மதுரை மாவட்டம்

ஆங்கிலேயர் ஆட்சிக்காலத்தில் மதராசு மாகாணத்தில் இருந்த சில மாவட்டங்களில் மதுரை மாவட்டமும் ஒன்று. இது தற்போது மதுரையை சுற்றியுள்ள திண்டுக்கல், தேனி, விருதுநகர், ராமநாதபுரம் மற்றும் சிவகங்கை ஆகிய மாவட்டங்களை உள்ளடக்கியதாக இருந்தது. இந்திய விடுதலைக்குப் பிறகு நிர்வாக வசதிக்காக இது பல்வேறு மாவட்டங்களாகப் பிரிக்கப்பட்டது. திண்டுக்கல் மாவட்டம் 1985 ஆம் ஆண்டு செப்டம்பர் மாதம் மதுரையில் இருந்து பிரிக்கப்பட்டு தனி மாவட்டமாக உருவாக்கப்பட்டது.

மதுரை மாவட்டம் 4 வருவாய் கோட்டங்களாகவும், 11 வருவாய் வட்டங்களாகவும், 51 உள்வட்டங்களாகவும், 665 வருவாய் கிராமங்களாகவும் பிரித்து நிர்வகிக்கப்படுகிறது.^[1]

வருவாய்க் கோட்டங்கள்

மதுரை மாவட்டம் 4 வருவாய்க் கோட்டங்களாகப் பிரிக்கப்பட்டுள்ளது. அவையாவன;

1. மதுரை
2. மேலூர்
3. திருமங்கலம்
4. உசிலம்பட்டி

வருவாய் வட்டங்கள்

இம்மாவட்டம் 11 வட்டங்களாகப் பிரிக்கப்பட்டுள்ளது. அவையாவன

1. மதுரை வடக்கு
2. மதுரை தெற்கு
3. மதுரை கிழக்கு
4. மதுரை மேற்கு
5. திருப்பரங்குன்றம்
6. திருமங்கலம்
7. பேரையூர்
8. உசிலம்பட்டி
9. வாடிப்பட்டி
10. மேலூர்
11. கள்ளிக்குடி

இம்மாவட்டத்தில் 2011ஆம் ஆண்டு கணக்கெடுப்பின்படி மொத்த மக்கள் தொகை 30,41,038 பேர் ஆவர். இதில் 15,28,308பேர் ஆண்களும் 15,12,730 பேர் பெண்களுமாக உள்ளனர்.

2011 ஆம் ஆண்டின் மதவாரியான கணக்கெடுப்பின் படி இந்துக்கள் அதிக எண்ணிக்கையில் உள்ளனர். மொத்த மக்கள்தொகையில் இந்துக்கள் 27,60,502 (90.86%) ஆக இருக்கின்றனர். அதையடுத்து இஸ்லாமியர்கள் 1,68,881 (5.56%), கிருஸ்துவர்கள் 97,711 (3.22%), மதம் குறிப்பிடாதோர் 8,602 (0.28%), சமணர்கள் 1,532 (0.05%), சீக்கியர்கள் 520, புத்த மதத்தினர் 199, மற்றவர்கள் 305 என்ற எண்ணிக்கையில் இருக்கின்றனர்.^[3]

இம்மாவட்டம் மதுரை மாநகராட்சி தவிர, 3 நகராட்சிகள், 9 பேரூராட்சிகள்^[4], 13 ஊராட்சி ஒன்றியங்கள், 420 கிராம ஊராட்சிகள் என உள்ளாட்சி மற்றும் ஊரக அமைப்புகள் உள்ளன.^[5]

மதுரை மாவட்டத்தில் ஒரு மக்களவைத் தொகுதியும்,

1. மதுரை மக்களவைத் தொகுதி

பத்து சட்டமன்றத் தொகுதிகளும் (கீழ்க்குறிப்பிட்டவாறு) உள்ளன.^[6]

மதுரை மற்றும் அதனைச் சுற்றி மாவட்டத்தின் பிறபகுதிகளில் உள்ள சுற்றுலா, வழிபாட்டுத் தலங்கள் மற்றும் ஈர்ப்புகள்:

வழிபாட்டுத் தலங்கள்

சுற்றுலாத் தலங்கள்

அருங்காட்சியகங்கள்

1. காந்தி நினைவு அருங்காட்சியகம்
2. சங்கத் தமிழ் காட்சிக் கூடம்
3. அரசு அருங்காட்சியகம் (காந்தி நினைவு அருங்காட்சியகம்) வளாகம்

வானூர்தி நிலையம்

மதுரை பன்னாட்டு வானூர்தி நிலையத்திலிருந்து துபாய், கொழும்பு வெளிநாட்டு நகரங்களுக்கும், மற்றும் சென்னை, பெங்களூரு, ஹைதராபாத், மும்பய் போன்ற இந்திய நகரங்களுக்கு நேரடி வானூர்திகள் உண்டு.

தொடருந்து

மதுரை சந்திப்பு தொடருந்து நிலையத்திலிருந்து இந்தியாவின் முக்கிய நகரங்களை தொடருந்துகள் இருப்புப்பாதை வழியாக மதுரையை இணைக்கிறது.^[7]

பேருந்து நிலையங்கள்

1. எம். ஜி. ஆர். ஒருங்கிணைந்த பேருந்து நிலையம் (மாட்டுத்தாவணி)
2. பெரியார் பேருந்து நிலையம்.
3. அண்ணா பேருந்து நிலையம். (மாவட்ட ஆட்சியர் அலுவலகம்)
4. ஆரப்பாளையம் பேருந்து நிலையம்.

சாலைகள்

தே நெடுஞ்சாலைகளும் மாநில நெடுஞ்சாலைகளும் நாட்டின் அனைத்து நகரங்கள் சாலைகள் வழியாக மதுரையை இணைக்கிறது.

• மதுரை மாவட்டம் (சென்னை மாகாணம்)

• மதுரை மாவட்டம்
• மதுரை மாவட்ட அதிகாரப்பூர்வ இணையதளம்