时新图文
依夫城堡(法文:Château d'If),造拉马赛非乌勒群岛上个城堡。
1516年辰光,法国国王弗朗斯伐一世(François Ier)来玛里娘打仗,一落头地打到马赛。从依夫岛望,渠分析马赛根本呒不防外侵个防卫设施,怪得渠命令来岛上造一个防卫城。隔脱仔8年,西班牙国王卡洛斯一世只想吃落马赛。虽然讲特派大臣米朗达勒拿进攻部队打退哉,不过箇事体还讲明一个问题:城市进口个防卫要加强。箇年,也便是1524年,第一批城墙开造咾,望渠里好保护港口,外加派仔两百个兵搭廿二门大炮摆勒岛上。
马赛人弗买账,还搭箇只城堡起着只绰号叫“讨惹厌个邻舍”。马赛人开始争论箇城堡,因为来1481年前,马赛弗是法国领土。怪得对渠里来讲,城堡是法国国王对马赛掌权个象征。
城堡最终来1531年造好。西班牙国王卡洛斯一世后歇来登1536年也亲自进攻马赛,不过渠登拉城堡边上兜仔几圈,终归还是呒没办法拿渠攻下来。
依夫城堡造好交关年数之后,大约莫来16世纪中期,渠多仔一项监牢个功能。为仔城堡个地理位置搭建筑风格咾,渠变成理想个监牢,难板有人逃得出。只要有人拿城堡守牢就好哉,外加城堡也从来朆有人来进攻。
但必过,依夫城堡真正出名是因为一本书:大仲马个《基督山伯爵》。箇本小说个主人公艾特蒙·堂戴斯就是关勒依夫城堡里向个。
尔儂曉得𠲎?
吳語消息Beta
箇音頻文件是參照「
封面」勒嗰一個版本創建嗰,渠不會隨文章嗰編纂自動更新。(
音頻幫助)
- 澳洲籍作家楊恆均㑭判死緩兩年。人權搭女權行動者李翹楚㑭判有期徒刑。
- 上海浦東機場一度弗容許網約差頭接客。
- 中國證監會打擊「惡意做空」,撤調證監會主席。
- 英國國王生癌。
- 剛巧過去个2024年1月份是有記錄以來頂熱个1月份。
新闻
- 5月20号,赖清德同萧美琴分别正式就任中华民国第16任总统搭仔副总统。
- 5月13号,新喀里多尼亚反对新移民拥有地方选举参政权个示威变成暴力抗议。
- 5月13号,英国伦敦警察厅公布有三名男人涉嫌协助香港情报机关收集当地香港人个资料搭仔进行外国干涉,违反《2023年国家安全法》。
- 5月10号,太阳风暴让热带也觑得到极光(图)。
- 5月8号,2024年夏季奥林匹克运动会火炬传递到马赛老港,开始环法国个圣火传递。
吴语介绍
侬吴语讲得来𠲎?吴语是汉语族里向个一种闲话,历史交关悠久。讲吴语个人蹲扗江苏南面,浙江大部分,整个上海,安徽南面搭仔福建、江西少部分场许。有110隻横里县市通行吴语,人口8070万光景(2015年),在扗汉语族语言里向排第二位、世界丄排名第十。吴语有得交关种书写系统,汉字末是頂頂行搭传统个。
軋進維基百科來
维基百科是隻多种闲话、内容自由、大家侪好编写个协作打算,目标是建一部完整、准足外加中立个百科全书。
大家人来帮衬帮衬,一淘编写吴语维基百科,积累吴语文本资料。弗管是开新篇、修旧文,还是增插画,侪是替维基百科出力。
维基百科是非盈利性组织维基媒体基金会运作个。基金會下頭還有得別他幾隻多化閑話、內容開放个項目: