ద్రోణవల్లి హారిక

ద్రోణవల్లి హారిక గుంటూరులో 1991, జనవరి 12న స్వర్ణ, రమేష్ దంపతులకు జన్మించారు. ప్రాధమిక విద్య గుంటూరు లోని వేంకటేశ్వర బాలకుటీర్ లో చదివింది.

ద్రోణవల్లి హారిక ఏడు సంవత్సరముల వయసులోనే చదరంగం నేర్చి ఆసియా ఖండపు పది సంవత్సరాలలోపు వయస్సు (U-10), పన్నెండు సంవత్సరాలలోపు వయస్సు (U-12) పోటీలలో మొదటి స్థానము సంపాదించింది. ముంబై లో 2003లో జరిగిన కామన్ వెల్త్ చదరంగపు క్రీడలలో మహిళా విభాగములో రెండవ స్థానము పొందింది.

హారిక మూడు ప్రపంచ యువ చదరంగ బిరుదులు స్వంతము చేసుకున్నది^[2].

• హెరాక్లియో, గ్రీసులో అండర్-14 - 2003
• బటూమి, జార్గియా, అండర్-18 - 2006
• గజియాన్ టెప్, టర్కీ, ప్రపంచ యువ చదరంగ పోటీ- 2008

ఆమె ఆగస్టు 2018లో హైదరాబాద్‌కు చెందిన కార్తీక్ చంద్రను వివాహం చేసుకుంది.^[3][4] ఆమె అక్క అనూష తెలుగు సినిమా దర్శకుడు బాబీ(కె. ఎస్. రవీంద్ర)ను వివాహం చేసుకుంది.

• 2007లో భారత ప్రభుత్వము అర్జున పురస్కారముతో గౌరవించింది.
• 2019లో పద్మశ్రీ పురస్కారం.