புதிய உலகம்
புதிய உலகம் (New World) மேற்கு அரைக்கோளத்திற்கு வழங்கப்படும் பெயர்களில் ஒன்றாகும்; குறிப்பாக கரீபியன், பெர்முடா போன்ற அண்மையத் தீவுகள் உள்ளிட்ட அமெரிக்காக்களை குறிக்க இச்சொல் பயன்படுத்தப்படுகின்றது. சில நேரங்களில் ஓசியானியாவும் (ஆஸ்திரலேசியா) இதில் உள்ளடங்கும்.
16ஆம் நூற்றாண்டின் துவக்கத்தில், கண்டுபிடிப்புக் காலத்தில், பிற்காலத்தில் அமெரிக்காக்கள் எனப்படுகின்ற நிலத்தில் ஐரோப்பியர்கள் கால் பதித்தபோது இச்சொல் புழக்கத்திற்கு வந்தது. கிரேக்க-ரோமானிய நிலவியலாளர்கள் ஆப்பிரிக்கா, ஐரோப்பா, ஆசியா கண்டங்கள் மட்டுமே உலகம் என கருதியிருந்தனர்; இவை கூட்டாக பழைய உலகம் (அல்லது ஆப்பிரிக்க-யூரேசியா) எனப்பட்டது. செவ்வியல் புவியியலை விரிவாக்கும் வண்ணம் புதிதாகக் கண்டறிந்த நிலப்பகுதிகள் புதிய உலகம் எனப்பட்டன.
இச்சொல்லை முதலில் பிளாரென்சு தேடலியலாளர் அமெரிகோ வெஸ்புச்சி பயன்படுத்தினார். பின்னாளில் அமெரிக்காக்களுக்கு இவரது பெயரே சூட்டப்பட்டது.
தவிர அமெரிக்காக்கள் "உலகின் நான்காவது பகுதி" எனவும் குறிப்பிடப்படுகின்றன.[1]