Civitas Islamica (regimen)

Civitas Islamica, Arabice الدولة الاسلامية al-Dawla al-Islāmiyya, etiam nomine longiori cognita "Civitas Islamica in Mesopotamia et Syria"^[1] est grex rebellis et civitas non rite agnita in Iraca et Syria impigre militans.^[2] Quae, statum civitatis liberae a se pronuntiato habens, terras Iracae et Syriae postulat, aliis terris Syriae sensu lato (e.g. Libanus) vindicaturis. Quae civitas, annos primos Belli Iracensis constituta, fidem ad al-Qāʿida anno 2004 obligavit.

Grex et fautores in variis manibus rebellibus, tromocratibus, mercatu hominum et servitudibus consistit, inter quos Consilium Gihadistarum^(en) (organizatio prior), al-Qāʿida in Iraca, Jaysh al-Fatiheen, Jund al-Sahaba, Katbiyan Ansar Al-Tawhid wal Sunnah, Jeish al-Taiifa al-Mansoura, et aliae gentes quarum homines sectam Sunniticam profitentur. In animo habet instituere caliphatum in regionibus maioritatis Sunniticae in Iraquia, deinde haec fundamenta ad comprehendam Syriam expandere.^[3] Mense Februario 2014, post intestinum octo mensium certamen, Alcaeda se a Civitate Islamica in Iraquia et Levante separavit.^[4] Die 29 Iunii 2014, duces civitatis Caliphatum, Abu Bakr al-Baghdadi Caliphum, nomenque civitatis Civitas Islamica tantum esse proclamaverunt.^[5]

Quod Civitas Islamica plures cives inermes occidit, Foedus Arabicum hoc ut crimen contra humanitatem anno 2014 damnavit, Curator supremus Consociationis Nationum pro Iuribus Humanis hoc scelus belli die 24 Iunii 2014 iudicavit, ac Concilium Salutis die resolutionem quae gestas Civitatis Islamicae contra humanitarium belli ius 15 Augusti 2014 publicavit.