మడోన్నా
మడోన్నా లూయిస్ సికోన్ (ఆంగ్లం:Madonna Louise Ciccone; 1958 ఆగస్టు 16) అమెరికన్ గాయని, పాటల రచయిత, నటి.[1] క్వీన్ ఆఫ్ పాప్గా పిలువబడే మడోన్నా సంగీత నిర్మాణం, పాటల రచన, దృశ్య ప్రదర్శనలతో తన బహుముఖ ప్రజ్ఞకు ప్రసిద్ధి చెందింది. సామాజిక, రాజకీయ, లైంగిక, మతపరమైన ఇతివృత్తాలతో ఆమె రచనలు వివాదం, విమర్శకుల ప్రశంసలు రెండింటినీ కలిగిఉంటాయి.[2]
మడోన్నా | |
---|---|
జననం | మడోన్నా లూయిస్ సికోన్ 1958 ఆగస్టు 16 బే సిటీ, మిచిగాన్, యు.ఎస్. |
వృత్తి |
|
క్రియాశీల సంవత్సరాలు | 1979 – ప్రస్తుతం |
| |
సుపరిచితుడు/ సుపరిచితురాలు | ప్రముఖ పాప్ సింగర్ |
Works |
|
జీవిత భాగస్వామి | సీన్ పెన్ (m. 1985; div. 1989)గై రిచీ (m. 2000; div. 2008) |
భాగస్వామి | Carlos Leon (1995–1997) |
పిల్లలు | 6 |
బంధువులు | క్రిస్టోఫర్ సికోన్ (సోదరుడు) |
సంగీత ప్రస్థానం | |
మూలం | New York City, U.S. |
సంగీత శైలి |
|
లేబుళ్ళు |
|
సంతకం | |
ఆల్బమ్స్, బిజినెస్ వెంచర్స్, రియల్ ఎస్టేట్, తన పేరిట అమ్ముడయ్యే వస్తువులు, ప్రకటనలు.. వెరసి ఆమె మహిళా పాప్ సింగర్స్లో మొట్టమొదటి బిలియనీర్గా ఎదిగింది. దీనికి తెలివైన పెట్టుబడి నిర్ణయాలూ సహకరించాయి.[3]
2000లో గిన్నిస్ వరల్డ్ రికార్డ్స్ మడోన్నాను ఎప్పటికప్పుడు గొప్ప మహిళా కళాకారిణిగా పేర్కొంది. ఆమె ప్రపంచవ్యాప్తంగా 30 కోట్ల ఆల్బమ్ అమ్మకాలతో అత్యధికంగా అమ్ముడైన మహిళా కళాకారిణి.[4] 2007 గిన్నిస్ బుక్ ఆఫ్ రికార్డ్స్, బిల్బోర్డ్ మ్యాగజైన్ రెండు కూడా అత్యధికంగా సంపాదిస్తున్న గాయకురాలుగా మడోన్నాను పేర్కొన్నాయి.[5] ఫోర్బ్స్ మడోన్నా నికర విలువ $80 మిలియన్లు అని తేల్చింది. మడోన్నా కన్ఫెషన్స్ టూర్ $200 మిలియన్ డాలర్లు వసూలు చేసి రికార్డు సృష్టించింది.[6]
వ్యక్తిగత జీవితం
మడోన్నా లూయిస్ సికోన్ 1958 ఆగస్టు 16న బే సిటీ, మిచిగాన్లో కాథలిక్ తల్లిదండ్రులు మడోన్నా లూయిస్ (నీ ఫోర్టిన్), సిల్వియో ఆంథోనీ (టోనీ) సికోన్లకు జన్మించింది. ఆమె పూర్వీకులు ఇటాలియన్ వలసదారులు కాగా ఆమె తల్లి ఫ్రెంచ్-కెనడియన్ సంతతికి చెందినది. ఆమె కుటుంబ సభ్యులు మడోన్నాను లిటిల్ నానీ అని ముద్దుగా పిలుచుకుంటారు. మడోన్నా ఐదేళ్ల ప్రాయంలో ఆమె తల్లి రొమ్ము క్యాన్సర్తో మరణించింది.
మడోన్నాకు ఇద్దరు అన్నలు ఆంథోనీ, మార్టిన్; ముగ్గురు తమ్ముళ్లు పౌలా, క్రిస్టోఫర్, మెలానీలతో మడోన్నా డెట్రాయిట్ శివారు ప్రాంతాలైన పోంటియాక్, అవాన్ టౌన్షిప్లో పెరిగింది.[7] 1966లో టోనీ హౌస్ కీపర్ జోన్ గుస్టాఫ్సన్ను వివాహం చేసుకున్నాడు. వారికి ఇద్దరు పిల్లలు, జెన్నిఫర్, మారియో. మళ్లీ పెళ్లి చేసుకున్నందుకు తన తండ్రిపై మడోన్నా ఆగ్రహం వ్యక్తం చేసింది. ఇది వారి బంధాన్ని దెబ్బతీసింది.