்னும் நிறுவனத்தில் பகுப்பாய்வாளராகவும் பணியாற்றினார். இக்கால கட்டம் முழுவதும் சொரெஸ் கார்ல் பாப்பரின் சிந்தனைகளின் அடிப்படையில் அமைந்த எதிர்வு என்னும் தத்துவக் கருத்தாக்கத்தினை மேம்படுத்தலானார். சொரெஸ் பயன்படுத்திய பொருளில் எதிர்வு என்பதானது, எந்த ஒரு சந்தையிலும் அதன் பங்கேற்பாளர்களால் கொள்ளப்படும் மதிப்பீட்டு நடவடிக்கைகள், அந்தச் சந்தையின் அவ்வாறான மதிப்பினை சுழற்சிக்கு ஏதுவான ஒரு "பண்புற்ற அல்லது குற்றமுற்ற" வட்டத்தின் வழியே பாதிக்கும் என்னும் ஒரு அனுமானமாகும்.^[19]

இருப்பினும், தாமே முன்வந்து முதலீடு செய்யாதவரை இந்த எதிர்வுக் கருத்தாக்கத்தினால் தம்மால் பொருள் ஈட்ட இயலாதென சொரெஸ் உணர்ந்து கொண்டார். முதலீடுகளில் எவ்வாறு ஈடுபடுவது என்று அவர் ஆராயலானார். 1963ஆம் வருடம் முதல் 1973ஆம் ஆண்டு வரை அர்னால்ட் அண்ட் எஸ்.பிலெசியோடர் என்னும் நிறுவனத்தில் பணியாற்றி, அந்நிறுவனத்தின் துணைத் தலைவர் பதவியினை அவர் அடைந்தார். இறுதியாக, தாம் ஒரு தத்துவவாதி அல்லது அதிகாரி என்பதை விடவும் ஒரு சிறந்த முதலீட்டாளர் என்பதாக சொரெஸ் முடிவு செய்தார்.1967ஆம் ஆண்டு அவர் தாம் நிர்வகிப்பதாக முதற் கழுகு என்னும் பெயரில் அயல்நாட்டு முதலீட்டு நிதி ஒன்றினை அமைக்குமாறு தமது நிறுவனத்தை வற்புறுத்தினார். 1969ஆம் வருடம் சொரெஸிற்காக அந்நிறுவனம் இரட்டைக் கழுகு இழப்புக் காப்பீட்டு நிதி என்னும் இரண்டாவது நிதியமைப்பு ஒன்றை நிறுவியது.^[19]

1973ஆம் வருடம், தாம் விரும்பியவாறு அந்நிதியமைப்புகளை கையாள இயலாதவாறு முதலீட்டு விதிமுறைகள் கட்டுப்படுத்தியபோது, அவர் தமது பதவியைத் துறந்து, குவாண்டம் நிதி என்பதாக இறுதி வடிவம் பெற்ற தனிப்பட்ட முதலீட்டு நிறுவனம் ஒன்றை நிறுவினார்.ஒரு எழுத்தாளராகவும் தத்துவவாதியாகவும் தம்மைக் காத்துக் கொள்ள தேவையான பணத்தை வால் வீதியில் ஈட்டுவதே தமது நோக்கமாக இருந்தது என்று அவர் உரைத்துள்ளார். இதற்கென ஐந்து வருட காலத்தில் $500,000 ஈட்டுவது சாத்தியமென்றும் மற்றும் போதுமானதென்றும் அவர் கணக்கிட்டார்.

இவர், கார்லைல் குழுவின் முன்னாள் உறுப்பினரும் ஆவார்.^[19]

சொரெஸ், சொரெஸ் நிதி மேலாண்மையின் நிறுவனர் ஆவார். 1970ஆம் ஆண்டு அவர் ஜிம் ரோஜர்ஸ் என்பவருடன், சோரெஸ் செல்வ வளத்தின் பெரும்பகுதியை உருவாக்கிய குவாண்டம் நிதியை நிறுவினார். 1980ஆம் வருடம் இந்த நிதியமைப்பிலிருந்து சொரெஸ் ஓய்வு பெற்றார்.இந்நிதியின் பிற பங்காளிகள் விக்டர் நெய்டெர்ஹோஃபெர் மற்றும் ஸ்டான்லி டிரக்கன்மில்லர் ஆகியோரை இணைத்துக் கொண்டுள்ளனர்.

2007ஆம் ஆண்டு சொரெஸிடம் $2.9 பில்லியன்களை அளித்து குவாண்டம் நிதி ஏறத்தாழ 32 சதவிகிதத்தை திருப்பிவிட்டது.^[20]

செலாவணி ஊக வாணிகம்

இங்கிலாந்தின் வங்கி இதர ஐரோப்பிய நாணய மாற்று விகித ஒழுங்கமைப்பு நாடுகளுக்கு ஈடாகத் தனது வட்டி விகிதங்களை மாற்றவோ அல்லது தனது செலாவணியை மிதக்க விடவோ தயங்கியதைச் சாதகமாகக் கொண்டு, (1992ஆம் வருடம் செப்டம்பர் 16ஆம் நாள்) கருப்பு புதன் அன்று, சோரஸின் நிதியமைப்பு, $10 பில்லியனுக்கும் அதிகமான பவுண்டு ஸ்டெர்லிங்^{[சான்று தேவை]}குகளைக் குறை விற்பனை செய்து இலாபம் ஈட்டியது.

இறுதியாக, இங்கிலாந்தின் வங்கி ஐரோப்பிய நாணய மாற்று விகித ஒழுங்கமைப்பிலிருந்து தனது செலாவணியைத் திரும்பப் பெற்று, பவுண்ட் ஸ்டெர்லிங் மதிப்பினைக் குறைத்திடவே, இச் செயற்பாட்டின் வழியாக சொரெஸ் சுமார் யூ.எஸ்.$1.1 பில்லியன் ஈட்டியதாகக் கணிக்கப்பட்டது. "இங்கிலாந்தின் வங்கியை முறித்த மனிதர்" என்று அவர் பெயரிடப்பட்டார். 1997ஆம் வருடம், யூகே கருவூலம் கருப்பு புதனின் மதிப்பை £3.4 பில்லியன் எனக் கணித்தது.

1992ஆம் வருடம் அக்டோபர் 26 அன்று, திங்கட்கிழமையிலான தி டைம்ஸ் இதழ், சோரெஸ் இவ்வாறு கூறியதாக மேற்கோள் காட்டியது:"கருப்பு புதனன்று எங்களது மொத்த நிலவரம் ஏறத்தாழ $10 பில்லியனாக இருந்திருக்க வேண்டும். அதை விடவும் அதிகமாக விற்க நாங்கள் திட்டமிட்டிருந்தோம். உண்மையில், நாணய மதிப்புக் குறைப்பிற்குச் சற்று முன்னதாக ஸ்டெர்லிங்கின் மதிப்பைக் காப்பாற்ற $15 பில்லியன் கடன் வாங்கப்போவதாக நார்மன் லாமோண்ட் கூறியபோது, கிட்டத்தட்ட நாங்கள் விற்க உத்தேசித்திருந்த மதிப்பும் அத்தகையதே என்பதால் எங்களுக்கு அது வேடிக்கையாக இருந்தது."

சோரெஸின் கீழாக பங்குச் சந்தை வணிகம் செய்து வந்த ஸ்டான்லி டிரக்கன்மில்லர்தான் முதன் முதலில் பவுண்ட் நாணயத்தின் பலவீனத்தை உணர்ந்தார். "மிகப் பிரம்மாண்டமான நிலை ஒன்றினை எடுப்பதற்கு அவரைத் தள்ளியதே சொரெஸின் பங்களிப்பானது"^[21][22]

1997ஆம் வருடம் ஆசிய நிதி நெருக்கடியின்போது, அப்போதைய மலேசியப் பிரதமரான மஹாதிர் பின் மொஹம்மது, (Mahathir bin Mohamad) சொரெஸ், தன் கட்டுப்பாட்டின் கீழுள்ள செல்வத்தைப் பயன்படுத்தி, மாயன்மார் நாட்டினை ஒரு உறுப்பினராக வரவேற்றமைக்காக ஏஷியன் குழுமத்தைத் தண்டிப்பதாகக் குற்றம் சாட்டினார். மஹாதிரின் குற்றச்சாட்டுகளை சொரெஸ் மறுத்தார். ஏஷியன் குழுமத்தின் பெயரளவிற்கான யூஎஸ் டாலர் ஜிடிபியானது 1997ஆம் ஆண்டு யூஎஸ் S$9.2 பில்லியன் என்ற அளவிலும், 1998ஆம் வருடம் $218.2 பில்லியனாகவும் (31.7%) வீழ்ந்தது.

பகிரங்க முன்னறிவிப்புகள்

கடந்த 25 வருடங்களாக உருவாக்கப்பட்டு வந்த ஒரு "மாபெரும் நீர்க்குமிழி" உடைவதற்குத் தயாரான நிலையில் இருப்பதாக, 2008ஆம் ஆண்டு வெளிவந்த நிதிசார் சந்தைகளுக்கான புதிய உருமாதிரி என்னும் சோரெஸின் புத்தகம் விவரித்தது. பேரிடரைக் கணித்து அவர் எழுதிய தொடர் புத்தகங்களில் இது மூன்றாவதாகும். அவர் கூறுகிறார்:

I have a record of crying wolf.... I did it first in The Alchemy of Finance (in 1987), then in The Crisis of Global Capitalism (in 1998) and now in this book. So it's three books predicting disaster. (After) the boy cried wolf three times . . . the wolf really came.^[23]

தமது கணிப்புக்கள் எப்போது தவறாகும் என்பதை அறியும் ஆற்றலைக் கொண்டிருப்பதே தமது வெற்றிக்குக் காரணம் என்று அவர் உரைக்கிறார்.

