Maialen Lujanbio

Ikasketak

Arte Ederretan lizentziaduna da EHUn.^[2] Euskal Kulturgintzaren Transmisioa graduondokoa ikasi zuen Mondragon Unibertsitatean eta bertan ikasitakotik abiatuta, 2010ean Hau Koaderno bat zen liburua idatzi zuen.^[3]

Bertsolaritza

Ikastolan zebilenean hasi zen bertsotan lagunen artean eta 11-12 urterekin parte hartu zuen lehendabiziko aldiz txapelketa batean: Gipuzkoako Eskolarteko Bertsolari Txapelketan. 15 urte zituela, Andoni Egaña, Anjel Mari Peñagarikano eta Kristina Mardarasekin batera, Hondarribian abestera gonbidatu zuten eta geroztik, etenik gabeko ibilbidea egin zuen.^[4]

2009tik 2013 arte bertsolarien txapeldun nagusia izan zen,^[5] eta berriro ere irabazi zuen 2017ko Bertsolari Txapelketa Nagusia.^[6]

Gai aniztasuna lantzen duen bertsolaritzat hartzen da, askotan ezkutuan egon diren gaiak oholtzara ekarriz,^[7] eta emozionatzeko gaitasuna duela ere aipatu izan dute hainbatek.^[8]

2018az geroztik Euskal Herriko Bertsozale Elkarteko lehendakaritza taldeko kidea da.^[9]

2019ko Korrikan, Lujanbiok idatzi eta irakurri zuen mezua.^[10][11]

• 
  1991ean Goizuetan, Estitxu Arozena, Iratxe Ibarra eta Ainhoa Munitxarekin batera.
• 
  Bertso saioa Allurralden San Jose egunean, 1995ean
• 
  2009ko txapelketan
• 
  2017an, txapela buruan duela.

Sari nagusiak

Bertsolari Txapelketa Nagusia:

• Txapelduna (3): 2009, 2017, 2022
• Txapeldunordea (2): 2001, 2013
• Finalista (7): 1997, 2001, 2005, 2009, 2013, 2017, 2022.

Gipuzkoako Bertsolari Txapelketa:

• Txapelduna (1): 2003

• 
  Joxe Agirrek 2009ko Txapelketa Nagusiko txapela jarri zion unea
• 
  2013ko Txapelketa Nagusian
• 
  Sebastian Lizasok 2017ko Txapelketa Nagusiko txapela jarri zion unea
• 
  Maialen Lujanbio eta Aitor Mendiluze, Beasaingo batzokiko bertso saioan

Gaztetxotan

Gipuzkoako Eskolarteko Bertsolari Txapelketa

• Handien mailan:
  • Txapelduna (1): 1994
  • Finalista (1): 1993
• Txikien mailan:
  • Txapelduna (2): 1990, 1991
  • Finalista (2): 1988, 1992

Euskal Herriko Eskolarteko Bertsolari Txapelketa

• Handien mailan (0): bigarren 1994an
• Txikien mailan (3): 1990, 1991, 1992

Bestelako sari eta errekonozimenduak

• 1991ko Xenpelar saria: bertso onenari.
• 1992ko Lizardi saria: bertso onenari.
• 1992ko Osinalde saria: 1. postua eta bertso onenaren saria
• 2017ko Zapi Janztea.^[12]
• 2018ko Zapi Janztea.^[13]
• 2018ko Zarauzko Kopla Txapelketa.^[14]
• 2019ko Zarauzko Kopla Txapelketa.^[15]

2006tik 2011ra Ornitorrinkus proiektua ondu zuen Judith Montero eta Xabier Erkiziarekin. Musika esperimentala, hotsak eta hitzak bat eginez, Ornitorrinkus disko-liburua eman zuten argitara.^[16]

2011n Txori Mugariak irrati performancea sortu zuen Xabier Erkiziarekin; eta 2013ko udan, kolaboratzaile berarekin, Hegi, Egia, Egiak proiektua aurkeztu zuten.

• Hau Koaderno bat zen. 2010^[17]
• Ilunpetik argitara - Emakume langileak iruditan - Hernani 1936-1975.^[18]

• Maialen Lujanbio, Bertsozale Elkartearen webgunean.
• Maialen Lujanbiori egindako elkarrizketa, Info7n.
• Maialen Lujanbiori egindako elkarrizketa, Euskonews Gaztean.
• Elkarrizketa: Garaiari eta lekuari erantzuten dion bertsogintza bat da txapelketa Berria, 2022.12.17