Malala Yousafzai
Si Malala Yousafzai (Urdu: ملالہ یوسفزئی, Pastun: ملاله یوسفزۍ, bigkas: [məˈlaːlə jusəfˈzəj]; ay ipinanganak noong 12 Hulyo 1997.[4] Siya ay isang babaeng Pakistani at aktibista sa edukasyon at ang 2014 Nobel Peace Prize laureate [5] sa edad na 17. Siya ang pinakabatang nagwagi ng Nobel Prize sa mundo, ang pangalawang Pakistani at ang unang Pastun na nakatanggap ng Nobel Prize. Si Yousafzai ay isang tagapagtaguyod ng karapatang pantao para sa edukasyon ng mga kababaihan at mga bata sa kanyang tinubuang lupa, sa Swat, kung saan minsan pinagbawalan ng Pakistani Taliban ang mga batang babae na pumasok sa paaralan. Ang kanyang adbokasiya ay lumago sa isang internasyonal na kilusan, at ayon sa dating Punong Ministro na si Shahid Khaqan Abbasi, siya ay naging "pinakakilalang mamamayan" ng Pakistan. [6]
Malala Yousafzai | |
|---|---|
ملاله یوسفزۍ | |
_(cropped).jpg) Si Yousafzai sa isang event noong 2019 | |
| Kapanganakan | 12 Hulyo 1997 Mingora, North-West Frontier Province, Pakistan[1] |
| Edukasyon | Lady Margaret Hall, Oxford (BA) |
| Trabaho | Activist for female education |
| Organisasyon | Malala Fund |
| Asawa | Asser Malik (k. 2021)[2] |
| Magulang | |
| Pagkilala | Nobel Peace Prize (2014) |
| Website | malala.org |
Sya ang anak na babae ng aktibistang si Ziauddin Yousafzai, siya ay isinilang sa isang Yusufzai Pashtun na pamilya sa Swat at ipinangalan sa Afghan folk heroine na si Malalai ng Maiwand. Isinasaalang-alang sina Abdul Ghaffar Khan, Barack Obama, at Benazir Bhutto bilang kanyang mga huwaran, [7] naging inspirasyon din niya ang mga kaisipan at makataong gawain ng kanyang ama. [8] Noong unang bahagi ng 2009, noong siya ay 11 taong gulang, nagsulat siya ng isang blog sa ilalim ng kanyang pseudonym na Gul Makai para sa BBC Urdu upang idetalye ang kanyang buhay sa panahon ng pananakop ng mga Taliban sa Swat. Nang sumunod na tag-araw, ang mamamahayag na si Adam B. Ellick ay gumawa ng dokumentaryo para New York Times tungkol sa kanyang buhay habang inilunsad ng Pakistan Armed Forces ang Operation Rah-e-Rast laban sa mga militante sa Swat. Noong 2011, natanggap niya ang kauna-unahang Pambansang Gantimpala para sa Kapayapaan ng Kabataan sa Pakistan. [9] [10] Sumikat siya, sa pagbibigay nya ng mga panayam sa mga pahayagan at telebisyon, at hinirang para sa International Children's Peace Prize ng aktibistang si Desmond Tutu.