1066

இங்கிலாந்து

• சனவரி 5 – 24 ஆண்டுகள் ஆட்சியில் இருந்த எட்வர்டு மன்னர் இலண்டனில் இறந்தார். அரோல்ட் காட்வின்சன் இங்கிலாந்தின் மன்னராக அறிவிக்கப்பட்டார்.
• சனவரி 6 – அரோல்ட் காட்வின்சன், இரண்டாம் அரோல்டு என்ற பெயரில் புதிய வெஸ்ட்மின்ஸ்டர் மடத்தில் இங்கிலாந்தின் மன்னராக முடிசூடினார்.^[1]
• மார்ச் 20 – ஹேலியின் வால்வெள்ளி சுற்றுப்பாதையை அடைந்தது. வால்வெள்ளி காணப்பட்டமை பேயூ திரைக்கம்பளத்தில் பதிவானது.
• செப்டம்பர் 12 – வில்லியம் 700 போர்க்கப்பல்கள் அடங்கிய தாக்குதல் படையைத் தயாரித்தார்.
• செப்டம்பர் 18 – நோர்வே மன்னர் அரால்டு ஆர்டிராடா இசுக்கார்பரோ கரையை அடைந்து இங்கிலாந்தை முற்றுகையை ஆரம்பித்தார்.
• செப்டம்பர் 25 – இசுட்டாம்போர்ட் பால சமரில் இரண்டாம் அரோல்டு மன்னர் நோர்வே படைகளைத் தோற்கடித்தார்.
• செப்டம்பர் 27 – நோர்மானியர் இங்கிலாந்தைக் கைப்பற்றுதல்: வில்லியமும் அவனது படையினரும் சோம் ஆற்றின் வாயிலில் இருந்து புறப்பட்டனர்.
• செப்டம்பர் 28 – நோர்மானியர் இங்கிலாந்தைக் கைப்பற்றுதல்: வில்லியம் பெவென்சி என்ற ஆங்கிலேயக் கரையில் தரையிறங்கி, ஏசுட்டிங்க்சு நோக்கி நகர்ந்தான்.^[2]
• அக்டோபர் 14 – ஹேஸ்டிங்ஸ் சண்டை: வில்லியம், இரண்டாம் அரோல்டும் ஏசுட்டிங்சு சமரில் மோதினர். இச்சமரில் இரண்டாம் அரோல்டு கொல்லப்பட்டார்.
• அக்டோபர் 15 – எட்கார் ஏத்தலிங் இங்கிலாந்தின் மன்னராக அறிவிக்கப்பட்டார், ஆனாலும் அவர் முடிசூடவில்லை. விரைவில் தனது ஆட்சியை வில்லியத்திடம் ஒப்படைத்தார்.
• திசம்பர் – வில்லியம் இறுதியில் இலண்டனை அடைந்தார்.
• டிசம்பர் 25 – வில்லியம் இங்கிலாந்தின் மன்னராக முதலாம் வில்லியம் என்ற பெயரில் முடிசூடினார்.

ஐரோப்பா

• மேற்கு சிலாவ் படைகளால் எடெபி நகரம் சூறையாடப்பட்டு எரியூட்டப்பட்டது.^[3]
• செனோவாக் குடியரசு, பீசாக் குடியரசு மீது கடற்படைத் தாக்குதலை ஆரம்பித்தது.^[4]
• சுவீடன் மன்னர் இசுட்டென்கில் 6 ஆண்டுகள் ஆட்சியின் பின்னர் இறந்தார்.
• இரண்டாம் மாக்னசு நோர்வே மன்னராக முடிசூடினார். இவர் மேற்கு, வடக்கு நோர்வேக்களை ஒன்றிணைத்தார்.
• டிசம்பர் 30 – முசுலிம் கும்பல் ஒன்று கிரனாதாவில் அரச அரண்மனையைத் தாக்கி, பெருமாளவு யூதக் குடிமக்களைக் கொலை செய்தது.^[5]

ஆசியா

• இலங்கையில் சோழர் ஆட்சி (993–1077): முதலாம் விஜயபாகு மன்னர் சோழர்களின் இலங்கைத் தலைநகரமான பொலன்னறுவை இராச்சியம் மீது முதலாவது தாக்குதலைத் தொடுத்தார்.
• கெமர் பேரரசு: இரண்டாம் உதயாதித்தியவர்மனின் ஆட்சி முடிவடைந்து சதாசிவபாதன் என்ற மூன்றாம் ஹர்சவர்மனின் ஆட்சி ஆரம்பமானது.

• சனவரி 5 – எட்வர்டு, இங்கிலாந்து மன்னர்
• ஸ்ரீபதி, இந்திய வானியலாளர், கணிதவியலாளர் (பி. 1019)