Бермуда (англиски: Bermuda) или Бермуди, Бермудски Острови или Сомерски Острови — прекуморска територија на Обединетото Кралство во северен Атлантски Океан, која се наоѓа околу 975 км од брегот на САД. Територијата се состои од околу 138 острови, со вкупна површина од 58.8 км2. На најголемиот остров се наоѓа и главниот град Хамилтон. Бермудите се напредна економија, со јак финансиски сектор и развиен туризам.
Бермуда се наоѓа во Атлантскиот Океан, во близина на западната граница на Сарагаското Море или околу 1070 км источно од Северна Каролина, САД. Островите имаат вкупен брег од 103 километри и оваа територија има две инкорпорирани општини: Хамилтон и Сент Џорџес. Понатака, Бермуда е поделена на парохии, а како последна административна поделба се т.н. села.
Бермуда, иако често се именува во еднина, всушност е составена од 181 остров со вкупна површина од 53.3 квадратни километри. Најголем остров е „Главниот Остров“, кој понекогаш се нарекува и како „Бермуда“. Бермуда има вкупно население од 67,837 според проценките од 2009 година.
