Michail Sergejewič Gorbačow (rusce Михаил Сергеевич Горбачёв; * 2. měrca 1931 w Priwolnom, Ruska SFSR; † 30. awgusta2022 w Moskwje) bě sowjetski a ruski politikar a poslednja hłowa stata Sowjetskeho zwjazka.
Gorbačow, najmłódši nawoda stata w sowjetskich stawiznach, bě wot měrca 1985 hač do awgusta 1991 jako naslědnik Konstantina Černjenka generalny sekretar Centralneho komiteja Komunistiskeje strony Sowjetskeho zwjazka (KSSZ) a wot měrca 1990 do decembra 1991 statny prezident Sowjetskeho zwjazka. Nowe akcenty w sowjetskej politice sadźi wón z glasnostu („wotewrjenosću“) a pjerjestrojku („přetwarom“). We wotbrónjenskich jednanjach ze Zjednoćenymi statami zahaji wón kónc Zymneje wójny. Jemu spožči so w lěće 1990 Nobelowe myto měra.
.jpg)