I'm only rich because I know when I'm wrong... I basically have survived by recognizing my mistakes. I very often used to get backaches due to the fact that I was wrong. Whenever you are wrong you have to fight or [take] flight. When [I] make the decision, the backache goes away.^[23]

உலகப் பொருளாதார அமைப்பின் ஒருங்கிணைப்பு அநேகமாக சீர்குலைந்து விட்டது எனவும், இந்த நெருக்கடிக்குச் சாத்தியமான தீர்வு ஏதும் உடனடியாக எதிர்காலத்தில் இல்லை எனவும் 2009ஆம் வருடம் ஃபிப்ரவரி மாதம் ஜார்ஜ் சொரெஸ் கூறினார்.^[24]

"நிதியமைப்பு சிதைவதை நாம் கண்ணுற்றோம்[.....]அது வாழ்வாதரத் துணை மீது வைக்கப்பட்டிருந்தது, இன்னமும் அது அவ்வாறான வாழ்வாதரவுத் துணையுடன்தான் உள்ளது. நாம் தீர்வுக்கு அருகில் இருக்கிறோம் என்பதற்கான அறிகுறிகள் ஏதும் இல்லை."

உள் நபர் வணிகக் குற்றத் தீர்ப்பு

1988ஆம் வருடம் சோசியேட் ஜெனரலே என்னும் ஃப்ரெஞ்சு வங்கியைக் கையகப்படுத்தும் முயற்சியில் இணையுமாறு அவர் கேட்டுக் கொள்ளப்பட்டார். இந்த ஏலத்தில் அவர் பங்கேற்க மறுத்து விட்டார்; ஆனால், பின்னர் அந்த நிறுவனத்தின் பங்குகளைப் பெரும் அளவில் வாங்கினார். 1989ஆம் ஆண்டு ஃபிரெஞ்சு நாட்டு அதிகாரிகள் இது குறித்த விசாரணையைத் துவக்கினர். 2002ஆம் வருடம் ஒரு ஃபிரெஞ்சு நீதி மன்றம் இது உள் நபர் வணிகம் என்றும் ஃபிரெஞ்சு நாட்டு பங்குச் சட்டங்கள் வரையறுத்துள்ளபடி இது பெருங்குற்ற மெய்ப்பாடு எனவும் தீர்ப்புரைத்து அவருக்கு $2.3 மில்லியன் அபராதம் விதித்தது. இதுவே உள் நபர் தகவலைப் பயன்படுத்தி அவர் ஈட்டிய தொகையாகும்.

வழக்கை விசாரணைக்குக் கொண்டு வருவதில் ஏற்பட்ட தாமதம் காரணமாக, தண்டனையாக நஷ்ட ஈடுகள் கோரப்படவில்லை. தாம் தவறேதும் இழைக்கவில்லை என்று மறுத்த சொரெஸ், வங்கியைக் கையகப்படுத்தும் முயற்சி பற்றிய செய்தியானது அனைவரும் அறிந்த ஒன்றேயாகும் என்று கூறினார்.^[25]

அவர் மீது விதிக்கப்பட்ட உள் நபர் வணிகக் குற்றத்தின் மீதான தீர்ப்பினை 2006ஆம் ஆண்டு ஜூன் மாதம் 14 அன்று ஃபிரான்ஸ் நாட்டின் உச்ச நீதிமன்றம் உறுதி செய்தது.^[26] 2006ஆம் ஆண்டு டிசம்பர் மாதம், வழக்கு விசாரணைக்கு வருவதில் ஏற்பட்ட 14 ஆண்டு கால தாமதம் நியாயமான விசாரணையை விலக்கி விட்டது எனக் கோரி அவர் ஐரோப்பிய மனித உரிமை நீதி மன்றத்தில் மனுச் செய்தார்.^[27]

விளையாட்டுகள்

2005ஆம் வருடம் நேஷனல் லீகின் வாஷிங்டன் நேஷனல்ஸ் குழுவை வாங்க முயற்சித்த ஒரு குழுமத்தின் சிறுபான்மைப் பங்குதாரரக சொரெஸ் இருந்தார். தளக்கட்டுப் பந்தாட்டத்தில் சொரெஸிற்கு ஆர்வம் ஏதும் இருப்பின், தாம் தளப்பந்தாட்ட எதிர் நம்பிக்கை விலக்கினில் தலையிட்டுத் திருத்துவதாக சில ரிபப்ளிகன் சட்டவியலாளர்கள் குறிப்பாகத் தெரிவித்தனர்.^[28] 2008ஆம் வருடம் ஏஎஸ் ரோமா என்னும் ஒரு இத்தாலிய கால் பந்தாட்டக் குழுவுடன் சோரெஸின் பெயர் தொடர்பு படுத்தப்பட்டது; ஆனால், இந்தக் குழு விற்கப்படவில்லை. டி.ஸி.யுனைடட் மேஜர் லீக் சோக்கர் குழு 1995ஆம் வருடம் நிறுவப்பட்டபோது அதன் செயற்பாட்டு உரிமைகளைப் பெற்றிருந்த குழுவான வாஷிங்டன் சோக்கர் எல்.பிக்கும் சொரெஸ் நிதியாதரவு அளிப்பவராக இருந்து வந்தார்; ஆனால், 2000 ஆம் ஆண்டில் இந்தக் குழுவானது தனது உரிமைகளை இழந்து விட்டது.^[29]

File:George Soros Billington.jpg|right|thumb|ஜார்ஜ் சொரெஸ் (இடப்புறம்) மற்றும் ஜேம்ஸ் ஹெச். பில்லிங்டன்.1970களில் அபார்தீய்ட் கோட்பாடு கொண்டிருந்த தெற்கு ஆப்பிரிக்காவில் கருப்பர் மாணவர்கள் கேப் டவுன் பல்கலைக் கழகவகுப்புக்களில் சேருவதற்கு நிதியுதவி அளிக்கத் துவங்கிய நாள் முதலாய், கொடையாண்மை நிறைந்தவராகவே சொரெஸ் விளங்கி வந்துள்ளார். இரும்புத் திரைக்குப் பின்னால் பல்வேறு பிரிவினை இயக்கங்களுக்கும் அவர் நிதியுதவி அளிக்கத் துவங்கினார்.

சோவியத்திற்குப் பிந்தைய மாநிலங்களை வன்முறையற்ற வழியில் குடியரசாக்குதல் தொடர்பான முயற்சிகளையும் சொரெஸின் கொடையாண்மை சார் நிதியுதவிகள் உள்ளடக்கியிருந்தன. பெரும்பாலும் மத்திய மற்றும் கிழக்கு ஐரோப்பாவிலான இந்த முயற்சிகள், திறந்த சமுதாய நிறுவனம் (ஓப்பன் சொசைட்டி இன்ஸ்டிட்யூட் -ஓஎஸ்ஐ) மற்றும் தேசிய சோரெஸ் அறக்கட்டளைகள் மூலம் முதன்மையாகவும், சில சமயங்களில் (போலந்தில் உள்ள ஸ்டெஃபன் பட்டோரி அறக்கட்டளை போன்ற) பிற பெயர்களின் கீழும் நிகழ்கின்றன. 2003ஆம் ஆண்டு வரையில், அவர் மொத்தமாக $4 பில்லியன் அளித்திருப்பதாக பிபீஎஸ் கணித்துள்ளது.^[25] அண்மையிலான வருடங்களில் சுமார் $400 மில்லியன்கள் செலவிட்டிருப்பதாக ஓஎஸ்ஐ கூறுகிறது.

2007ஆம் வருடம், யூஎஸ்சில் செயற்திட்டங்களுக்கு $742 மில்லியன்களை சொரெஸ் அளித்துள்ளதாகவும் மற்றும் மொத்தமாக $6 பில்லியன்களுக்கு மேலாக கொடையளித்துள்ளதாகவும் குறிப்பிட்டுள்ள டைம் பத்திரிகை இரண்டு குறிப்பிட்ட செயற்திட்டங்களைச் சுட்டிக் காட்டியது - அவை, பகுதி சார்ந்த இரஷ்ய பல்கலைக் கழகங்களில் இணையதள உள்கட்டமைப்புகளுக்காக $100 மில்லியன் மற்றும் ஆப்பிரிக்காவின் உச்ச வறுமையைப் போக்குவதான நூற்றாண்டு உறுதிமொழிக்காக $50 மில்லியன் ஆகியவையாகும்.^[30]

குறிப்பிடத்தக்க இதர செயற்திட்டங்களில், மத்திய மற்றும் கிழக்கு ஐரோப்பா முழுவதும் அறிவியலாளர்கள் மற்றும் பல்கலைக் கழகங்களுக்கான உதவிகள், சரஜெவோவின் முற்றுகையின்போது பொதுமக்களுக்கான உதவிகள் மற்றும் டிரான்ஸ்பேரன்ஸி இண்டர்நேஷனல் ஆகியவை அடங்கும். மத்திய ஐரோப்பிய பல்கலைக்கழகத்திற்கு (சிஈயு) €420 மில்லியன்களை மானியமாக வழங்கவும் சொரெஸ் உறுதியளித்தார். நோபல் பரிசு வென்றவரான மொஹம்மது யூனுஸ் (Muhammad Yunus) மற்றும் அவரது சிற்றளவுப் பொருளுதவி வங்கியான கிராமீன் வங்கியும் ஓஎஸ்ஐயின் ஆதரவைப் பெற்றன.

நேஷனல் ரெவ்யூ வின்^[31] கூற்றுப்படி, திறந்த சமுதாய நிறுவனமானது 2002ஆம் ஆண்டு செப்டம்பர் மாதம் லின்னி ஸ்டீவார்ட்டின் பிரதிவாதக் குழுவிற்கு $20,000 அளித்துள்ளது. தீவிரவாதிகள் என்று கூறப்பட்டவர்களுக்காக வாதாடிய இந்த வழக்கறிஞர், தமது வாடிக்கையாளருக்கான ஒரு பத்திரிக்கையாளர் சந்திப்பின் வழியாக."தீவிரவாத சதிக்கு முக்கியமான ஆதரவு" அளித்ததாக 2⅓ வருடச் சிறைத் தண்டனை விதிக்கப்பட்டிருந்தார். ஓஎஸ்ஐயின் சார்புரிமைப் பேச்சாளப் பெண்மணி இவ்வாறு கூறினார்: "அந்த நேரத்தில் எங்களது ஆதரவுக்கு உகந்ததான, அறிவுரை அளிக்க உரிமை கொண்ட விடயம் ஒன்று இருந்ததாக எங்களுக்குத் தென்பட்டது."

