ჰასან რუჰანი
ჰასან რუჰანი (სპარს. حسن روحانی, თაშნეშე იტრანსლიტებუ რუჰანი, როჰანი, როუჰანი; დაბადებაშ ჯოხო: ჰასან ფერიდონი; დ. 12 გერგობათუთა 1948) — ირანალი პოლიტიკოსი, შიიტი მუჯთაჰიდი (შარიათიშ სამართალმორჩქინე),[2] იურისტი,[3] აკადემიკოსი დო დიპლომატი, ირანიშ პრეზიდენტი 2013 წაბაშ 3 მარაშინათუთაშე. 1999 წანაშე ექსპერტეფშიშ სხუნუშ მაკათური რდჷ, 1991 წანაშე — ღანკობურობაშ სხუნუშ მაკათური,[4] 1989 წანაშე — ირანიშ ერუანული უშქურანჯობაშ უმაღალაში სხუნუშ მაკათური [5] დო 1992 წანაშე — სტრატეგიული რკუალეფიშ ცენტრიშ პრეზიდენტი რე[6].
| ჰასან რუჰანი სპარს. حسن روحانی | ||
 | ||
 ირანიშ 7-ა პრეზიდენტი  | ||
|---|---|---|
| პოსტის გერინაშ ბორჯი | ||
| 3 მარაშინათუთა, 2013 – ასეშა | ||
| ვიცე-პრეზიდენტი | ეშაქ ჯაჰანგირი | |
| წიმოხონი | მაჰმუდ აჰმადინეჟადი | |
| ერუანული უშქურანჯონაშ უმაღალაში სხუნუშ მელამოსე | ||
| პოსტის გერინაშ ბორჯი | ||
| 14 გჷმათუთა, 1989 – 15 მარაშინათუთა, 2005 | ||
| პრეზიდენტი | აქბარ ჰაშემი რაფსანჯანი მოჰამედ ხათამი | |
| მონძე | ალი ლარიჯანი | |
| სტრატეგიული რკუალეფიშ ცენტრიშ პრეზიდენტი | ||
| პოსტის გერინაშ ბორჯი | ||
| 1 მარაშინათუთა, 1992 – ასეშა | ||
| წიმოხონი | მოჰამედ მოუსავი ხოეინიჰა | |
| პოსტის გერინაშ ბორჯი | ||
| 28 მესი, 1980 – 26 მესი, 2000 | ||
| დუნაბადი | ჰასან ფერიდონი 12 გერგობათუთა, 1948 სორხე, სემნანი, ირანი | |
| მენოღალობა | ირანი | |
| ერუანობა | ირანალი | |
| პოლიტიკური პარტია | მობურჯე ოშურიელე ასოციაცია (1987–2013)[1] | |
| ალმასქუ | საჰებე რუჰანი (არაბი) (1968–ასეშა) | |
| სქუალეფი | 5 | |
| გონათაფა | ყუმიშ სემინარია გლაზგოშ კალედონიური უნივერსიტეტი თეირანიშ უნივერსიტეტი | |
| ომენცარე ხარისხი | დოქტორიშ ხარისხი | |
| პროფესია | იურისტი | |
| საქვარუა | ირანიშ პრეზიდენტი | |
| რელიგია | ისლამი – შიიტური | |
| ხეშმოჭარუა |  | |
| ვებ-საიტი | http://rouhani.ir/ | |
რუჰანი თაშნეშე მა-4 დო მა-5 ხანიშ ისლამური საკონსულტაციე სხუნუშ (მეჯლისიშ) სპიკერიშ მოაბანე დო 1989-2005 წანეფს ერუანული უშქურანჯობაშ უმაღალაში სხუნუშ მელამოსე რდჷ[6]. არხო ულირს, თინა თაშნეშე ირანიშ ჸოფილი ბირთვული მორაგადეფიშ ბუნაშ მადუდე დო ირანიშ ბირთვული პროგრამაშ გეშა ევრორსხუშ სუმ მაკათურ ქიანაწკჷმა — გერმანიაწკჷმა, საფრანგეთწკჷმა დო დიდ ბრიტანეთწკჷმა ქიანაშ მაართა მუმარაგადაფალი რდჷ[7]:138.
2013 წანაშ 7 მესის, ჰასან რუჰანქ საპრეზიდენტე გიშაგორუეფს დარეგისტრირჷ, ნამუქჷთ 2013 წანაშ 14 მანგის იმანჯჷ[8][9]. თიქ გაცხადჷ, ნამჷ-და თის გეგშაგორუნდეს-და, თინა გამზადენდჷ „მენოღალეეფიშ ნებეფიშ ქარტიას“, თაშნეშე აკადგინანდჷ ეკონომიკას დო გაახალენდჷ გოქირონაფილჷ ურთიართობეფს ბჟადაწკჷმა[10][11][12]. მუჭოთ ქიდიჭყჷ გიშაგორუეფიშ მუნაჩემეფიშ წჷმიწორე გიმობჟინაფაქჷნ, სინთიერო გჷნირთჷ, ნამჷ-და რუჰანი დიდი უმენტაშობათ აწმულუანდჷ მუში კონკურენტეფს[13]. რუჰანი ირანიშ პრეზიდენტო, თიში თარი კონკურენტიშ მოჰამედ ბაგერ გალიბაფიშ გერჯგინაშ უკული, 15 მანგის გჷმიცხადჷ[14][15]. ჰასან რუჰანქ მუში საღალობაშ რსულებას ოფიციალურო 2013 წანაშ 3 მარაშინათუთაშე გეუჭყჷ.
რესურსეფი ინტერნეტის
- ოფიციალური ვებ-ხასჷლა Archived 2013-06-08 ვებ-ხასჷლას Wayback Machine.
