Джэймс Мілнер

Джэймс Мілнер
Джэймс Мілнер
Агульная інфармацыя
Поўнае імя	Джэймс Філіп Мілнер
Нарадзіўся	4 студзеня 1986 (38 гадоў); Лідс, Сіці-оф-Лідс[d], Заходні Ёркшыр, Англія, Вялікабрытанія;
Грамадзянства	Англія
Рост	175 см
Вага	70 кг
Пазіцыя	паўабаронца
Інфармацыя пра клуб
Клуб	Брайтан энд Хоўв Альбіён
Нумар	6
Маладзёжныя клубы
1996—2002	Лідс Юнайтэд
Клубная кар’ера
2023—	Брайтан энд Хоўв Альбіён
Нацыянальная зборная
	Медыяфайлы на Вікісховішчы

Джэймс Філіп Мілнер (англ.: James Philip Milner; нар. 4 студзеня 1986, Лідс, Англія) — англійскі футбаліст, паўабаронца клуба «Брайтан энд Хоўв Альбіён» і нацыянальнай зборнай Англіі. Раней выступаў за «Лідс Юнайтэд», «Суіндан Таўн», «Ньюкасл Юнайтэд», «Астан Вілу», «Манчэстэр Сіці» і «Ліверпул». Галоўным чынам ён атакоўны ігрок, але з’яўляецца ўніверсалам і можа гуляць на абодвух флангах, у цэнтры паўабароны і ў апорнай зоне, калі гэта патрэбна.

Мілнер дэбютаваў у першай камандзе ў 2002 годзе, ва ўзросце 16 гадоў, і атрымаў слыннасць як наймалодшы ігрок, які выйграў матч у Прэм’ер-лізе. Таксама ён правёў рэкордную колькасць матчаў за маладзёжную зборную Англіі. Ён дэбютаваў у галоўнай зборнай у жніўні 2009 года ў матчы супраць Нідэрландаў, а таксама гуляў на чэмпіянаце свету 2010 года.

Кар’ера

Раннія гады

Да таго, як трапіць у стан бірмінгемскай каманды, гуляў за клубы «Лідс Юнайтэд», «Суіндан Таўн» і «Ньюкасл Юнайтэд». У дзяцінстве Джэймс гуляў за каманду сваёй школы, а потым за аматарскія клубы Радэна і Хорсфарта. У 1996 годзе маладым хлапцом прымыкае да юнацкай акадэміі «Лідс Юнайтэд», клуба, за які хварэў з малых часоў. У 2002 дэбютуе ў англійскай Прэм’ер-Лізе ва ўзросце 16 гадоў, выйшаўшы на замену падчас гульні з «Вест Хэмам Юнайтэд».

У наступным годзе Джэймс быў адпраўлены ў арэнду ў «Суіндан Таўн», каб набрацца вопыту выступлення за першую каманду. Наступным клубам футбаліста быў «Ньюкасл Юнайтэд», за які Мілнер правёў каля 100 матчаў. Але пасля вылету каманды з Прэм’ер-Лігі неўзабаве апынуўся ў «Астан Віле», за якую ўжо гуляў падчас сезона 2005/2006 гадоў, знаходзячыся ў арэндзе.

«Манчэстэр Сіці»

17 жніўня 2010 года «Астан Віла» пагадзілася на здзелку з «Манчэстэр Сіці» наконт продажу Мілнера ў залежнасці ад вынікаў медыцынскага абследавання. Дагавор, як паведамлялася, каштаваў «Сіці» каля 24 млн фунтаў стэрлінгаў^[2], у тым ліку з абменам іграка Стывенам Айрлендам, які быў ацэнены ў 8 млн фунтаў стэрлінгаў^[3]. Мілнер дэбютаваў у складзе «Манчэстэр Сіці» 23 жніўня 2010 года ў пераможным для яго каманды матчы супраць «Ліверпула» (3:0), дзе ён аднойчы асіставаў свайму былому аднаклубніку па «Астан Віле» Гарэту Бары^[4].

«Ліверпул»

У чэрвені 2015 года ў якасці свабоднага агента стаў іграком «Ліверпула». У маі 2023 года клуб абвясціў, што паўабаронца пакіне каманду па заканчэнні сезона ў якасці свабоднага агента.

У чэрвені 2023 года падпісаў аднагадовы кантракт з клубам «Брайтан энд Хоўв Альбіён»^[5].

Міжнародная кар’ера

Пачынаючы з 16 гадоў Джэймс стала вызываецца ў склад зборных Англіі розных узростаў. Мае рэкорд па выступленнях за зборную Англіі U-21, адгуляўшы за гэтую каманду 46 гульняў. Дэбютаваў за нацыянальную каманду ў жніўні 2009 года падчас матча супраць зборнай Нідэрландаў.

Дасягненні

«Манчэстэр Сіці»:

Чэмпіён Англіі (2): 2012, 2014
Уладальнік Кубка Англіі: 2011
Уладальнік Кубка Футбольнай лігі: 2014
Уладальнік Суперкубка Англіі: 2012

«Ліверпул»

Чэмпіён Англіі: 2020
Уладальнік Кубка Англіі: 2022
Уладальнік Кубка Англійскай футбольнай лігі: 2022
Уладальнік Суперкубка Англіі: 2022
Пераможца Лігі чэмпіёнаў: 2019
Уладальнік Суперкубка УЕФА: 2019
Пераможца клубнага чэмпіянату свету: 2019

Заўвагі

Спасылкі

Статыстыка на сайце FIFA (англ.)
Профіль футбаліста Архівавана 30 мая 2012. на сайце Thefa.com (англ.)
Профіль футбаліста на сайце Worldfootball.net (англ.)
Профіль футбаліста на сайце Football-lineups.com (англ.)
Профіль футбаліста Архівавана 16 лютага 2018. на сайце Astonvilla.ru (руск.)

[1]

[* 1]

[* 2]

[2]

[3]

[4]

[5]

Search