2006ஆம் வருடம் செப்டம்பர் மாதம், குடியாட்சி நிரல் முறைமைகளைக் கட்டுவிக்கும் தமது வழக்கமான போக்கிலிருந்து மாறுபட்டு, ஜெஃப்ரே சாஸ்ஸ் தலைமையில் ஆப்பிரிக்காவின் உச்ச வறுமை நிலையை ஒழிக்கும் நூற்றாண்டின் உறுதிமொழி என்னும் திட்டத்திற்கு $50 மில்லியன் நிதியுதவி அளிப்பதாக சொரெஸ் உறுதியளித்தார். மோசமான நிர்வாகத்திற்கும் வறுமைக்கும் உள்ள தொடர்பினைக் குறிப்பிட்டுப் பேசிய அவர், இச் செயற்திட்டத்தின் மனிதாபிமான அடிப்படையிலான மதிப்பினை அடிக்கோடிட்டார்.^[32]

சமூக ஆராய்ச்சிக்கான நியூயார்க் பள்ளி (நியூ யார்க்), ஆக்ஸ்ஃபோர்ட் பல்கலைக் கழகம் ஆகியவற்றிலிருந்து 1980ஆம் வருடமும், புடாபெஸ்ட் கோர்னிவஸ் பல்கலைக் கழகம் மற்றும் யேல் பல்கலைக் கழகம் ஆகியவற்றிலிருந்து 1991ஆம் வருடமும் அவர் கௌரவ முனைவர் பட்டம் பெற்றார். 2000 ஆம் ஆண்டு, மேலாண்மைக்கான யேல் பள்ளியிலிருந்து யேல் சர்வதேச மைய நிதி விருதினை சொரெஸ் பெற்றார். மேலும், 1995ஆம் ஆண்டு, போல்க்னா பல்கலைக் கழகத்தின் மிக உயர்ந்த விருதான லாரியா ஹானரிஸ் காசா என்பதனையும் அவர் 1995ஆம் ஆண்டு பெற்றார்.

அரசியல் ரீதியான கொடைகளும் நடவடிக்கைகளும்

அமெரிக்கா

2003ஆம் வருடம் நவம்பர் மாதம் 11 அன்று, தி வாஷிங்டன் போஸ்ட் பத்திரிகைக்கு அளித்த நேர்காணல் ஒன்றில், அதிபர் ஜார்ஜ்.டபிள்யூ.புஷ்ஷை அதிகார பீடத்திலிருந்து நீக்குவதே "எனது வாழ்க்கையின் மையக் குவிமையம்" எனவும் அது "வாழ்வா, சாவா என்னும் ஒரு போராட்டம்" என்றும் சொரெஸ் கூறினார். அதிபர் புஷ்ஷைத் தோற்கடிப்பதை மட்டும் "யாராவது உறுதி செய்தால்" தமது செல்வம் அனைத்தையும் அதற்காக தியாகம் செய்வதாக அவர் கூறினார்.^[33] அமெரிக்க முன்னேற்ற மையத்திற்கு $3 மில்லியனும், மூவ்ஆன் (MoveOn) இயக்கத்திற்கு $5 மில்லியனும் மற்றும் அமெரிக்கா ஒன்றாக இணகிறது (America Coming Together) என்னும் இயக்கத்திற்கு $10 மில்லியனும் சொரெஸ் அளித்தார். இந்தக் குழுக்கள் 2004 தேர்தல் களத்தில் டெமாக்கிரட்டுகளுக்கு ஆதரவாக வேலை செய்தன. 2004ஆம் ஆண்டு செப்டம்பர் 28 அன்று, இப் பிரசாரத்திற்கு மேலும் நிதியுதவி அளித்து தாமே சொந்தமாக பல-மாநில சுற்றுலாவை வாஷிங்டன் டி.சியில் உள்ள தேசிய பத்திரிகைக் கழகத்தில் "அதிபர் புஷ்ஷை நாம் மீண்டும் ஏன் தேர்ந்தெடுக்கக் கூடாது ?" ^[34] என்னும் ஒரு சொற்பொழிவுடன் துவக்கினார். உதவி அதிபருக்கான பிரசாரத்தில் டிக் செனி இந்த சொற்பொழிவின் எழுத்துப்படியைத் தற்செயலாக ஃபாக்ட்செக்.ஓஆர்ஜி என்னும் வலைத் தளத்திற்கு தொடர்புறுத்தியதும், இதன் நேரடி கணினி எழுத்துப்படியானது அதிக அளவிலான பார்வையாளர்களைப் பெற்று, அவ்வலைப் பரப்பின் உரிமையாளர் அது தொடர்பான அனைத்து வரவுகளையும் சொரெஸின் வலைத் தளத்திற்கு மாற்றியமைக்குமாறு செய்வதில் விளைந்தது.^[35]

2004ஆம் ஆண்டு அதிபர் தேர்தல் வரையிலும் யூஎஸ்சின் அரசியல் காரணங்களுக்காக பெரும் அளவில் சொரெஸ் கொடை அளித்ததில்லை. ஆனால், பதிலிறுப்புற்ற அரசியலுக்கான மையம் (Center for Responsive Politics) என்னும் நிறுவனத்தின் கூற்றுப்படி, அதிபர் புஷ்ஷை வீழ்த்துவதற்கான அர்ப்பணிப்பு கொண்ட பல்வேறு 527 குழுக்களுக்கு சொரெஸ் $23,581,000 நன்கொடை அளித்துள்ளார். ஒரு 527 குழு என்பதானது ஐக்கிய மாநிலங்கள் சட்டக் கோட்பாட்டுப் பிரிவு, 26 யூ.எஸ்.சி.§ 527 என்பதன் வழி பெயரிடப்பட்ட, அமெரிக்க சட்டவிலக்குப் பெற்ற ஒரு நிறுவனமாகும். சொரெஸின் முயற்சிகளுக்கு எதிர்மாறாக, இரண்டாவது முறையாக புஷ் அதிபராகத் தேர்ந்தெடுக்கப்பட்டார்.

புஷ் மீண்டும் தேர்ந்தெடுக்கப்பட்டதும், சொரெஸ் மற்றும் பிற நன்கொடையாளர்கள் குடியரசு நட்புத்தொடர்பு என்னும் ஒரு புதிய அரசியல் சார்ந்த நிதி திரட்டு நிறுவனத்திற்கு ஆதரவளித்தனர். இது யூ.எஸ்.குடியரசுக் கட்சியின் இலக்குகளுக்கு ஆதரவளித்தது.^[36]மெக்கெயின்-ஃபெயிங்க்ஃபோல்டின் 2002ஆம் ஆண்டின் இரு கட்சி பிரசார சீர்திருத்த சட்டத்திற்கு சோரெஸ் ஆதரவளித்தார். இதன் காரணமாக, கூட்டரசு தேர்தல் பிரசாரங்களுக்கு "மென் நிதி" உதவி நின்றுவிடும் என்று பலரும் நம்பினர். 527 நிறுவனங்களுக்கு சொரெஸ் நன்கொடைகள் அளித்துள்ளார். இச் செயலானது, வேட்பாளர்களுக்கோ அல்லது அரசியல் கட்சிகளுக்கோ நேரடியாகக் கொடுக்கப்படும் நன்கொடைகளைப் போல ஊழல் புகார்களை எழுப்பாது என்று அவர் கூறுகிறார்.

2009ஆம் ஆண்டு ஆகஸ்ட் மாதம் நியூயார்க் மாநிலத்திற்கு $35 மில்லியன் நன்கொடையினை சொரெஸ் அளித்தார். இது மூன்று முதல் 17 வயது வரை உள்ள வசதியற்ற குழந்தைகளுக்காக ஒதுக்கப்பட்டது. நலன் அட்டை கொண்டிருந்த பெற்றோருக்கு ஒரு குழந்தைக்கு $200 வீதம், தகுதி பெறும் குழந்தைகளின் எண்ணிக்கையில் எந்த வரம்புமின்றி, இது வழங்கப்பட்டது. 2009ஆம் ஆண்டின் கூட்டரசு வசூல் சட்டம் வழியாக பெறப்பட்ட நிதியிலிருந்து கூடுதலாக $140 மில்லியன் நியூயார்க் மாநிலத்தால் இந்த நிதியில் சேர்க்கப்பட்டது.^[18]

அமெரிக்காவிற்கான ஊடக விடயங்கள் (Media Matters for America) என்னும் சுய-விவரிப்பு முற்போக்கு காவற்குழுவினுடனும் தொடர்புற்றிருப்பதாக சோரெஸ் கருதப்படுகிறார். சொரெஸிடமிருந்து நேரடியாகவோ அல்லது மறைமுகமாகவோ நிதியுதவி பெறவில்லை^[37] என ஊடக விடயங்கள் குழு மறுத்துரைப்பினும், 2008ஆம் ஆண்டு சொரெஸ் தனது இல்லத்தில் அளித்த விருந்து நிழ்ச்சி ஒன்றில் ஊடக விடயங்கள் குழுவின் நிறுவனரான டேவிட் பிராக் மற்றும் லிபரல் கட்சி விமர்சகர் பால் பெகலா ஆகியோர் பங்கேற்றனர். 2008 யூஎஸ் அதிபர் தேர்தலில் ரிபப்ளிகன் கட்சி வேட்பாளராக அப்போது நியமிக்கப்பட்டிருந்த நாடாளுமன்ற உறுப்பினர் ஜான் மெக்கெயினை அரசியல் ரீதியாகத் தாக்கி விளம்பரங்கள் வெளியிட $40 மில்லியன்கள் திரட்டுவதான திட்டத்தை பிராக் விவரித்தார். இது அமெரிக்கா மற்றும் முற்போக்கு ஊடகத்திற்கான நிதி என்னும் குழுவின் வழியாகச் செய்யப்படும் என்று அவர் கூறினார். பொலிடிகோ.காம் என்னும் வலைத்தளத்தின்படி, இக்குழுவின் பிரதான ஆதரவாளர் சொரெஸ் ஆவார்.^[38]

கிழக்கு ஐரோப்பா

நியூ ஸ்டேட்ஸ்மேன் பத்திரிகையைச் சார்ந்த நெயில் க்ளார்க்கின் கூற்றுப்படி, கிழக்கு ஐரோப்பாவில் பொதுவுடமைக் கருத்தாக்கம் சிதைந்ததில் சொரெஸின் பங்கு பிரதானமானது. 1979ஆம் ஆண்டு முதல், போலந்து நாட்டின் சொலிடாரிடி இயக்கம், செக்கோஸ்லாவாக்கியாவின் சார்ட்டர் 77, சோவியத் ஒன்றியம் ஆண்டிராய் சகாரோவ் ஆகியவற்றை உள்ளிட்ட பல எதிரியவாதிகளுக்கு சொரெஸ் வருடத்திற்கு $3 மில்லியன் அளித்து வந்தார் என்று கிளார்க் கூறுகிறார்.1984ஆம் வருடம் அவர் ஹங்கேரியில் தனது முதல் திறந்த சமுதாய நிறுவனம் (Open Society Institute) ஒன்றை நிறுவி, எதிர்த்தரப்பு இயக்கங்கள் மற்றும் சுதந்திரமான ஊடகங்களுக்கு பல மில்லியன் டாலர்களை அளித்தார்.^[39]

சோவியத் கூட்டரசின் வீழ்ச்சிக்குப் பிறகு, சொரெஸின் நிதியுதவி முந்தைய சோவியத் கோளத்தில் தொடர்ந்து முக்கியப் பங்காற்றி வருகிறது. ஜார்ஜியா வின் ரோஸ் புரட்சியின் வெற்றிக்கு அவரது நிதியுதவியும் உருவாக்கமும் முக்கியமானதாக மேற்கத்திய மற்றும் இரஷ்யப் பார்வையாளர்களால் கருதப்பட்டன; இருப்பினும், தமது பங்களிப்பு "மிகவும் மிகைப்படுத்தப்பட்டது" என்றே சொரெஸ் கூறினார்.^[40] ஜார்ஜியாவின் பாதுகாப்புக் குழுச் செயலாளரும் முன்னாள் கல்வி மற்றும் அறிவியல் அமைச்சருமான அலெக்சாண்டர் லோமியா, சோரெஸ் அறக்கட்டளையின் திறந்த சமுதாய ஜார்ஜியா அறக்கட்டளையில் 50 பணியாட்களையும், $2,500,000 மதிப்புள்ள வரவு-செலவுத் திட்டத்தையும் மேற்பார்வையிட்டு வந்த அதன் முன்னாள் செயல் இயக்குநர் ஆவார்.^[41]

முன்னாள் ஜார்ஜிய வெளியுறவு அமைச்சரான சலோமே ஜௌராபிசிவிலி, (Salomé Zourabichvili) சொரெஸ் அறக்கட்டளை போன்ற நிறுவனங்கள் குடியரசாக்கத்தின் தொட்டில் என்றும், சொரெஸ் அறக்கட்டளையை நோக்கி ஈர்க்கப்பட்ட அனைத்து அரசு சாரா தொண்டு நிறுவனங்களும் புரட்சியை மேற்கொண்டு எடுத்துச் சென்றன என்பதை மறுக்க இயலாதெனவும் எழுதினார். புரட்சிக்குப் பிறகு சொரெஸ் அறக்கட்டளையும் அரசு சாரா தொண்டு நிறுவனங்களும் அதிகாரத்தில் ஒருங்கிணைந்து விட்டதாக அவர் கருதுகிறார்.^[42]

ஓரளவேனும் ஆதிக்க அதிகாரமுடைய பல நாடுகளிலும், குடியரசு மற்றும் ஒளிவு-மறைவற்ற அரசு சாரா தொண்டு நிறுவனங்கள் ஆகியவற்றிற்கான சொரெஸின் ஆதரவு இகழ்ந்துரைக்கப்படுகிறது. கஜகஸ்தான் மற்றும் துருக்கிமெனிஸ்தான் ஆகியவற்றில் சோரெஸ் ஆதரவு பெற்ற குடியரசு-ஆதரவு முன்னேற்பாட்டுப் பணிகள் தடை செய்யப்பட்டுள்ளன.^[43] துருக்கியிலுள்ள ஒளிவு-மறைவற்ற சமூக இயக்கக் கழகம் (சோஷியல் டிரான்ஸ்பேரன்ஸி மூவ்மெண்ட் அசோசியேஷன் - டிஎஸ்ஹெச்டி) என்பதன் தலைவரான எர்சிஸ் குர்த்துலஸ் ஒரு நேர்காணலில் இவ்வாறு கூறினார்: "இந்த அரசு சாரா தொண்டு நிறுவனங்களைப் பயன்படுத்தி உக்ரைனிலும் ஜார்ஜியாவிலும் சொரெஸ் தமது விருப்பத்தை நிறைவேற்றிக் கொண்டார்....கடந்த வருடம், அரசு சாரா தொண்டு நிறுவனங்கள் அந்நியர்களிடம் நிதியுதவி பெறுவதைத் தடை செய்து சிறப்புச் சட்டம் ஒன்றை இரஷ்யா இயற்றியது. துருக்கியிலும் இவ்வாறு தடை செய்யப்பட வேண்டும் என்று நான் எண்ணுகிறேன்."^[44] 1997ஆம் ஆண்டு, பெலாரஸ் அரசால் "வரி மற்றும் செலாவணி விதி மீறல்"களுக்காக $3 மில்லியன் அபராதம் விதிக்கப்பட்ட பின்னர், சோரெஸ் அங்கு தமது அறக்கட்டளையை மூட நேர்ந்தது. நியூயார்க் டைம்ஸ் பத்திரிகையின் கூற்றுப்படி, பெல்லாரஸியன் அதிபரான அலெக்சாந்தர் லகாஷெங்கோ, பெல்லாரஸ் சொரெஸ் அறக்கட்டளை மற்றும் பிற சுதந்திரமான அரசு சாரா தொண்டு நிறுவனங்களைக் கட்டுப்படுத்தவும் மற்றும் பொதுமக்களின் உரிமைகள் மற்றும் மனித உரிமைகள் ஆகியவற்றை அடக்கவும் மேற்கொண்டுள்ள முயற்சிகளுக்காக, மேற்கத்திய நாடுகளிலும், இரஷ்யாவிலும் கடும் விமர்சனத்திற்கு ஆளாகியுள்ளார். இத்தகைய அபராதங்களை "சுதந்திரமான சமுதாயத்தை அழிக்கும்" பிரசாரத்தின் ஒரு பகுதியே என்று சொரெஸ் அறிவித்தார்.^[45]

2009ஆம் ஆண்டு ஜூன் மாதம் மத்திய ஐரோப்பா மற்றும் கிழக்கு ஐரோபபா ஆகியவற்றிற்கு, ஏழ்மையான தன்னார்வலக் குழுக்கள் மற்றும் அரசு சாரா நிறுவனங்கள் பொருளாதார நெருக்கடியிலிருந்து பாதிக்கப்படுவதைத் தடுப்பதற்காக சொரெஸ் $100 நன்கொடை அளித்துள்ளார்.^[46]

ஆப்பிரிக்கா

தெற்கத்திய ஆப்பிரிக்காவிற்கான திறந்த சமுதாய முன் நடவடிக்கை (The Open Society Initiative for Southern Africa) என்னும் அமைப்பு சொரெஸ்-இணை நிறுவனமாகும். [1] பரணிடப்பட்டது 2010-07-23 at the வந்தவழி இயந்திரம் அதன் ஜிம்பாப்வே இயக்குனரான காட்ஃப்ரே கன்யெஞ்ஜ் (Godfrey Kanyenze), ஜிம்பாப்வே தொழிற்சங்கங்களின் கூட்டமைப்பு (ஜிம்பாப்வே காங்கிரஸ் ஆஃப் டிரேட் யூனியன்ஸ்- (இஜட்சிடியு)) என்பதனையும் இயக்குகிறார். இதுவே ஜிம்பாப்வேயில் ஆட்சி மாற்றம் உருவாவதற்கு முதன்மையாகப் பாடுபட்ட உள்நாட்டு அமைப்பான ஜனநாயக மாற்றத்திற்கான இயக்கம் என்பதன் பின்னால் உந்து சக்தியாக இருந்தது.

