Jilin
Jilin (吉林 txinera sinplifikatuz), Txinako Herri Errepublikako probintzia baten izena da. Probintziak 187.400 kilometro koadroko azalera dauka eta 2004ko erroldaren arabera 27.090.000 biztanle bizi ziren bertan.
| Jilin (吉林) Jílín Shěng | |
|---|---|
 Txinako Herri Errepublika | |
 | |
| Administrazioa | |
| Estatua | Txina |
| Izen ofiziala | 吉林省 |
| ISO 3166-2 | CN-JL |
| Hiriburua | Changchun |
Governor of Jilin (en)  | Jing Junhai (en) |
| Zatiketa | |
| Geografia | |
| Koordenatuak | 43°53′03″N 125°18′30″E / 43.8842°N 125.3083°E |
 | |
| Azalera | 187,400 km² |
| Mugakideak | Heilongjiang, Liaoning, Barne Mongolia, Primorski kraia, Ipar Hamgyong, Ryanggang eta Chagang |
| Punturik altuena | Baekdu mendia |
| Demografia | |
| Biztanleria | 24.073.453 (2020ko azaroaren 1a) −3.388.844 (2010) |
| Dentsitatea | 145 bizt/km² |
| Informazio gehigarria | |
| Gobernadorea | Han Changfu |
| Etniak | Han %91 Korearra %4 Mantxuriarra %4 |
| Ordu eremua | UTC+08:00 |
| www.jilin.gov.cn | |
Inguru naturala eta kokapena
Jilin probintziaren mugakideak honakoak dira: Ipar Korea eta Errusia ekialdean, Heilongjiang probintziarekin hegoaldean, Liaoning probintziarekin hegoaldean, eta Barne Mongoliarekin mendebaldean.
Probintziako hiriburua Changchun da.
Geografia
Jilin probintziak, mota desberdineko lehengai eta mineralak dauzka (guztira 136 mota desberdin). Horietako gehienak ustiatzen hasi ziren XX. mendearen bigarren erditik aurrera, eta gaur egun Txinako gune industrial nagusienetako bat da, ehundaka meategirekin. Horrez gain, Jilinen Txinako medikuntza tradizionalerako 27.000 landare eta 9.000 belar lortzen dira.
Probintziako punturik garaiena hego-ekialdean dago 2.691 metroko Baiyun mendian, Changbai mendietan. Mendilerro honek Jilin probintzia hego-ekialde osoa zeharkatzen du. Probintziako bestelako mendizerrak, Jilinhada, Zhang Guangcai eta Longgang mendiak dira.
Ibairik garrantzitsuenak Yalu eta Tumen ibaiak dira, probintziako hego-mendebaldeko muturrean, Ipar Korea eta Txinako Herri Errepublikako mugan. Bi ibai hauek Liao ibaiaren ibaiadarrak dira.
Klima
Jilin probintziak, montzoiak baldintzaturiko klima kontinentala dauka, negu oso hotz eta uda labur eta beroekin. Urtarrileko batez besteko tenperaturak -20 eta -14 °C bitartekoak dira, nahiz eta noizbehinka termometroa -40 °C jaitsi daitekeen. Urteko batez besteko prezipitazioak 350 eta 1.000mm artean egon ohi dira dira.
Banaketa administratiboa
| Mapa | # | Izena | Txinera sinplifikatuz | Pinyineraz | Mota |
|---|---|---|---|---|---|
 | |||||
| 1 | Changchun | 长春市 | Chángchūn Shì | Prefektura mailako hiria | |
| 2 | Baicheng | 白城市 | Báichéng Shì | Prefektura mailako hiria | |
| 3 | Baishan | 白山市 | Báishān Shì | Prefektura mailako hiria | |
| 4 | Jilin Hiria | 吉林市 | Jílín Shì | Prefektura mailako hiria | |
| 5 | Liaoyuan | 辽源市 | Liáoyuán Shì | Prefektura mailako hiria | |
| 6 | Siping | 四平市 | Sìpíng Shì | Prefektura mailako hiria | |
| 7 | Songyuan | 松原市 | Sōngyuán Shì | Prefektura mailako hiria | |
| 8 | Tonghua | 通化市 | Tōnghuà Shì | Prefektura mailako hiria | |
| 9 | Yanbian (Korearra) | 延边朝鲜族自治州 | Yánbiān Cháoxiǎnzú Zìzhìzhōu | Prefektura autonomoa |
Politika
Jilin probintziako gobernadorea Han Changfu da. Txinako Alderdi Komunistak probintzian duen ordezkaria Wang Min da.
Garraioa
Aireportuak
| Kokapen Hiria | NAZE | NAGE | Aireportuaren izena |
| JILIN | |||
| Changchun | ZYCC | CGQ | Changchun Longjia Nazioarteko Aireportua |
| Jilin Hiria | ZYJL | JIL | Jilin Aireportua |
| Tonghua | ZYTN | TNH | Tonghua Liuhe Aireportua |
| Yanji | ZYYJ | YNJ | Yanji Chaoyangchuan Aireportua |
Kanpo estekak
- (Txineraz) Jilingo gobernuaren webgunea.
 | Artikulu hau Txinako geografiari buruzko zirriborroa da. Wikipedia lagun dezakezu edukia osatuz. |