போதை மருந்துக் கோட்பாடு சீர்திருத்தம்

போதை மருந்துக் கோட்பாடு சீர்திருத்த முன்னேற்றம் தொடர்பான உலகார்ந்த முயற்சிகளுக்காக சொரெஸ் நிதியுதவி அளித்துள்ளார்.2008ஆம் வருடம் மஸாசுசெட்ஸ் மாநிலத்தில், ஒரு அவுன்ஸிற்கும் (28 கிராம்) குறைவான அளவில் மரிஜுவானா வைத்திருத்தலை குற்ற நடவடிக்கை என்பதலிருந்து விலக்கம் செய்வதற்கான, மஸாசுசெட்ஸின் அறிவார்ந்த மரிஜுவானா கோட்பாடு முன்முயற்சி (Massachusetts Sensible Marijuana Policy Initiative) என்றறியப்பட்ட ஒரு வாக்களிப்பு முறைமையை வெற்றிகரமாக நிறைவேற்ற $400,000 நன்கொடை அளித்தார். கலிஃபோர்னியா, அலாஸ்கா, ஒரேகான், வாஷிங்டன், கொலரோடா, நெவாடா மற்றூம் மைனே ஆகிய மாநிலங்களிலும் இதையொத்த முயற்சிகளுக்கு சொரெஸ் நிதியுதவி அளித்துள்ளார்.^[47] சொரெஸிடமிருந்து நிதியுதவி பெற்ற போதை மருந்து குற்றவிலக்குக் குழுக்களில் லின்டெஸ்மித் மையம் மற்றும் போதை மருந்துக் கோட்பாடு அறக்கட்டளை ஆகியவை அடங்கும்.^[48]

2008ஆம் ஆண்டு கலிஃபோர்னியாவின் பிராபோசிஷன் 5 என்னும் ஒரு விளம்பர நடவடிக்கைக்கு சொரெஸ் $1.4 நன்கொடை அளித்தார். இது, வன்முறையற்ற, போதை மருந்து தொடர்பான குற்றங்களுக்கு சிறைத் தண்டனை என்பதற்கு மாற்றாக, போதையடிமைகளின் மறு வாழ்வு நிரல்களைப் பரவலாக்க வேண்டி நிகழ்த்தப்பட்டு தோல்வியடைந்த ஒரு வாக்களிப்பு முறைமையாகும். [2] பரணிடப்பட்டது 2011-01-29 at the வந்தவழி இயந்திரம் ^[49]

2009ஆம் ஆண்டு அக்டோபர் மாதம் நிகழ்ந்த ஓர் நேர்காணலின்படி, மரிஜுவானா என்பது குறைந்த அளவிலேயே போதைக்கு அடிமையாக்குவது என்றாலும் அது குழந்தைகள் மற்றும் மாணவர்களின் பயன்பாட்டிற்கு உகந்ததல்ல என்பது சொரெஸின் கருத்தாகும். அவர் தாமே பல வருடங்களாக மரிஜுவானாவைப் பயன்படுத்தியதில்லை.^[50]

இறப்பும் இறத்தலும்

2001-2003ஆம் ஆண்டுகள் தொடங்கி செயல்பாட்டில் இருந்து வரும் அமெரிக்காவில் மரணம் என்பதன் மீதான செயற்திட்டம், (The Project on Death in America) திறந்த சமுதாய நிறுவனத்தின் செயற்திட்டங்களில் ஒன்றாகும். இது, "இறத்தல் மற்றும் கையறு நிலை ஆகியவற்றின் கலாசாரம் மற்றும் அனுபவம் ஆகியவற்றைப் புரிந்து கொண்டு உருமாற்றம் செய்வதற்கான" முயற்சியாகும்.^[51] 1994ஆம் வருடம், தாம் நிகழ்த்திய சொற்பொழிவு ஒன்றில் ஹெம்லாக் சமூகம் என்பதன் உறுப்பினரான தமது தாய் தற்கொலை செய்து கொள்ளத் தாம் உதவி புரிந்ததாக சொரெஸ் குறிப்பிட்டார்.^[52] அதே சொற்பொழிவில், தாம் நிதியாதரவு அளித்த பிரசாரமான ஒரேகான் சுயமரியாதையுடன் இறத்தல் சட்டம்^[53] என்பதற்கும் அவர் தமது ஏற்பிசைவைத் தெரிவித்தார்.^[54]

கல்வியும் நம்பிக்கைகளும்

சொரெஸ் தத்துவயியலில் மிகுந்த ஈடுபாடு கொண்டுள்ளார். ஒரு தத்துவவாதியாக தம்மைக் காத்துக் கொள்ளத் தேவையான ஆதரவிற்காகவே நிதிசார் விடயங்களில் தாம் நுழைந்ததாக அவர் உரைத்துள்ளார். அவரது தத்துவப் பார்வையானது, லண்டன் பொருளாதரப் பள்ளியில் அவரது ஆசிரியராக விளங்கிய கார்ல் பாப்பர் என்பவரால் பாதிக்கப்பட்டதாகும். அவரது திறந்த சமுதாய நிறுவனம் பாப்பரின் இரண்டு தொகுதிகள் கொண்ட புத்தகமான திறந்த சமுதாயமும் அதன் எதிரிகளும் என்பதை ஒட்டிப் பெயரிடப்பட்டதாகும். சொரெஸ் தற்போது தீவிரமாக நம்புவதான ஃபாலிபிலிஸம் (fallibilism) (நம்பகத்தன்மையின்மை) என்னும் தத்துவக் கருத்தாக்கமும் பாப்பரின் தத்துவத்திலிருந்து பிறந்ததுதான். (தாம் நம்புகிற எதுவுமே உண்மையில் தவறானதாக இருக்கக்கூடும்; எனவே அதை கேள்வி கேட்டு மேம்படுத்திட வேண்டும் என்பதே இத் தத்துவமாகும்). 60 நிமிடங்கள் என்னும் நிகழ்ச்சியின் ஒரு நேர்காணலின்போது, தாம் இறைவனை நம்பவில்லை என்று சொரெஸ் தெரிவித்தார்.^[55]

எதிர்வு, நிதிசார் சந்தைகள் மற்றும் பொருளாதாரக் கருத்தாக்கங்கள்

சொரெஸின் எழுத்துக்கள் எதிர்வு என்னும் கருத்தாக்கத்தினைக் குவிமையப்படுத்துவதாக அமைந்துள்ளன. இதன்படி, தனி நபர் ஒருவரின் ஒருபுறச் சார்புகள் சந்தைப் பரிவர்த்தனைகளில் நுழைந்து, பொருளாதாரத்தின் அடிப்படைகளைப் பற்றிய பார்வையினை மாற்றி விடும் சாத்தியக் கூறு கொண்டனவையாக உள்ளன. பொருளாதார அடிப்படைகளைப் பற்றிய பார்வையிலான அத்தகைய நிலைமாறுதல்கள் சமநிலை அல்லாது அசமநிலையினாலேயே குறிக்கப்படுகின்றன என்றும் சந்தையைப் பற்றிய பாராம்பரியமான கருத்தாக்கம் ('திறனுற்ற சந்தைக் கற்பிதக் கொள்கை') இத்தகைய சூழ்நிலைகளுக்குப் பொருந்தாது எனவும் அவர் கூறுகிறார். விசையுற்ற அசமநிலை , இயங்காத அசமநிலை மற்றும் சமநிலை-அருகேயான நிலைகள் ஆகிய கருத்தாக்கங்களை சொரெஸ் பிரபலப்படுத்தினார்.^[19]

எதிர்வு என்பதானது பிரதானமாக மூன்று எண்ணங்களை அடிப்படையாகக் கொண்டுள்ளது:^[19]

1. முதலீட்டாளரின் ஒருபுறச் சார்புகள் வளர்ந்து முதலீட்டு வட்டரங்கு முழுமையும் பரவுவதான சிறப்பு நிலைகளிலேயே எதிர்வு என்பதானது குறிப்பாகக் காணப்படுகிறது. இத்தகைய ஒருபுறச் சார்பினை உருவாக்கும் காரணிகளில் (அ) பங்கு நெம்பியக்கம் அல்லது (ஆ) ஊகவாளர்களின் போக்கினைப் பின்பற்றும் பழக்கம் ஆகியவை அடங்கும்.
2. சில குறிப்பிட்ட நிலைகளிலேயே வெளிப்படுவதால் எதிர்வு என்பதானது இடைவிட்டே தென்படும்; அதாவது, சாத்தியக் கூறுகளின் விதிகளின் வழியிலேயே சமநிலை செயற்பாட்டின் பண்பு சிறப்பாகக் கருதப்படும்.
3. முதலீட்டுச் சந்தையில் முதலீட்டாளர்களின் அவதானிப்பு மற்றும் பங்கேற்பு ஆகியவை சில நேரங்களில் மதிப்பீடுகள் மற்றும் அடிப்படை நிலைகள் அல்லது வெளிப்பாடுகள் ஆகியவற்றைப் பாதிக்கலாம்.

நவீன நிதிசார் சந்தைகளில் எதிர்வு என்பதன் தற்போதைய எடுத்துக் காட்டு வீட்டு மனைச் சந்தைகளில் கடன் மற்றும் பங்குகள் குறித்ததாகும்.1990ஆம் ஆண்டுகளில் பற்றாளர்கள் மேலும் அதிக அளவிலான மக்களுக்கு வீடு வாங்குவதற்கான கடனுதவியை அளிக்கத் துவங்கினர். இவ்வாறான அதிக நிதி கொண்டு மேலும் பலரும் வீடுகளை வாங்கி, அவ்வீடுகளின் விலையை உயர்த்தினர். பற்றாளர்கள் தமது இருப்பு நிலை அறிக்கையைக் கவனிக்கையில் அது அவர்கள் அதிக அளவிலான கடன்களை அளித்துள்ளனர் என்பதை மட்டும் அல்லாது, அக்கடன்களுக்கான அவர்களின் பங்குகள்- அதாவது அவ்வீடுகளின் மதிப்பு- உயர்ந்திருப்பதையும் சுட்டிக் காட்டியது. (இதன் காரணம், ஒப்பீட்டில் அதே அளவிலான வீடுகளை அதிகப் பணம் துரத்தியதே காரணமாகும்). இவ்வாறு, தமது இருப்பு நிலை அறிக்கைகள் சிறந்து காணப்படுவதற்காக அவர்கள் அதிகக் கடன் வழங்கவும், அதனால் விலைகள் உயர, அதன் காரணமாக மேலும் அதிகமாகக் கடன்களை வழங்கலாயினர். அரசின் பொதுக் கோட்பாடுகளினால் இது மேலும் விஸ்தரிக்கலானது.பல அரசுகளும் வீட்டு உரிமை என்பதை ஒரு நேர்மறையான விடயமாகவே கொள்கின்றன. எனவே, முதல் வீட்டு உரிமையாளர்களுக்கான நிதிசார் மானியங்களும்- அல்லது முதலீட்டு இலாபத்திற்கான வரிவிதிப்பிலிருந்து முதன்மையான வீட்டிற்கு விலக்கு அளிப்பது போன்ற பாதிப்புண்டாக்கும் கோட்பாடுகளும்- வீடு வாங்கும் செயலினை ஒரு சிறந்த பொருளாகக் கொள்ளப்படுவதையே உணர்த்துகின்றன.விலைகள் விரைந்து முன்னேறவே, கடன் வழங்குவதற்கான கட்டுப்பாடுகள் தளர்த்தப்பட்டன. எதிர்வு என்பதன் மிகப் பிரதானமான அம்சமானது, காலப்போக்கில் சந்தை ஏன் சுழற்சி கொள்கிறது என்றும், சமநிலையை ஒட்டியிருக்காது ஏன் அதிநிகழ்வு அல்லது குறை நிகழ்வு கொள்கிறது என்றும் விளக்குகிறது.^[19]

திறந்த சந்தை முறைமையின் சாத்தியமான பிரச்சினைகள் பற்றிய பார்வை

ஒரு முதலீட்டாளராகவும் செலாவணி ஊகவாளராகவும் பணி புரியினும், பல வளர்ச்சியுறா நாடுகளிலும் ஆரோக்கியமான பொருளாதார மேம்பாட்டினை நிதிசார் உகங்களுக்கான தற்போதைய அமைப்பு குறைத்து மதிப்பிடுவதாக அவர் வாதிடுகிறார். சந்தையின் அடிப்படைப் போக்கு என்று தாம் பண்புறுத்துவதின் உள்ளார்ந்த தோல்விப் போக்குகளே உலகின் பிரச்சினைகளுக்குக் காரணம் என்று சோரெஸ் குற்றம் சாட்டுகிறார். உலகமயமாதலின் பல அம்சங்களுக்கு அவர் தெரிவித்த எதிர்ப்பு அவரை சர்ச்சைக்குரிய ஒரு நபராக்கியுள்ளது.

சொரெஸைப் பற்றி விக்டர் நியடெர்ஹோஃபர் இவ்வாறு கூறினார்: "அனைத்திற்கும் மேலாக, வலியமையான மைய சர்வதேச அரசாங்கம் கொண்ட கலப்புப் பொருளாதாரம் கூட மிகுதிகளைத் திருத்த இயலும் என்று ஜார்ஜ் நம்பினார்."

சந்தையில் ஒரு பங்கேற்பாளராக இருப்பதற்கும் அந்தச் சந்தையின் பங்கேற்பாளர்கள் பின்பற்ற வேண்டிய விதிகளை மாற்றுவதற்காகப் பணியாற்றுவதற்கும் உண்டான வேறுபாட்டைத் தாம் வரையறுத்துள்ளதாக சோரெஸ் கூறுகிறார். 1981ஆம் வருடம் ஜூலை முதல் 2003ஆம் ஆண்டு அக்டோபர் வரை மலேசியா வின் பிரதமராகவிருந்த மஹாதிர் பின் மொஹம்மது கூற்றுப்படி, 1997ஆம் ஆண்டு தாய் செலாவணி யூஎஸ் டாலருக்கு எதிராக தனது மதிப்பை இழந்த கிழக்கு ஆசியச் சந்தைகளின் பொருளாதார வீழ்ச்சிக்கு குவாண்டம் என்னும் இழப்புக் காப்பீட்டூ நிதித் தலைவர் என்னும் முறையில் சொரெஸ் ஓரளவு பொறுப்பாக இருந்திருக்கலாம். மஹாதிரின் கூற்றுப்படி, அவ்வீழ்ச்சிக்கு முந்தைய மூன்று வருடங்களில் கிழக்காசியச் சந்தைகளிலும், கட்டமைப்பு நிறுவனங்களிலும் சிறு-கால அளவிற்கான ஊக முதலீடூகளை சொரெஸ் செய்தார். பிறகு, செலாவணி மதிப்பிழப்பதன் முதல் அறிகுறிகள் தென்பட்டதுமே, "கண்ணியமற்ற அவரசரத்துடன்" அவற்றை மீட்டுக் கொண்டார்.^[56] மஹாதிர் "தனது தவறுகளுக்காக தம்மை ஒரு பலியாடாகப் பயன்படுத்துவதாக" சோரெஸ் பதிலிறுத்தார். செலாவணி வர்த்தகத்தைத் தடை செய்வதாக மஹாதிர் அளித்த உறுதியே (இதை மலேசிய நிதி அதிகாரிகள் அவசரமாக மறுதளித்தனர்) "பேரிடருக்கான ஒரு முறைமைக் குறிப்பு" எனவும், மஹாதிர் "தமது சொந்த நாட்டிற்கே ஒரு பெரும் ஆபத்து" என்றும் சொரெஸ் உரைத்தார்.^[57]

2008ஆம் ஆண்டின் பொருளாதார நெருக்கடி தொடர்பான ஒரு நேர்காணலின்போது, 1930கள் துவங்கிய கால கட்டத்திலிருந்து மிகத் தீவிரமான நெருக்கடி என அதனைக் குறிப்பிட்டார். சோரெஸின் கருத்துப்படி, சந்தைகள் தம்மைத் தாமே திருத்தியமைத்துக் கொள்ளக் கூடியன மற்றும் நிதிசார் நடவடிக்கைகளில் அரசின் இடையூடு தேவையில்லை என்ற அடிப்படைப் போக்கானது "ஒரு வகையான சிந்தாந்த மிகுதி"யாகும். சொரெஸின் பார்வையில், சந்தையின் மனநிலையானது - மனநிலை என்பது சந்தைகள் யதார்த்ததைக் காண்கையில் நிலவுகிற ஒருபுறச் சார்புகள் அல்லது நம்பிக்கைவாதம்/ சோர்வுவாதம் என்பதாகும்- உண்மையில் தன்னைத்தானே ஊக்கப்படுத்திக் கொள்ளலாம்; அதாவது இவை ஆரம்ப கட்ட சுய-வலுவூட்டங்களாக இருப்பினும், காலப்போக்கில் தொடர்தாங்கு திறனற்றவையாகவும், சுய-தோற்கடிப்புச் சுழல்/ வெடிப்பு தொடர் நிகழ்வுகள் அல்லது நீர்க்குமிழிகளில் சிக்குவதாகவும் இருக்கும்."^[58]

யூத எதிர்ப்புப் போக்கு மீதான கருத்துக்கள்

2003ஆம் ஆண்டு நவம்பர் ஐந்தாம் நாள் நியூயார்க் நகரத்தில் ஒரு யூத மாநாட்டில், அண்மைக் காலமாக யூத எதிர்ப்புப் போக்கு உயிர்த்தெழுந்திருப்பதற்கு, இஸ்ரேல் மற்றும் ஐக்கிய மாநிலங்களின் கொள்கைகள் மற்றும் தம்மைப் போன்ற வெற்றிகரமான யூதர்கள் ஓரளவு காரணம் என்று சொரெஸ் உரைத்தார்.

ஐரோப்பாவில் யூத எதிர்ப்புப் போக்கானது புத்துயிர் பெற்றுள்ளது. புஷ்ஷின் நிர்வாகம் மற்றும் ஷரோன் நிர்வாகம் ஆகியவற்றின் கொள்கைகளே இதற்குப் பங்களிப்பதாக உள்ளன. இது தெளிவாக வரையறுக்கப்பட்ட யூத-எதிர்ப்பு அல்ல; ஆனால், இது யூத-எதிர்ப்பாகத் தன்னை வெளிப்படுத்திக் கொள்கிறது. அந்தக் கொள்கைகளை நான் கடுமையாக விமர்சிக்கிறேன்.... அத்திசையினை நாம் மாற்றி விட்டால், பிறகு யூத எதிர்ப்புப் போக்கும் குறைந்து விடும். நேரடியாக எவ்வாறு ஒருவர் அதை எதிர்கொள்ள இயலும் என்று எனக்குப் புலப்படவில்லை. என்னுடைய பங்களிப்பைப் பற்றியும் நான் மிகவும் கவலை கொண்டுள்ளேன்; காரணம், இப் புதிய யூத எதிர்ப்புப் போக்கு யூதர்கள் உலகை ஆள்வதாகக் குறிப்பிடுகிறது.... என் நடவடிக்கைகளின் திட்டமிடப்படாத விளைவாக அத்தகைய ஒரு பிம்பத்திற்கு நானும் பங்களித்துள்ளேன்.^[59]

இதைத் தொடர்ந்து, தி நியூயார்க் ரெவ்யூ ஆஃப் புக்ஸ் என்னும் இதழுக்கான ஒரு கட்டுரையில், சோரெஸ் இவ்வாறு வலியுறுத்தினார்:

இஸ்ரேலின் எதிரிகள் பரப்புகின்ற புனைவுகளை நான் நம்பவில்லை. யூத எதிர்ப்புப் போக்கிற்கு நான் யூதர்களைக் குற்றம் சாட்டவில்லை. யூத எதிர்ப்புப் போக்கு என்பது இஸ்ரேல் பிறப்பதற்கு முந்தைய கால கட்டத்திலேயே உருவாகி விட்டது. யூத எதிர்ப்புப் போக்கிற்கு இஸ்ரேலின் கொள்கைகளோ அல்லது அக் கொள்கைகளின் எதிர்ப்பாளர்களோ பொறுப்பாகக் கொள்ளப்படக் கூடாது. அதே நேரம், இஸ்ரேலைப் பற்றிய பார்வைகளை இஸ்ரேலின் கொள்கைகள் பாதிக்கின்றன என்று நான் நம்புகிறேன்; மேலும், யூத சமூகத்தைப் பற்றிய கருத்துக்கள் மாறுபட்ட கருத்துக்களை அடக்குகிற இஸ்ரேல்-ஆதரவுக் குழுமங்களின் வெற்றியினால் பாதிக்கப்படுகின்றன.^[60]

சோரெஸ், சுமார் ஐஅ$13.0 billion என்பதாகக் கணிக்கப்படும் நிகர மதிப்பு கொண்டுள்ள, உலகின் 29ஆவது மிகப் பெரும் செல்வந்தர் என ஃபோர்ப்ஸ் பட்டியலிட்டுள்ளது.ஐஅ$13.0 billion 1979ஆம் ஆண்டு துவங்கி பல்வேறு நோக்கங்களுக்காகவும் சோரெஸ் $7 பில்லியன் அளித்துள்ளார்.^[61]

1980களில் ஃபிடெஸ்ஜ் தலைவர் (1994–2000, 2000-) விக்டர் ஆர்பன் மற்றும் பிரதமர் (1998–2002), ஃபிடெஸ்ஜ் தலைவர் (2000) லாஸேஜ்லோ கோவெர் மற்றும் இரகசிய சேவை அமைச்சர் (1998–2002) ஆகியோர் சொரேஸ் கல்வியுதவி நிதியைப் பெற்றவர்கள். இதற்கும் மேலாக, ஆர்பன் அமைச்சரவையின் துணை பிரதமரான இஸ்தாவன் ஸ்டம்ஃப் 1994ஆம் ஆண்டு முதல் 2002ஆம் வருடம் வரை சோரெஸ் அறக்கட்டளையின் அறங்காவலர் குழுவில் ஒரு உறுப்பினராக இருந்தார். இதற்கு வேறொரு புறமாக, விக்டர் ஆர்பன் மாணவராகவும் இஸ்தான் ஸ்டம்ஃப் மேலாளராகவும் இருந்த பிபோ கல்லூரி சொரேஸ் அறக்கட்டளை துவங்கிய அதே வருடத்தில், அதாவது 1983ஆம் ஆண்டில், நிறுவப்பட்டது.

எழுதியவை மற்றும் இணைந்து எழுதியவை

• நிதிசார் சந்தைகளுக்கான புதிய உருமாதிரி: 2008ஆம் ஆண்டின் கடன் சிக்கல் மற்றும் அதன் பொருள் என்ன (பப்ளிக் அஃபேர்ஸ்,2008) ஐஎஸ்பிஎன் 0195167015
• நம்பகத்தன்மையற்ற காலம்: பயங்கரவாதத்தின் மீதான போரின் விளைவுகள், (பப்ளிக் அஃபேர்ஸ், 2006)ஐஎஸ்பிஎன் 1586483595
• மூவ்ஆன்.ஓஆர்ஜியுடன், உங்கள் நாட்டை நேசிப்பதற்கான மூவ்ஆனின் 50 வழிகள்: உங்கள் அரசியல் குரலைக் கண்டறிந்து, மாற்றமுண்டாக்கும் சக்தியாக மாறுவதெப்படி இன்னர் ஓஷன் பதிப்பகம், 2004 ஐஎஸ்பிஎன் 1-930722-29-எக்ஸ்
• அமெரிக்க உயர்தோற்றத்தின் நீர்க்குமிழ்: அமெரிக்க சக்தியின் தவறான பிரயோகத்தைச் சரி செய்தல் (பப்ளிக் அஃபேர்ஸ், 2003)ஐஎஸ்பிஎன் 1586482173 (காகித அட்டை;பப்ளிக் அஃபேர்ஸ்,2004; ஐஎஸ்பிஎன் 1-58648-292-0)
• உலகமயமாதல் பற்றி ஜார்ஸ் சொரெஸ் (பப்ளிக் அஃபேர்ஸ், 2002)ஐஎஸ்பிஎன் 1-58648-125-8 காகித அட்டை;பப்ளிக் அஃபேர்ஸ்,2004; ஐஎஸ்பிஎன் 1-52648-278-5)
• திறந்த சமுதாயம்: உலகார்ந்த முதலாளித்துவத்தைச் சீர்திருத்துதல் (பப்ளிக் அஃபேர்ஸ், 2001) ஐஎஸ்பிஎன் 1-58648-039-7
• மார்க் அமெடஸ் நோட்ட்ருனோவுடன், அறிவியலும் திறந்த சமுதாயமும்: கார்ல் பெப்பர் தத்துவத்தின் எதிர்காலம் (சென்ட்ரல் யூரோப்பியன் யூனிவர்சிடி பிரஸ், 2000) ஐஎஸ்பிஎன் 963-9116-69-6 (காகித அட்டை: சென்ட்ரல் யூரோப்பியன் யூனிவர்சிடி பிரஸ், 2000; ஐஎஸ்பிஎன் 943-9116-70-எக்ஸ்)
• உலகார்ந்த முதலாளித்துவத்தின் நெருக்கடி: திறந்த சமுதாயத்திற்கு ஆபத்து (பப்ளிக் அஃபேர்ஸ், 1998) ஐஎஸ்பிஎன் 1-891220-27-4
• சொரெஸ் பற்றி சொரெஸ்: வளைவிற்கு முன்னதாக வசித்திருத்தல் (ஜான் விலி, 1995) ஐஎஸ்பிஎன் 0-471-12014-6 (காகித அட்டை; விலி, 1995; ஐஎஸ்பிஎன் 0-371-11977-6)
• ஜனநாயகத்தை உறுதி செய்தல்: சோவியத்துக்களிலும் மற்றும் கிழக்கு ஐரோப்பாவிலும் தடையற்ற தொழில் முனைவு மற்றும் ஜனநாயக சீர்திருத்தங்களை ஊக்குவித்தல் (ஃப்ரீ பிரஸ், 1991) ஐஎஸ்பிஎன் 0-02-930285-4 (காகித அட்டை; பப்ளிக் அஃபேர்ஸ், 2004; ஐஎஸ்பிஎன் 1-58948-227-0)
• சோவியத் அமைப்பைத் திறத்தல் (வெய்டென்ஃபெல்ட் மற்றும் நிக்கோல்சன், 1990) ஐஎஸ்பிஎன் 0-297-82155-9 (காகித அட்டை: பெர்சியஸ் புக்ஸ், 1996; ஐஎஸ்பிஎன் 0-8133-1205-1)
• நிதியின் ரசவாதம் (சைமன் மற்றும் ஸ்கஸ்டர், 1988) ஐஎஸ்பிஎன் 0-671-66338-4 (காகித அட்டை: விலி, 2003; ஐஎஸ்பிஎன் 0-471-44549-5)

வாழ்க்கை வரலாறுகள்

• சொரெஸ்: இரட்சக கோடீஸ்வரரின் வாழ்வும் காலங்களும் மைக்கேல் டி.காஃப்மேன் எழுதியது (ஆல்ஃப்ரெட் ஏ.நாஃப், 2002) ஐஎஸ்பிஎன் 0-375-40585-2
• சொரெஸ்: உலகின் மிகுந்த செல்வாக்கான முதலீட்டாளர் ராபர்ட் ஸ்லேட்டர் எழுதியது (மெக்கிரா-ஹில் ப்ரொஃபெஷனல், 2009) ஐஎஸ்பிஎன் 978-0-07-160844-2

எழுதியவை

• ஜார்ஜ் சொரெஸ், "இஸ்ரேல், அமெரிக்கா மற்றும் ஏஐபிஏசி பற்றி", தி நியூயார்க் ரெவ்யூ ஆஃப் புக்ஸ் , ஏப்ரல் 12, 2007.
• ஜார்ஜ் சொரெஸ், "அமெரிக்க உயர்தோற்றத்தின் நீர்க்குமிழி", தி கொரியா ஹெரால்ட் , மார்ச் 12, 2003.
• ஜார்ஜ் சொரெஸ், "அமெரிக்க உயர்தோற்றத்தின் நீர்க்குமிழி", தி அட்லாண்டிக் , டிசம்பர் 2003.
• ஜார்ஜ் சொரெஸ், அமெரிக்க உயர்தோற்றத்தின் நீர்க்குமிழி பரணிடப்பட்டது 2006-10-14 at the வந்தவழி இயந்திரம், அசிஸ்டிவ் மீடியா வழியாக குரோவர் கார்டனர் படித்த தி அட்லாண்டிக் கட்டுரையின் ஒலிப்பதிவு, 18 நிமிடங்கள்.
• ஜார்ஜ் சொரெஸ், "பிரேசில் பற்றி சொரெஸ்" பரணிடப்பட்டது 2005-04-15 at the வந்தவழி இயந்திரம், ஃபைனான்ஷியல் டைம்ஸ் , ஆகஸ்ட் 13, 2002.
• ஜார்ஜ் சொரெஸ், "இரஷ்யா மீதான கசப்பான எண்ணங்களுடன் நம்பிக்கை", மாஸ்கோவ்ஸ்கியே நோவோஸ்டி (மாஸ்கோ நியூஸ் ), இரஷ்ய மொழியிலிருந்து ஓல்கா க்ரையாஜெயா மொழிபெயர்த்தது, ஃபிப்ரவரி 27, 2000.
• ஜார்ஜ் சொரெஸ், "முதலாளித்துவ அச்சுறுத்தல்" பரணிடப்பட்டது 2010-04-28 at the வந்தவழி இயந்திரம், தி அட்லாண்டிக் மன்த்லி , ஃபிப்ரவரி 1997.
• ஜார்ஜ் சொரெஸ், "எழுதப்படாத காசோலைக்கான அனுமதியை பால்சனுக்கு அளிக்க இயலாது", ஃபைனான்ஷியல் டைம்ஸ் , செப்டம்பர் 24, 2008

பற்றி

• ஸ்டீஃபன் ஆடம்ஸ் "கோபமுற்ற ஜார்ஸ்" பரணிடப்பட்டது 2005-10-06 at the வந்தவழி இயந்திரம் கோட்பாடுகள் மற்றும் கலாசாரத்தில் குடிமகன்-குடும்பம் தொடர்பான விடயங்கள்.
• ஜான் ஆதர்ஸ், புத்தக மறுஆய்வு பரணிடப்பட்டது 2015-04-18 at the வந்தவழி இயந்திரம், "சந்தையின் வெற்றிகரமான தீர்க்கதரிசி", ஃபைனான்ஷியல் டைம்ஸ், மே 19, 2008.
• லாரா ப்ளூம்ஃபீல்ட், புஷ் மீது கோடீஸ்வரர் சொரெஸ் தாக்குதல் பரணிடப்பட்டது 2005-11-27 at the வந்தவழி இயந்திரம் , எம்எஸ்என்பிசி, நவம்பர் 11, 2003
• கோனி ப்ரக், சொரெஸின் நியூ யார்க் குறிப்பின் சாரம் "சொரெஸ் கருத்தில் உலகம்", தி நியூ யார்க்கர், ஜனவரி 23, 1995
• நெயில் கிளார்க் கிழக்கு ஐரோப்பாவில் சொரெஸின் பங்கு பற்றிய பகுப்பாய்வு பரணிடப்பட்டது 2005-06-24 at the வந்தவழி இயந்திரம் "நியூ ஸ்டேஸ்மேனி"லிருந்து.
• மால்கம் கிளாட்வெல், "ஊதி உடைத்தல்," நியூ யார்க்கர் மேகசீன், ஏப்ரல்l 22 மற்றும் 29, 2002, கிளாட்வெல்.காம்-இல்.
• ஜான் ஹோர்வத் மத்திய மற்றும் கிழக்கு ஐரோப்பாவில் சொரெஸ் விளைவு பரணிடப்பட்டது 2004-10-14 at the வந்தவழி இயந்திரம்
• மாட் வெல்ச், 'திறந்த சமுதாய'த்தின் மீதான திறந்த பருவம்: பொதுவுடமைக்கு எதிரான, அழிவிலிருந்து உயிர் பிழைத்தவர் ஏன் சமவுடமை யூத சுய வெறுப்பாளராக பைசாசம் போன்று சித்தரிக்கப்படுகிறார் பரணிடப்பட்டது 2005-07-20 at the வந்தவழி இயந்திரம் ரீஸன் மேகசீன், டிசம்பர் 8, 2003
• மார்ட்டின் பெர்ட்ஜ், "டைரன்-ஏ-சொரெஸ்: அரசர் ஜார்ஜின் பித்து," தி நியூ ரிபப்ளிக், ஃபிப்ரவரி 12, 2007.
• டைமின் மிகுந்த செல்வாக்குள்ள 25 அமெரிக்கர்கள், டைம் மேகசீன் ஏப்ரல் 21, 1997 பரணிடப்பட்டது 2010-07-10 at the வந்தவழி இயந்திரம். அணுக்கம்செய்யப்பட்டது மே 11, 2007.
• தி டைம் 100, அதிகாரம் அளிப்பவர்கள், ஜார்ஜ் சொரெஸ், டைம் மேகசீன் மே 14, 2007 பரணிடப்பட்டது 2010-12-05 at the வந்தவழி இயந்திரம் அணுக்கம் செய்யப்பட்டது மே 21, 2007.

கல்விசார் நோக்குகள்

• Bryant, C. G. A. (2002). "George Soros's theory of reflexivity: a comparison with the theories of Giddens and Beck and a consideration of its practical value". Economy and Society 31 (1): 112–131. doi:10.1080/03085140120109277. 
• Cross, R.; Strachan, D. (1997). "On George Soros and economic analysis". Kyklos 50: 561–574. doi:10.1111/1467-6435.00030. https://archive.org/details/sim_kyklos_1997_50_4/page/561. 
• Kwong, C.P. (2008). "Mathematical analysis of Soros's theory of reflexivity". arXiv: 0901.4447. http://arxiv.org/pdf/0901.4447. 
• Pettis, Michael (2001). The Volatility Machine: Emerging Economies and the Threat of Financial Collapse. Oxford: Oxford University Press. பன்னாட்டுத் தரப்புத்தக எண் 0195143302. {{cite book}}: Cite has empty unknown parameter: |coauthors= (help)
• Stone, Diane (2007). "Market Principles, Philanthropic Ideals and Public Service Values: The Public Policy Program at the Central European University". PS: Political Science and Politics: 545–551. 

சொற்பொழிவுகள்

• துணை-விசாரணைக் குழுவிற்கு முன்பாக ஜார்ஜ் சொரெஸ் வாக்கு மூலம், செப்டம்பர் 15, 1998
• எதிர்வு கருத்தாக்கம்: 1994ஆம் ஆண்டு ஏப்ரல் 26 அன்று உலகப் பொருளாதாரத்தின் எம்ஐடி பொருளாதாரத் துறையில் வழங்கப்பெற்றது.
• "இயல்பு மற்றும் சமூக அறிவியல்களுக்கு இடையிலான வேறுபாடுகள்: நம்பகத்தன்மையின்மையின் மறைமுகக் குறிப்புகள்" ஐஐஎஸ்சி பெங்களூருவில் 2007வது வருடம் ஜனவரி 5 அன்று வழங்கப்பட்டது.
• George Soros introduced by Lajos Bokros.George Soros Lecture on the Global Financial Crisis On November 11, 1 hour 16 minutes.Budapest, Hungary:CEU Business School.
• எஃப்டிசி அட்வான்ஸ்ட் ரூல்மேக்கிங் மற்றும் ஆயில் மார்க்கெட் மேனிபுலேஷன் குறித்து விசாரித்த யூ.எஸ்.வணிகக் குழுவிற்கு முன்பாக வழங்கப்பட்ட வாக்குமூலம்^[62]

விளக்கவுரைகள்

• செயல்முறை ஆட்சிக் குழுவிற்கான ஜார்ஜ் சொரெஸ்' ஓபி/ஈடி விளக்கவுரைகள்

நேர்காணல்கள்

• ஜிபிஎஸ்சில் பொருளாதார நெருக்கடி பற்றி ஜார்ஜ் சொரெஸுடன் ஃபரீட் ஜகாரியா விவாதிக்கிறார்.
• தி லியோனார்ட் லோபெட் ஷோ (டபிள்யூஎன்ஒய்சி)- ஒலி ஆவணக்களரி: "சுதந்திரம் பற்றி ஜார்ஜ் சொரெஸ்"
• ஃப்ரண்ட்லைன்: வீழ்ச்சி: நேர்காணல்கள்: ஜார்ஸ் சொரெஸ்
• ஃபார்ச்சூனுடன் வால் மற்றும் ட்ரீட் வீக் தொலைக் காட்சி நிரல்| பிபீஎஸ்
• சவால்: சர்வதேச நிதி நெருக்கடி- சர்வதேச..... பரணிடப்பட்டது 2010-12-31 at the வந்தவழி இயந்திரம்
• இப்போது பில் மூவர்ஸுடன்

எழுத்துப்படிடேவிட் பிராங்காசியோ .....

• பிரயான் லாம்பை நூற்குறிப்புகளுடன் நேர்காண்கிறார். பரணிடப்பட்டது 2005-09-02 at the வந்தவழி இயந்திரம்

உடன் வரும் ஒளிக்காட்சியுடன் எழுத்துப்படி. பரணிடப்பட்டது 2005-09-02 at the வந்தவழி இயந்திரம்

• ராக்கெட்பூம்: நம்பகத்தன்மை இழப்புக் காலம் (ஒளிக்காட்சி, 2006) பரணிடப்பட்டது 2006-07-03 at the வந்தவழி இயந்திரம்
• கூகிள் ஒளிக்காட்சி: எரிக் ஸ்கெமிட், கூகிள் முதன்மை அதிகாரி ஜார்ஜ் சொரெஸை நேர்காண்கிறார் (ஒளிக்காட்சி, 2006) பரணிடப்பட்டது 2006-10-20 at the வந்தவழி இயந்திரம்
• 2006ஆம் ஆண்டு அக்டோபர் 11 அன்று நெயில் கௌடோ உடன் பாக்ஸ் நியூஸ் நேர்காணல் ஒளிக்காட்சியும் உரையும், 2007ஆம் ஆண்டு மே 25 அன்று அணுகப்பெற்றது.
• ஜார்ஜ் சொரெஸுடனான நேர்காணல், செப்டம்பர் 5, 2000. பரணிடப்பட்டது 2010-06-19 at the வந்தவழி இயந்திரம்

• ஜார்ஜ் சொரெஸின் அதிகாரபூர்வமான வலைத்தளமும் வலைப்பூவும்
• திறந்த சமுதாய நிறுவனமும் சொரெஸ் அறக்கட்டளை வலைப்பின்னலும்
• சொரெஸ் நிதி மேலாண்மை 13எஃப் நிரப்புதலும் நிதிசார் நடவடிக்கைகளும் பரணிடப்பட்டது 2010-06-12 at the வந்தவழி இயந்திரம்
• ஜார்ஜ் சொரெஸின் மற்றும் அவர் பற்றிய சொற்பொழிவுகள் மற்றும் கட்டுரைகளின் பட்டியல் பரணிடப்பட்டது 2000-05-16 at the வந்தவழி இயந்திரம்
• ஜார்ஜ் சொரெஸின் அரசியல் பிரசார பங்களிப்புகள்
• ஃபோர்ப்ஸ்.காம்: ஃபோர்ப்ஸ் 400 அமெரிக்க மிகு செல்வந்தர்கள் பரணிடப்பட்டது 2012-05-05 at the வந்தவழி இயந்திரம்
• எஸ்ஈசி தாக்கல்களில் ஜார்ஜ் சொரெஸ்
• நிதி மனிதன்- நியூ யார்க்கர்
• புதிய செயல் திட்டத்தைப் பற்றிய ஒரு ஆழ்ந்த மறு ஆய்வு
• சொரெஸ் ஆவணக்களரி தி நியூயார்க் ரெவ்யூ ஆஃப் புக் ஸிலிருந்து